مبتعث مبدع Amazing Member
الولايات المتحدة الأمريكية
AbDuLrAoOf , ذكر. مبتعث مبدع Amazing Member. من الولايات المتحدة الأمريكية
, مبتعث فى الولايات المتحدة الأمريكية
, تخصصى Business
, بجامعة Portland State University
- Portland State University
- Business
- ذكر
- Portland/Dammam, OR
- الولايات المتحدة الأمريكية
- Sep 2007
المزيدl January 13th, 2011, 11:46 PM
January 13th, 2011, 11:46 PM
يعطيكم العافية ...
الاف الطلاب بكندا الفترة الحالية لدراسة اللغه ... منهم الزاحف على خفيف ...و منهم الزاحف على سنقة عشرة وينتظر تخلص فترة اللغة ويتغلف ويترجع للسعودية بكرتونة معكرونه >> أبوديك ... ومنهم اللي الله فاتح علية وشغال على نفسة وتعبان .. ومنهم الأكثر من كذا والله معطيه عقل يفكر أكثر مما يتعلم ويحسب حسابه على داير مليم ...
الكلام يطول عن سوالف الزحف والزاحفين والناس اللي جاية تغير جو ..وبرضو يطول أكثر على الناس اللي الله معطيه حماس انو يتعلم لغة بس خويكم من زود الحماس مقفل عليه غرفته بالهوم ستاي وهاتك يادراسة وبالنهاية >> الحال من بعضو ,يتطور بس مش بالمستوى المطلوب ...
دراسة اللغه الأنجليزية من أكثر الحاجات اللي كنت فاقد المتعه لما كنت اتعلمها بالسعودية وبالأحرى ماكنت بالمره مهتم لها .. بس بعد الجيه لكندا والدراسة بمعهد بنظري جداً ممتاز .. دراسة اللغه صارت تجربة جداً جداً مختلفة ..
ماأطول عليكم ... الموضوع هذا انفتح علشان سوا نتكلم عن تجارب اللغه والطريق الصحيح اللي بالنهاية الكل >> اللي جاي يدرس ..ينتظر انو يوصل لنهايتو بسلامة ..
المعروف والأغلب الطلاب يتعارفو عليه أنهم يركزو تفكيره بأنو يجتاز مستوايات اللغه بالمعهد اللي يدرس فيه سواء كان عنده قبول جامعي ولالا .. وينسى أنو بالنهاية المطلوب منو يوصل لمرحلة معينه باللغه علشان يقدر يدخل الجامعة ... الخيارات هنا مره محدودة .... >> يخلص مستويات اللغه أو مافيه دخول جامعة ... وكثير من الحالات حتى ماعندو قبول جامعة وخصوصاً طلاب الماستر وبرضك تحصلهم مو مخطط لما بعد دراسة اللغه ..والأكثر لمن تحصلو يدرس ويكرف على حساب أنو متى ماخلص اللغه بمعهد الجامعه مثلاً حتجيه الجامعه وتقولو >> الله حيو .. تفضل أدرس معنا .. مع أنو الوضع أبداً مو كذا ... راح أتكلم عن طلاب الماستر أولاً ,, وبعدين الباتشلر
شرط اللغه هو واحد من الشروط اللي تطلبها الجامعات لمن تجي تقدم عليها .. ولطلاب الماستر مافيه خيار .. ياإما يكون عندو سكور قد المطلوب من الجامعه أو راح يقولو لك أمسك الباب .. وعليه انت هنا ياإما تخلص بمستويات اللغه بمعهد الجامعه أو معهد تعترف فيه الجامعه أو تجيب السكور المطلوب واللي عاده يقاس بالتوفل أو الأيلتس وغيرهم .. في الحالة الأولى قد يكون عندك فرصة لأنك تعدي أو لا على حسب المجهود بس عيب هذي الطريقة أنها تاخذ وقت >>لأنو الترم عادة مايكون 3 شهور وأكثر .. وبالتالي بالمستويات المتقدمة ممكن تحصل صعوية بالإجتياز وهنا راح يكون أستهلكت مدة طويلة من الفترة المحدده باللغه وممكن توقف الملحقية الصرف عليك لحد ما تجيب قبول نهائي من الجامعه ... الحالة الثانية وهي اللي خلتني اكتب الموضوع هي أنو الطلاب يكون من خططهم أنهم يدخلو اختبارات اللغه ( توفل, أيلتس ) ويخلوها من ضمن حساباتهم على الأقل في السته الشهور الأخيرة من فترة اللغة المحددة من الملحقية .. علشان مايعتمدو مره على إجتياز مراحل اللغه بمعاهدهم واللي ممكن يكون من نتايجها أنك ماتعديها.. . هذا غير أنو لما تكون عندك سكور حلو بالإختبارات فرصك ( وأنا أتكلم عن شرط اللغه ) بالتقديم على الجامعات أكثر .
التحضير لهذي الإختبارت يحتاج جهد وفترة ماتقل عن شهر .. وللمعلومية الملحقية هنا تعوضك عن رسوم دورات التأهيل وبرضو رسوم دخول الإختبارات لـ 5 مرات .. وبالتالي دخولك على الأقل أول أختبار للتجربة حيكون مره مفيد .. خصوصاً للطلاب اللي يدسو بمراحل ماقبل الـ ADVANCED بمستوى .. والإختبارات هذي بتجربة هي جداً عادية وسهل إجتيازها متى ماحضرت لها جيد .. وكانت عندك النية انك تعدي وقبل كذا تخطط لها مزبوط
طلاب الباتشلر برضو ممكن يختصرو على نفسهم اذا حبو ويدخلو هذي الإختبارت مع ميزة أنهم متى ماخلصو فقط شرط اللغه يقدرو يدخلو للجامعات بجانب طبعاً معدل الثانوي وكل قسم وتخصص وطلباتهم .. بس بالنهاية وضعهم أكيد أحسن مننا طلاب الماستر اللي لازم يكون عندهم أكثر من شرط >> خبرة وخلافو ...
نقطة ثانيه ماتقل اهميه .. الكثير يتشكى من طول فترة اللغه في حال درسها من المستويات الاولى وتحصلو مكتئب حتى قبل مايبدأ دراستها .. الحل وبكل بساطه هي انك (تتعب) .. فكرة أنك تمشي مستوى مستوى حتستهلك من وراها كل فترة اللغه ويمكن اكثر وهذي حلها انك تتعامل مع اللغه على انها مهارة تقدر تكتسبها قد ماعطيتها من وقتك وجهدك وحتوصل لأكثر من كذا وهي انك حتتقنها.. المعاهد اغلبها تقدم فرصة للطلاب الي يثبتو تطور سريع في لغتهم وتعطيهم مجال دخول اختبارات الترقيه عشان يستغلو وقتهم بشكل افضل.. حتدخل مستوى اول ؟؟ ثاني؟؟ .. بسيطه الحل هو انك تتعب وتخصص وقت اكثر للمذاكره والاهم الممارسة وحتشوف حالك ماشي عسل خصوصا لما تعرف انو المستويات الاولى من اللغه مستوى التقدم فيها ملحووظ وسريع وكبير مقارنة مع المستويات المتقدمة >> كلام علمي مو من جيبي .. شخصيا قابلت اشخاص (نوادر) في الي يخص هذي النقطه .. منهم طالب اسمو علي .. مع انو كان ثلاثيني لكنو اثبت ان الرغبه والرغبه والرغبه هي الي تصنع .. لما دخل المعهد كان بأول مستوى .. بعد السيشن الاول الي ياخذ 3شهور .. كان بإمكان علي انو يستمر حسب تسلسل المستويات .. لكن اجتهاد الرجال واستفادتو حتى من الاجازه مابين السيشنز دخل اختبار تحديد المستوى للسيشن الي بعدو وكانت ( مش مفاجئه) انو يتجاوز المستوى التالي و(ينط) على طول للمستوى الاعلى.. الرجل بكذا اختصر 3 شهور .. وصار عندو الوقت انو يتطور اكثر واكثر بحكم انو عنصر الوقت حيسعفه بتالي فترة اللغه.. الرجل كان ايجابي لدرجة انو مايمر يوم والا اشوفو بالستدي سينتر والبروننسيشن كلينك وفوق هذا كلو علاقاتو الطيبه مع المدرسين والستاف.. هذي هي النماذج الي حتعلمك انك تدرس ( ايجابي ) وتخلي سوالف الي مالها طعمه على جنب. فيك مخ زيك زيو .. اثنيناتكم عندكم 24 باليوم .. يمكن انك برضو عندك الميزه لما تتعلمها بعمر اصغر .. ايش تنتظر ؟؟؟
شحطة .. والدي الله يحفظه خمسيني له طولة العمر .. ماطلع لمعاهد أمريكا .. ماجاب له مدرس مصري سكره يعلمة اللغه .. حتى مااحتك كثير بنيتفز.. تعلم تعليم (بيتي) .. كاستات البي بي سي والكتب والدفاتر لساتهم موجوده.. لغته ؟؟؟ احسن مني ومن اي واحد تدلع له كم سنه في كندا وامريكا واستراليا .. الموضوع ومافيه انو رغبتو في تعلم اللغه كانت الدافع الوحيد..
طبعاً الوضع يختلف على حسب مستواك لمن تجي من السعودية .. بعضهم ماشاء الله جاي هنا ومباشرة على المستويات المتقدمة وهذي الفئة قليلة مقارنة بالسواد الأعظم والي علشانهم أنكتب الموضوع
الخلاصة ... دراسة اللغه نتايجها وحده ...سواء بإجتياز مستويات اللغه بمعاهدكم أو بدخول اختباراتها .. ويبقى الحل الذكي أنك تشوف الأصلح لك أنت واللي يناسبك وتتوكل على الله ....
الموضوع مفتوح لنقاش الأخوان الي عندو خبرة أكثر مني أنو يقدم النصيحة والتجربة للأخوان ... لأنو للكثير من الطلاب .. خيارت اللغه والتخطيط لها مش واضحة ,, وتحصل الواحد يتعب وبالنهاية فشووووووش ..
بالتوفيق .. عبدالرؤوف
<!-- google_ad_section_end -->
هلا عبدالرؤوف موضوعك مرره ممتاز
وحاب اقول لملك العالم الله يهديك
بس في عندي كذا سؤال لو سمحت
كيف اقدر اطور من لغتي بشكل سريع جدآ اكيد بشد حيلي في الدراسة ويمكن توصل لدرجة احط الكتاب في موية واشربها>>>بايخهـ
يعني اللي اقصده انو حاب انوع مصادر دراستي من كتب المعهد والتحدث مع الاجانب ياليت تفيدنا بأمور جيده
وتحــياتي
جامل زمانك January 14th, 2011, 03:01 AM
7 " يعطيك العافيه وبارك الله فيك
على الموضوع القيم
SHAHЯZAD January 15th, 2011, 12:18 AM
7 " يعطيك الغافية على الكلام الرائع
yasser alamodi January 15th, 2011, 12:38 AM
7 " كلام جميل ومفيد
ان شاء الله بنجتهد ونسوي الي نقدر علي
الله يوفق الجميع ويسر لهم امورهم
يعطيك العافيه على الكلام الجميل
ذوووق January 15th, 2011, 05:19 AM
7 " عوداً حميدًا أخي عبدالرؤوف
من زمان عن مواضيعك ومشاركاتك الجميلة
أنا معك إن الرغبة في تعلم اللغة أو غيرها هي مفتاح النجاح، اما المكروه على شئ عمره مش حيبدع.
تقبل تحياتي
cazy January 15th, 2011, 09:46 AM
7 " يسلمووووووو كثير موضوع ممتاز
نونا دلع January 15th, 2011, 12:47 PM
7 " بارك الله فيك
واطال الله في عمر والدك
شحطات مهمه جدا
املي كبير January 15th, 2011, 01:13 PM
7 " موضوع نااايس والاجمل عبد الرؤف..
بس اخوي عندس سؤااال يسدح نفسو...
هل حفظ الكلمات جيد؟؟لانو انا مجرب وحافظفوق 500 كلمة بس احيانا الما ابي اعبر او اتحدث ما القى ولا كلمة؟ وكمان القرمار هل تعلمه يقتل المحادثة؟؟
لاني سمعت كدا وانا مجرب عندي غرمر وكلمات بس ما اقدر اتحدث تمااام... وثانكس يالغالي
dr.sa3mi January 15th, 2011, 01:51 PM
7 " 
LinkBack URL
About LinkBacks
January 13th, 2011, 11:46 PM
الاف الطلاب بكندا الفترة الحالية لدراسة اللغه ... منهم الزاحف على خفيف ...و منهم الزاحف على سنقة عشرة وينتظر تخلص فترة اللغة ويتغلف ويترجع للسعودية بكرتونة معكرونه >> أبوديك ... ومنهم اللي الله فاتح علية وشغال على نفسة وتعبان .. ومنهم الأكثر من كذا والله معطيه عقل يفكر أكثر مما يتعلم ويحسب حسابه على داير مليم ...
الكلام يطول عن سوالف الزحف والزاحفين والناس اللي جاية تغير جو ..وبرضو يطول أكثر على الناس اللي الله معطيه حماس انو يتعلم لغة بس خويكم من زود الحماس مقفل عليه غرفته بالهوم ستاي وهاتك يادراسة وبالنهاية >> الحال من بعضو ,يتطور بس مش بالمستوى المطلوب ...
دراسة اللغه الأنجليزية من أكثر الحاجات اللي كنت فاقد المتعه لما كنت اتعلمها بالسعودية وبالأحرى ماكنت بالمره مهتم لها .. بس بعد الجيه لكندا والدراسة بمعهد بنظري جداً ممتاز .. دراسة اللغه صارت تجربة جداً جداً مختلفة ..
ماأطول عليكم ... الموضوع هذا انفتح علشان سوا نتكلم عن تجارب اللغه والطريق الصحيح اللي بالنهاية الكل >> اللي جاي يدرس ..ينتظر انو يوصل لنهايتو بسلامة ..
المعروف والأغلب الطلاب يتعارفو عليه أنهم يركزو تفكيره بأنو يجتاز مستوايات اللغه بالمعهد اللي يدرس فيه سواء كان عنده قبول جامعي ولالا .. وينسى أنو بالنهاية المطلوب منو يوصل لمرحلة معينه باللغه علشان يقدر يدخل الجامعة ... الخيارات هنا مره محدودة .... >> يخلص مستويات اللغه أو مافيه دخول جامعة ... وكثير من الحالات حتى ماعندو قبول جامعة وخصوصاً طلاب الماستر وبرضك تحصلهم مو مخطط لما بعد دراسة اللغه ..والأكثر لمن تحصلو يدرس ويكرف على حساب أنو متى ماخلص اللغه بمعهد الجامعه مثلاً حتجيه الجامعه وتقولو >> الله حيو .. تفضل أدرس معنا .. مع أنو الوضع أبداً مو كذا ... راح أتكلم عن طلاب الماستر أولاً ,, وبعدين الباتشلر
شرط اللغه هو واحد من الشروط اللي تطلبها الجامعات لمن تجي تقدم عليها .. ولطلاب الماستر مافيه خيار .. ياإما يكون عندو سكور قد المطلوب من الجامعه أو راح يقولو لك أمسك الباب .. وعليه انت هنا ياإما تخلص بمستويات اللغه بمعهد الجامعه أو معهد تعترف فيه الجامعه أو تجيب السكور المطلوب واللي عاده يقاس بالتوفل أو الأيلتس وغيرهم .. في الحالة الأولى قد يكون عندك فرصة لأنك تعدي أو لا على حسب المجهود بس عيب هذي الطريقة أنها تاخذ وقت >>لأنو الترم عادة مايكون 3 شهور وأكثر .. وبالتالي بالمستويات المتقدمة ممكن تحصل صعوية بالإجتياز وهنا راح يكون أستهلكت مدة طويلة من الفترة المحدده باللغه وممكن توقف الملحقية الصرف عليك لحد ما تجيب قبول نهائي من الجامعه ... الحالة الثانية وهي اللي خلتني اكتب الموضوع هي أنو الطلاب يكون من خططهم أنهم يدخلو اختبارات اللغه ( توفل, أيلتس ) ويخلوها من ضمن حساباتهم على الأقل في السته الشهور الأخيرة من فترة اللغة المحددة من الملحقية .. علشان مايعتمدو مره على إجتياز مراحل اللغه بمعاهدهم واللي ممكن يكون من نتايجها أنك ماتعديها.. . هذا غير أنو لما تكون عندك سكور حلو بالإختبارات فرصك ( وأنا أتكلم عن شرط اللغه ) بالتقديم على الجامعات أكثر .
التحضير لهذي الإختبارت يحتاج جهد وفترة ماتقل عن شهر .. وللمعلومية الملحقية هنا تعوضك عن رسوم دورات التأهيل وبرضو رسوم دخول الإختبارات لـ 5 مرات .. وبالتالي دخولك على الأقل أول أختبار للتجربة حيكون مره مفيد .. خصوصاً للطلاب اللي يدسو بمراحل ماقبل الـ ADVANCED بمستوى .. والإختبارات هذي بتجربة هي جداً عادية وسهل إجتيازها متى ماحضرت لها جيد .. وكانت عندك النية انك تعدي وقبل كذا تخطط لها مزبوط
طلاب الباتشلر برضو ممكن يختصرو على نفسهم اذا حبو ويدخلو هذي الإختبارت مع ميزة أنهم متى ماخلصو فقط شرط اللغه يقدرو يدخلو للجامعات بجانب طبعاً معدل الثانوي وكل قسم وتخصص وطلباتهم .. بس بالنهاية وضعهم أكيد أحسن مننا طلاب الماستر اللي لازم يكون عندهم أكثر من شرط >> خبرة وخلافو ...
نقطة ثانيه ماتقل اهميه .. الكثير يتشكى من طول فترة اللغه في حال درسها من المستويات الاولى وتحصلو مكتئب حتى قبل مايبدأ دراستها .. الحل وبكل بساطه هي انك (تتعب) .. فكرة أنك تمشي مستوى مستوى حتستهلك من وراها كل فترة اللغه ويمكن اكثر وهذي حلها انك تتعامل مع اللغه على انها مهارة تقدر تكتسبها قد ماعطيتها من وقتك وجهدك وحتوصل لأكثر من كذا وهي انك حتتقنها.. المعاهد اغلبها تقدم فرصة للطلاب الي يثبتو تطور سريع في لغتهم وتعطيهم مجال دخول اختبارات الترقيه عشان يستغلو وقتهم بشكل افضل.. حتدخل مستوى اول ؟؟ ثاني؟؟ .. بسيطه الحل هو انك تتعب وتخصص وقت اكثر للمذاكره والاهم الممارسة وحتشوف حالك ماشي عسل خصوصا لما تعرف انو المستويات الاولى من اللغه مستوى التقدم فيها ملحووظ وسريع وكبير مقارنة مع المستويات المتقدمة >> كلام علمي مو من جيبي .. شخصيا قابلت اشخاص (نوادر) في الي يخص هذي النقطه .. منهم طالب اسمو علي .. مع انو كان ثلاثيني لكنو اثبت ان الرغبه والرغبه والرغبه هي الي تصنع .. لما دخل المعهد كان بأول مستوى .. بعد السيشن الاول الي ياخذ 3شهور .. كان بإمكان علي انو يستمر حسب تسلسل المستويات .. لكن اجتهاد الرجال واستفادتو حتى من الاجازه مابين السيشنز دخل اختبار تحديد المستوى للسيشن الي بعدو وكانت ( مش مفاجئه) انو يتجاوز المستوى التالي و(ينط) على طول للمستوى الاعلى.. الرجل بكذا اختصر 3 شهور .. وصار عندو الوقت انو يتطور اكثر واكثر بحكم انو عنصر الوقت حيسعفه بتالي فترة اللغه.. الرجل كان ايجابي لدرجة انو مايمر يوم والا اشوفو بالستدي سينتر والبروننسيشن كلينك وفوق هذا كلو علاقاتو الطيبه مع المدرسين والستاف.. هذي هي النماذج الي حتعلمك انك تدرس ( ايجابي ) وتخلي سوالف الي مالها طعمه على جنب. فيك مخ زيك زيو .. اثنيناتكم عندكم 24 باليوم .. يمكن انك برضو عندك الميزه لما تتعلمها بعمر اصغر .. ايش تنتظر ؟؟؟
شحطة .. والدي الله يحفظه خمسيني له طولة العمر .. ماطلع لمعاهد أمريكا .. ماجاب له مدرس مصري سكره يعلمة اللغه .. حتى مااحتك كثير بنيتفز.. تعلم تعليم (بيتي) .. كاستات البي بي سي والكتب والدفاتر لساتهم موجوده.. لغته ؟؟؟ احسن مني ومن اي واحد تدلع له كم سنه في كندا وامريكا واستراليا .. الموضوع ومافيه انو رغبتو في تعلم اللغه كانت الدافع الوحيد..
طبعاً الوضع يختلف على حسب مستواك لمن تجي من السعودية .. بعضهم ماشاء الله جاي هنا ومباشرة على المستويات المتقدمة وهذي الفئة قليلة مقارنة بالسواد الأعظم والي علشانهم أنكتب الموضوع
الخلاصة ... دراسة اللغه نتايجها وحده ...سواء بإجتياز مستويات اللغه بمعاهدكم أو بدخول اختباراتها .. ويبقى الحل الذكي أنك تشوف الأصلح لك أنت واللي يناسبك وتتوكل على الله ....
الموضوع مفتوح لنقاش الأخوان الي عندو خبرة أكثر مني أنو يقدم النصيحة والتجربة للأخوان ... لأنو للكثير من الطلاب .. خيارت اللغه والتخطيط لها مش واضحة ,, وتحصل الواحد يتعب وبالنهاية فشووووووش ..
بالتوفيق .. عبدالرؤوف