رثاء في الملك عبدالله .. الشاعر عبدالرحيم الدوس

صحيفة مبتعث - وائل علي الأمير

صحيفة مبتعث – الشاعر عبدالرحيم الدوس – نيويورك

سميت بسم الكريم المعطي المنان

بسم الإله اللي جبر كسر ما نطيقه

الواحد الأحد منقذ الناس من النيران

جل في علاه عن دبرة باقي مخاليقه

كتبت لي أبيات من ضيقتي وانا زعلان

من فرقا حبيب الكل عيوني غريقة

عبدالله اللي ثبت الصروح والبنيان

وافي العهود شال حمل محد يطيقه

يارب لك الحمد جبرت الكسر بسلمان

صقر من وكر الصقور الحرار العريقة

له العهد والوﻻء بعد الله واﻻيمان

جعلك ذخر وحنا فدا لك والله حقيقة

يابو فهد انت معزب لكل إنسان

سعودي متمسك في الرخا والضيقة

معك الله ثم مقرن اللي به اﻻمان

وافي الجمايل اللي حجانه دايم طليقه

وين ما تشرق الشمس فحنا لكم أعوان

وعيالنا قبل أموالنا دونك في دقيقة

ياسيدي حبنا لكم ورث من الجدان

بسالك كيف ملكتوا هالقلوب الرقيقة

محمد شهاب السماء على كل شيطان

ومن سولت نفسه يوم يخون الوثيقة

حنا نخفي الوفا ونعلنه وقت الاعلان

سيرة المجد معك وكل في طريقة

وان كأنني مريض ويداويني أمريكان

بجدد العهد وابدي مشاعر عميقة

انا على مارد شارب منه رويان

شربت انا منه وكل يسقي فريقه

شد العزوم ياسيدي وثبت اﻻركان

والخبث والله ان يعود على من يحيقه

زهابي تركته وبشيل سيف وسنان

حنا هل العوجا عزومنا جد وحقيقة

ياسيدي بخبرك والله لو كان ما كان

من دونكم يضعف الدين وتشب الحريقة

وابشر بخير من الراحم الرحمن

يمدك بجيش ما تبارى في ملاحيقه

بساعة الحرب نثبت وﻻنخلف الميزان

وعدوك والله ان ما نخليه يبل ريقه

وأنك قرير العين وغيرك شاخص اﻻعيان

يامحلا سلة السيف ولمعة بريقه

وصلاة ربي على المصطفى خير اﻻزمان

شفيعنا يوم كل مشغول عن شقيقه