طلاب الطب!!! أرجو المساعدة!!!

إيرلندا الأفضل والله أعلم

هلا بيك أخي العزيز black. wolf

أنا بس بقدر أجاوب على الي أعرفه وسامحنا على القصور>>>>

أولا بالنسبة إلى المانيا معروفة بدراستها القوية في الطب بس المشكلة الي يمكن يعاني منها الطلاب هي اللغة الجديدة الي بتكون الدراسة بها وهي اللغة الألمانية..
بالنسبة لدراسة الطب في هولندا أيضا مشهود لها وحط في علمك اذا تخرجت من هولندا بتتخرج بماجستير طبي مو بكالوريس... وحسب الي سمعته من الطلاب أنهم يدرسوا في البداية 3 ثلاثة سنوات بالإنجليزي وبعدين بالدتش (اللغة الهولندية) والله أعلم..

من ناحية ايرلندا الي أنا أدرس فيها أنا بحكي لك الوضع : طبعا ما يخفى عليك حنا أول دفعة لدراسة الطب إلى الكلية الملكية للجراحين إلى ايرندا .. فالبرنامج نوعا ما ما كان مرتبا :
بداية عليك تدرس برنامج إعدادي إلى الكلية الملكية المعد من قبلها بس الدراسة بتكون في معهد اسمه institute of technology Tralee لمدة 6 شهور تتكون من مواد علمية (فيزياء وكمياء وأحياء) وإعداد للإختبار الآيلتس المطلوب أن تجتازه بـ6.5 من أصل 9 فالمدة كانت جدا غير كافية غير ذلك أن برنامج اللغة الإنجليزية لم يكن بالمستوى المطلوب فدرسنا دايركت إعداد إلى الآيلتس من دون تدريسنا اللغة بالشكل المعتاد والمشكلة العظمى الكلاسات كانت 100% طلاب سعوديين فواجهنا هذي المشكلة.. فالدرسة لم تكون بالصعبة .. حتى 6.5 ماهي صعبة عليك ولاعلى الشباب إن شاء الله ..
فإذا اجتزت هذا الكورس يمكنك وبكل سهوله الذهاب إلى الكلية الملكية ودراسة الطب لمدة 6 سنوات (فاونديشن +5 سنوات طب ) وطبعا الكلية الملكية معروفه بقوتها..
والبلد حلوة وكل الشعب يتكلم اللغة الإنجليزية وما في بعد على الشعب الإيرلندي المعروف بطيبته والدراسة طبعا بالإنقلش ..

أنا فقط شرحت لك الوضع الي صار السنة الي راحت أنا ماجلس أحبطك وأحبط الشباب بس أحطكم في الصورة و أعطيكم الصراحة إن شاء الله الكورس الجاي بيكون أفضل وأفضل السنة كما سمعنا من بعض أعضاء المعهد..وعلى حسب ما سمعت أنا الدفعة الجاية بتكون 100 أو أقل.. والله أعلم

بالنسبة لبولندا أنا سمعت إن الدراسة بالإنقلش والدخول إلى الجامعة مرة سهل على ما أظن5.5 أو 6 في الآيلتس مو متـأكد أخوي بس تقدر تسأل مبتعثين بولندا بس الشعب يتكلم باللغة البولندية طبعا والمعيشة رخيصه جدا مقارنة بايرلندا..

المجر الدراسة باللغة الإنجليزية والشعب يتكلم باللغة المجرية والله أعلم....

ولك الخيار أخي العزيز ... وعذرا على الإطالة...
وأي سؤال عزيزي نحن موجودين في الخدمة .. الله يوفقك ان شاء الله إلى كل خير و تنال كل ما تتمناه وكل الشباب ان شاء الله
سلام

المانيا قوية في الطب
وخصوصا التخصص
ولا تخاف من اللغة الجديدة
انا اعرف انه الواحد يقدر يخلصها في 7 شهور فقط والوازره تعطيك مدة سنة ونصف
وشوف شبكشي الي هو وزير المانيا على ما اظن
تخرج من المانيا طب بشري
هولندا قوية في الطب واكثر الدول تطبق نظام التدريس في الطب الي ابتكرته هولندا واظن ايرلندا تطبقها وامريكا والسعودية تطبقها
فيها جامعتين خرنجنن وماسترخيت
خرنجنن 3 سنوات انقليزي والباقي هولندي
ماسترخيت كلها انقليزي
بولندا يدرسون بالانقليزي كلها على ما اظن
المجر كذلك ايضا على المعلومات الي اخذتها من بعض الاصحاب

الـسلام عليكم

بالنسبه لي أول شي ألمانيا و بعدين إيرلندا

مالي خبره في ألمانيا بس بتكلمن بالنسبه لإيرلندا ( الكليه الملكيه للجراحين)

الدراسه مثل ما قال أخوي عاشق الطب 6 سنين تتقسم كالآتي :

Premed: السنة التأسيسيه للطب - فاونديشن

Pre-clinical: سنة و نصف

Clinical: سنتين و نصف

اللي حاب يسأل عن نظام الكلية و المواد و كيف الجداول أنا حاضره أجاوب

و حتى إذا تبون عن السكن و الأكل ما عندي مانع أدليكم

جزاكم الله خير



طيب عندي سؤال




هل كورس اللغة الانجليزية بايرلندا كافي عشان تعدي الجامعة بدون مشاكل في اللغة؟

نعم كـافي بس أنا أنصح الكل يبدا ياخذ كورس إنجليزي قبل لا يسافر

منها يكون عنده خلفيه و منها يقلل عن نفسه السنوات

بس أخوي اللي أعرفه بالنسبه للنظام عندكم

تسون سنه تأسيسه في itt منها لغه و منها مواد علميه تهيئك للطب و تغنيك عن الليفنق سيرت ( الثانويه الإيرلنديه )

عفوا أخي أبو فهد 66 على التأخير في الرد .. بس بالنسبة لسؤالك عشان الرغبات أعتقد ما حد يقدر يجوابه ويقرر إلا أنت فالقرار راجع لك عزيزي...
وبالنسبة لسؤالك عن كيف تستطيع احضار القبول من ITT ؟؟ إذا انت مبتعث وتم قبولك إلى ايرلندا ما يحتاج تجيب قبول ولا شي الوزارة متكفلة بإحضار كل شي..

ومن ناحية صعوبة الدراسة في ITT ما شوف صعوبة بس انت جد واجتهد وبتحصل كل شي إن شاء الله .. بس يمكن الي تعانيه إنك ما بتدرس سنة لغة مستقلة بذاتها ، بتدرس سنة تحضيرية كما في الجامعات السعودية (لغة +مواد علمية) ... وإن أخواننا السعوديين كلهم في كلاس تعرف كيف الوضع انت بعد يكون

بس أنا الي أشوف و كما تفضلت أختنا BOO7 eROO7 إنك قبل ما تجي تدرس في معهد لغة عشان تتعدى الصعوبات في البداية..

مدري وش قصدك بالضبط من كلمة مضايقات بس أحنا صرنا تجربة ايرلندا والأخطاء كلها صارت علينا بس بإذن الله إن أموركم كلها طيبة في الكورس الجاي ... والحلو في الكلية الملكية في السنة الثاثة على ما أظن على طول تطبيق في المستشفى يعني سنتين ونصف طب دراسة في الكلية وسنتين ونصف تطبيق في المستشفى غير الفاونديشن طبعا .. الفاونديشن طبعا ما يحسبوها من سنوات الطب..

موفق ان شاء الله