حوار كيف أحمي وأُحافِظ على نفسي في الغُربة ؟!! ( تجارب ونصائح )

الله يعطيك العافيه اختي بصراحه موضوعك عجبني مرررره ومن المواضيع الي استفدت منها كثيرر وكنت شايله همه بصراحه

انتي بموضوعك عطيتيني لمحة من حياة الغرب وكيف نتعامل معاهم بصراحه وبدون مجاملات موضوعك يستحق التقدير

ومن المواضيع الي قريتها ومامليت من قرائتها لين النهايه بتمتع اسلوبك رووعه اتمنى تعطيني تفصيل اكثر اذا ماعليج امر طيب اذا مافيه ثقل عليج عادي لو اراسلك عشان هالموضوع والا لااا لانه ينخاف منج بصراحه قدعه <<< على قولت اخوانا المصريين
ابيك تتوسعين بالموضوع اذا ماعليك امررر

جزاكم الله خير الجزاء
تشكرات كومات على ردودكم الي تسر الروح
***
أخواتي تذكرت بعض المواقف و الاسئلة الي تعرضت لها وانا في فترة الدراسة رح اعرضها عليكم وبعدها بقلكم اجوبتي والي عندها اجوبة احسن ومقنعة تحطها كمان ..

اول موقف وسؤاله :
كان في كلاس من الكلاسات فيه نشاط هو عبارة عن استماع لمقطع موسيقي و تعطي انطباعك عن الموسيقى الي تسمعيها و كلاس ثاني كان عبارة عن سماع اغاني و تقولي اش تحسي فيه لما تسمعيها *_* نجي للمهم كل الكلاسين كان معايا مسلمين و تعرفوا بنات انه في ناس مايسمعوا اغاني المهم في ناس شالو نفسهم و طلعوا من الكلاس و بعد الكلاس انسألنا هالسؤال انه ليش في احتلاف بينكم وليش في مسلمين يسمعو ومسلمين لا ؟؟!! من وجهة نظري كان احسن جواب هو : انه الاسلام دين مرن وسهل وفي الاسلام احكام عديدة تناسب كل مسلم وطبيعته وتناسب طاقته ويختلف كل حكم بلاجر مثلا المسلم الي مايسمع اغاني يبغا اجر اعظم من الله من المسلم الي يسمع (ورغم الاختلاف في هذاالامر بين المسلمين الا انهم متفقين على اصول الدين ) حسيتهم اقتنعوا *_*
ثاني موقف وسؤاله :
في كلاسات يكون فيها مسلمات محجبات او منقبات او بنات الله يستر عليهم كان معايا ايرانيات وتركيات الله يستر عليهم ويذكرهم بالخير ويهديهم مسلمات بس من غير حجاب وملابسهم فري كثير المهم كالعادة *_* انه انسألنا ليش كل مسلمة طريقة لبسها تختلف عن الثانية الجواب : احسن جواب تبدأي فيه بالنسبة لشي يخصك هو انك تقولي انك انتي مرتاحة بهالشي ومقتنعه فيه لما سألني واحد من الطلاب شرحت بالبداية ولتيت وعجنت هههه بعدها قلي يعني انتي مرتاحة ومقتنعه فيه قلتله طبعا قال هذا اهم شي وبعدها صرت ابدأ اجاوب عن هالسؤال بجملة انا احب هالشي و مقتنعة فيه و اشعر بالراحة به الاقي الناس كلهم منجذبين لي ويبون يسمعو وش بعد هالجملة وبعضهم يقتنعون فيها هي وبس *_* جربو ابدأو فيها ويمكن ينتهي النقاش بها من غير ما تعلون قلوبكم *_* وبعدها تقولي ان الاسلام فيه احكام مختلفة بالنسبة للزي و كل حكم يناسب طبيعة كل بنت و قناعتها كمان وتشرحي اذا تطلب الامر
ثالث موقف :
كان عندي زميلات اوربيات و اجانب وكلنا نعرف انه اغلبهم عندهم شي اسمه بوي فرند واي جلسة لكي معاهم رح ينفتح موضوع البوي فرند بطريقة او اخرى مثلا رح تسألك عندك بوي فرند وليش ماعندك و اش الي يمنعك يكون عندك ومتى يصير عندك وكيف تتزوجي من غير ما تكوني عارفه طباعه قبل بفترة و هلم جرااا اسألة كثير .. جوابهم سهل تقولي طبعا انه انتي حاسة انه هالشي مريحك ( *_* مو هم اهم اهتمامتهم الحرية الشخصية رح تخليهم يحترموكي بهالعبارة وتقطعي اي فلسفة مالها داعي منهم من تجربة ) وبعدها تقولي احكام ديننا بالنسبة للزواج و العلاقة بالرجل وحددوها واش فايدة هلاحكام بالنسبة لكي كمسلمة *_*
رابع موقف :
اليابنين و شعب شرق اسيا ككل يجو مجموعات و علاقتهم ببعض جدا فري وضحك ومرنة اقصد شبابهم مع بناتهم طبعا بحكم اسلوب حياتهم وعداتهم و تربيتهم وغيرها من الاشياء نجي للمهم *_* اذا كنتي زميلة لهم وكان معك عرب بيسؤلك ليش مافي كونكت بالعربي بينك و بين الشاب العربي او ولد بلدك خارج حدود الدرس او الكلاس و ليش ماتتكلموا مع بعض ومن هلأسئلة الجواب : سو ايزي *_* كنت اقلهم هذه الاحكام الي تعلمتها في ديني اني اعامل الكل زي بعض وماافرق بين شخص وآخر *_*و اهم شي كنت اختصر واقلهم انه لاني ابي اطور لغتي *_* وانه جاية عشان الدراسة ومابدي اتشتت
***
ملاحظة :
المبتعث هو : مسلمـ و طالب
بفترة ابتعاثة محتاج لتطوير لغته عن طريق القراءة والتحدث لا أريد ان اطيل عليكم الافضل انه كل شخص منا أن يشتري كتاب باللغة الانجليزية يتحدث عن الأسلام سواء عقائديا او فقهيا او تاريخيا او حتى كتب السيرة .. طبعاً سيستفيد عدة امور منها انه سيكون خير سفير لخير دين وسيكتب له الأجر على حسب نيته ان شاء الله - سيجاوب بطريقة منهجية وواضحة - يستغل وقته بشيء مفيد - يطور لغته ويزيد ذخيرته اللغوية ...
ومنتشرة ببريطانيا مكاتب تبيع الكتب الاسلامية الصحيحة المترجمة وكتب أخرى من تأليف مسلمين ..
http://www.bookdepository.co.uk/search?searchTerm=muslem&search=search
الموقع هذا من المواقع الي توصل للبيت واسعارها جيدة ... لكن نصيحة بالنسبة للكتب المترجمة ماعليها خلاف مثل كتب الصحاح والتفسير والسيرة لكن الكتب المؤلفة من الأفضل السؤال و البحث عن محتواها لأن بعضها يكون فيها خلل عقائدي ...
المواضيع السياسية مافي داعي للخوض فيها ... حلو بينتهي النقاش في صالحك مثلا قارني بين وضعهم والوضع في الاسلام و غير كذا من الاساليب الي تخلي النقاش ينتهي بطريقة حلوة ودبلوماسية ...
*
ملاحظة جدا مهمه : اغلب الدول الاجنبية يدرسوا لطلابهم منهج يتحدث عن الاسلام عقائديا وتاريخيا

هذا الي خطر على بالي الحين القاكم على خير لاتنسوني من صالح دعائكم ...