LinkBack URL
About LinkBacks
اهلين زين...
ممكن تخفضيلي بالسعر لانو اختي تاخد المسك دا ومن عبدالصمد نص التولة بــ 25 ريال مو الربع بس مو بجدة.
7 " ممكن تخفضيلي بالسعر لانو اختي تاخد المسك دا ومن عبدالصمد نص التولة بــ 25 ريال مو الربع بس مو بجدة.
مسك الطهارة الابيض الاصلي من عبد الصمد القرشي
مسك الطهارة الابيض الاصلي من عبد الصمد القرشي
تنبيه: هذا الموضوع قديم. تم طرحه قبل 5470 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- والله اخواتي الدكتور منعني من مسك الطهارة لانه يسبب لي حساسية .....فأسألو قبل ما تشتروا..... ومسك الطهارة هو القطع على ما اعتقد اللي مذكور في الحديث ماهو السائل لان هذا العرض ترويجي ........ لاتزعلي مني يا زين7 "
- شوية حيااااء المنتدى مو للنساء فقط7 "
- 7 "خلاص يا قلبي..روحي خديها من عبد الصمد لو هيا ارخص^^و انتي بنفسك تقولي بس مو بجدة..يعني ما اعرف هيا من فين اخدتو..ياريت تكتبيلنا اسم المحل عشن البنات يستفيدو و يروحو يشترو منو
بس اتاكدي انو المسك هو المسك الاصلي الابيض ولا المسك المتسلق الشفاف؟؟؟
الا لو هو مسوي عروض و تخفيضات..بس برضو مستحيل يسوي عروض و ينزل من 100 الى 25 مرة مستحيل^^افضل شي اتاكدي من اختك..
بالنسبة للمسك الابيض في عبد الصمد القرشي..يبيع التولة بـ 200 و النص التولة بـ 100 و ربع التولة بـ 50..هادا في الرياض و تقدرو تتاكدو..الي هنا الحق ماقيد سالت بس اكييييييييييد نفس السعر مستحيل يختلف..و لو مرة مرة مرة فرق 5 ريال ما اعتقد اكتر
و اي وحدة منكم ممكن تروح تسأل..
و في فرق..في مسك اسود
و مسك اسود مخفف و هو ارخص شي
و في مسك شفاف متسلق برضو يجي ارخص من الاسود و ارخص من الابيض
و في مسك ابيض ..
انا افضل الابيض و اغلب الناس تفضله..ريحته احسها احلى و هو اجود..هو و المسك الاسود بس المسك الاسود ريحته شوية الحريم مايستسيغوها مدري ليش مع انو كويس مرة بنفس جودة الابيض
و عادة ماتفرقي بين المسك الابيض و المسك الشفاف الا من الريحة..يعني و هو في القارورة مايبان بس الريحة مرة فرق..
او وديه لأي شخص فاهم في العطور او محل و حيقدر يفرق
و بشكل عام لو موعاجبك السعر يا قلبي لا تشتري - 7 "والله يا قلبي انا استعملو انا و اهلي كلهم محد جاهم شي!
و محد جبرك تشتري يا قلبي انا عارضتو للي يبغا يشتري..مستحيل يجيب الحساسية..و لو وحدة اشترتو من عندي و جاتها حساسية اشهد ربي اني ارجع اخدو منها و ارجعلها ضعف السعر
لأني واثقة من زبايني و من الي حولي انا بنفسي مجربتو..!
و في احتمال انو الي انتي اخدتيه مو الاصلي^^
بعدين ياقلبي..نفترض انو وحدة جاتها حساسية من البيض..و التانية من الحليب و الدكتور قلها خلاص لعد تستخدمي الحليب..هل معناها انو الحليب فاسد؟
صراحة اول مرة اسمع انو مسك الطهارة سبب حساسية لاحد!بس سلامتك يا قلبي ماتشوفي شر - الملتقى هادا للنساء فقط..و ماقلت حاجة غلط..قلت بس طريقة الاستخدام و مافيها شي ^^7 "
استغرب من كل دا الهجوم..خلاص الي مابدها تشتري لا تشتري مالو داعي الاقي كلمة من كل وحدة فيكم!كأني سويت زنب بعرضي للموضوع دا - زين انا بتناقش معاكي مو بشكك بكلامك.. مالو داعي تقولي ادا عاجبك ولا مو عاجبك.7 "
- 7 "قلبي انا ماقلت لك شي..قلت لك ازا مو عاجبك يا قلبي لا تشتري..قلتها عادي و سوري لو زعلتك الكلمة^^
ياريت تسالي اختك عن الفرع الي اشترت منو المسك الابيض و في اي منطقة و تجاوبينا عشن البنات كمان يستفيدو و انا نفسي استفيد..
حياكي ياقلبي في اي وقت.. - موووفقه ان شاء الله وفي طرق كثيره له ولاستخدامه بس ماقد جربت وفعلا الي اعرفه انه غالي خواتي يشتروه ميه او اكثر7 "
بس المكعبات هي الي رخيصه اذا ماني غلطانه
December 7th, 2009, 06:18 PM
مين مننا ماتحب النضافة؟مستحيل وحدة حتقول انا..اساسا المؤمن فطرته يكون نضيف..و دا الشي ربنا كرمنا بيه احنا المسلمين وبس..
نستحما كل يوم..نتوضا قبل كل صلاة..نغتسل بعد الحدث الاكبر,و نستنجي بعد لاصغر..
خليني اتكلم شوية عن المسك و كيف حث الرسول صلى الله عليه و سلم بيه..
الثابت في صحيح مسلم عن ابي سعيد الخدري رضي الله عنه عن النبي صلى الله عليه وسلم قال: »اطيب الطيب المسك«
في حديث ابي سعيد الخدري والترمذي وفي الصحيحين عن عائشة رضي الله عنها »كنت اطيب النبي صلى الله عليه وسلم قبل ان يحرم ويوم النحر وقبل ان يطوف بالبيت بطيب فيه مسك«
ويرتبط المسك بالطب النبوي ويظهر في ذلك من سياق الحديث النبوي الشريف الموجه باستخدام المسك للتطهر بعد الحيض
كما ذكر مسلم في صحيحة عن عائشة رضي الله عنها: ان اسماء سألت النبي صلى الله عليه وسلم عن غسل المحيض? فقال تأخذ احداكن ماءها وسدرتها فتطهر فتحسن التطهر ثم تصب على رأسها فتدلكه دلكا شديدا حتي تبلغ شؤون رأسها بها ثم تصب عليها الماء ثم تأخذ فرصة ممسكة فتطهر بها فقالت اسماء; كيف اتطهر بها ? فقال: سبحان الله تطهرين بها فقالت عائشة (كأنها تخفي ذلك) أي:تتبعين اثر الدم ومعنى قوله صلى الله عليه وسلم »فرصة ممسكة« الفرصة هي قطعة
المسك)
خلال يومين باذن الله..حيتوفر عندي مسك الطهارة الابيض الاصلي 100% من عبد الصمد القرشي
سعر الربع تولة بـ 45 ريال فقط..
وطبعا معروفه فوائده في مكافح الإلتهابات وإضفاء الرائحه المنعشه والثابته للجسم بصفه عامه وللمناطق الحاسه بصفه خاصه..و بيتوفر بلونين:
الاسود:
عندي زيو بس ابيض لأن الاسود الناس ماتستسيغ ريحتو مدري ليش..سرت اجيب الابيض مع انهم نفس الجودة..بس الابيض طبعا ريحتو مرة غير عن الاسود
انا عن نفسي بآخد معايا كمية لكندا باذن الله..العبوة صغيرة مرة و حملها سهل و خفيف و ماتاخد مساحة..و الي حابة تجي تشمو بنفسها و تتأكد حياها..و اولا و اخيرا هوا سنّه^^
يلا بنات الي تبغا تاخدو معاها على السفر تقول لي