استفسار استفسار جزاكم الله خير

حياك يالغالي تسآهيل باذن الله ..

أيوه أي جوال ماراح اصلاً يكلممونك ع الجوال ..

أيوه اذا بتسكن بالهوم ستي عندهم بس انت تغسلها بنفسك واعتقد لك يوم معين ...

أيوه أشتري من السعودية مرطبات الجسم وجيبها معاك مو مشكلة ..

بالنسبة للسؤال الرابع فيه بس مادرى وش نظامه بالضبط ..

لا مايحتاج اصلاً تروح السفارة السعودية ( الا اذا تبى تروح وتأخذون نسخة من الجواز عشان لاقدر الله ضاع يطلعون لك واحد ثاني ولكن انا مارحت الى الحين خخخخخ ) ...

ايوه الورقة اللي مع الجواز ستدي بيرمنت راح يطلبونها منك بالجوازات حقت مطار كنددا اذا وصلت على خير باذن الله ..

انا عطوني سنة وشهر تقريباً ..

بالنسبة للأوراق اللي تجيبها معاك ..

صور كثيرة من شهادة الثانوية مترجمة + صور من جواز السفر + صور من قبول المعهد وقبول الجامعة ( إن وجد قبول الجامعه

صوره صور كثيرة وخليه معاك + بطاقة الأحوال + الرخصة +

النت بفلوس تقريباً 20 - 40 دولار بالشهر ..

ولاتخاف ولاشيء أمورك كلها طيبة باذن الله يالغالي ..

دعوآآتك لي ..

لاتنسى تخلي معاك بالطيارة شنطة تحطها ع كتفك ..

تخلي فيها صور من جواز السفر + الأصل + قبول المعهد + الستدي بيرمنت ( اللي جات مع الفيزا ) + لاتنسى تكتب الهوم ستي بورقة جانبية ..

لأنه بالمطار راح يسئلونك يقولون فين بتسكن يصير تعطيها الورقة اللي مكتوب فيها الهوم ستي وباذن الله أمورك تتسهل

دعوآآآآآآتك يالغالي ..

طيب اخوي ماقصرت على الاجابات لاكن هم لازم يعرفون وين بسكن لاني للحين مانسقت السكن متورط ابي اسكن مع سعوديين اول شهر شهرين لين اعرف الديره اول واعرف كيف اروح وكيف اجي بعدين بطلع عند عائله كيف بشرحلهم كذا انا اذا وصلت المطار بعطيهم بس الجواز والورقه اللي جت معه اشرحلي الهوم ستي وش يعني وكيف اسويه ؟
ومشكووور

طيب أخوي ولايهمك

الـ home stay يقصد به السكن مع عائلة ..

لأنه يالغالي يوم وصلت لجوازات كندا بدأوا يسئلوني وين تبى تسكن وليه اخترت كندا ؟ هل احد يقرب لك هنا بكندا وش تدرس بكندا وكم راح تجلس ومن هالأسئلة الروتينية ..

ولكن دامك تبى تسكن مع سعوديين خليهم يعطونك عنوان السكن حقهم بالكامل ..

ولاتخاف امورك طيبة باذن الله

المصيبه للحين مالقيت سعوديين ههههههههههههههه جاري البحث انا قلت اسكن مع سعوديين فالبدايه زي ماذكرت اول وبعدين اروح مع عائله عشان اقوي لغتي مثلك عارف الورطه للحين مالقيت والدراسه قربت وحجزي باقي له 20 يوم تقريبا
الله المستعان بالتوفيق لك اخوي ماقصرت الله يجيب اللي فيه نفسك
مشكور

أرسلي أيميلك ع الخاص وباذن الله خير

احس انك بتذبحني مايقبل ارسلك يقول لازم عدد مشاركاتي 30 وانا 6 مشاركات بس
قايلك ورطه بس الله يسهل الامر

ارسله انت يمكن يظبط وبضيفك عندي
ومشكور ماقصرت