حوار مشكلتي مع القضاء الامريكي !! وفكره انتقالي لكندا !!!

الله يهديك ان شاء الله اخوي .. بالنسبة لاستفسارك اشوف انك تشوف ايش راح يصير لو طلعت من البلد وانت ماحليت القضية هذي .. لأن انت عارف انت بأمريكا وممكن يركبون عليك اي شي ثاني وتصير القضية اكبر من ماهي عليه الحين ..

الله يفرج لك وييسر امورك
مع انو مستغربه امسكوك عشانك مو بوعيك وانت رايح مشي بصراحه انا في كندا اشوف السكارى بشارع والشرطه تمشي ولا احد يقولهم شي ليتهم يقشونهم هم ولسانهم الي اطول منهم صرت مستحيل اطلع فاليل او حتى على المغرب الا معي احد ولا ماطلع لا ويحششون النهار شي مو طبيعي المهم ماعلينا
انا الي اعرفه انك تقدر تطلع فيزا وانت هناك بس مدري مع قضيتك اش ممكن يصير اما بالنسبة للقبول عادي ترسل صورة جوازك للمعهد ويرسلون لك قبول بس طبعا لازم تختار المدينة بس ماعندي فكرة اش ارخص مدن كندا لان كندا غاليه بس اتوقع المدن الصغيره ارخص وبصراحه انا معك انك تغير المدينة مو بضروري الدولة اذا غيرت المدينه كفايه عشان تتجدد نفسيتك وتبدا كويس بدون قلق

ياصاحبي الحل واضح مايبيلها تفكير

( لاهنت اقرء كلامي للاخير وافهمه زين )

اولا : طال عمرك على مااظن ماتقدر تسافر وانت معاك موعد معا المحكمه لان ممنوع عليك السفر عندهم لانها وصلت للمحكمه القضيه الا اللين تسوي اللي يبونه هذا اللي اعرفه .

ثانيا : يبيلك قبل كل شي تاخذ من هنا قبول معهد وجامعه وتقص لك فيزه كنديه واحيانا تطول الفيزه توصل الى ثلاث شهور اللين تجيك مو بزي امريكا سريعه .

ثالثا : يمكن ماتقدر تقص فيزه كنديه لان كل كبيره وصغيره تسجل في ملفك بامريكا دامك دخلت بمحاكم ومامحاكم يمكن يشيكون عليها الكنديين عن ملفك بامريكا بما انك تحمل فيزه امريكيه لانك راح ترسل جوازك وراح يشيكون عليها ...


رابعا والاهم :

احذف رقم واحد اللي قلته لك اللي يتكلم عن امريكا ماتخليك تسافر
واحذف الثاني اللي يمكن ماتطول الفيزه .
والثالث احذف ان كندا ماتفيز لك .

المهم وهو : كندا اذا جيت هنا عندهم تعقيد بالملحقيه مو شرط انك تتحول وراح يطلبون كم شهر درسته بكندا اذا عفو عن شرطهم لازم تخلص اللغه مالهم دخل بدراستك في امريكا( ترجع كانك طالب جديد وكأنك يبو زيد ماغزيت ) وحتى ملفك اذا انت فاتح ملف بالملحقيه في امريكا ترى مشوار اللين ينقلون ملفك الى امريكا تعرف تاخير الملحقيات ..


الحل وهو : ادفع الفلوس اللي عليك وراح لواحد قول له ابي اشتغل عندك اشتغل هالثلاثين ساعه وحتى يمكن مايخليك تشتغل قول له بس قدام الحكومه كلها عمل تطوعي وراح يعطيك انك اشتغلت عنده ثلاثين ساعه وروح احضر كلاسات 12 عن شرب الخمر مو بصعبه وادفع لهم الفلوس بما انك جلست سبع شهور بامريكا وتخسرت ومدينتك رخيصه والمعهد رخيص اجلس ابرك لك وعين خير يارجال ولا تكره نفسك ولا شي انت رجال وراح تقابل اكثر من كذا بس تهرب من الخطأ بطريقه خاطئه ويمكن يوقع لك مشكله اكبر منها لانك هربت

طيعني وسوي اللي قالوه لك ولا عليك من احد لايهمك احد عقلك براسك والانسان مو معصوم من الخطا بس الخطا اللي يجلس بالخطا او يعالج الخطا بخطا وامريكا طال عمرك سمعت بالاشاعه تحويل الطلاب وصدقني راح يحولونهم لان الطلاب يطالبون بالتحويل وراح يجي خير خليك بمدينتك وحاول تحبب نفسك بالمدينه وصلح غلطتك كلنا نخطي لاانت باول واحد ولا اخر واحد ..

انا مابي اجيك واقول الله يعينك وخذ قبول من كندا وووو لاحبيبي هذا اسمه تصفيف كلام او مجامله دامك رجال تحمل وعادي ترى مو عيب والله مو عيب قسمن بالله لو اشتغل اي شغله اهم شي اضبط اموري دامك درست سبع شهور ان شاء الله راح تنظم وتحصل خير وخليك من الكلام اللي تقوله ابي احول كندا ترى كندا غااااااااااااااااااااااااااااااااااااااااااااااااا ليه حييييييييييييييييييييييييييييييييييييييييييييل ( هذا اذا ماقابلتك مشاكل بالفيزه الكنديه وهذا اذا خلوك تسافر من امريكا )

عين خير يارجال وبسيط امرك لاتصعبه فيه مصايب اكبر واشكر ربك واعتبرها مغفرة ذنوب وخلك ذيب وضبط امورك

وسلامتك

ثواني
فوق 22 مسموح لك تشرب
شو المشكله
كنت سكران وطلعت بالشارع
اذا بطريق بيتك مافيه اشكال بس تتمشى باماكن وبس تداور هنا مشكله

السؤال الي يطرح نفسه
مو موكل محامي
مفروض لو موكل يزبط لك
لان من كلامك منت مسويي شي غلط ( حسب قوانين امريكا )

ويتكلموا لك عن اضرار المسكر
ليه حرموه هم مثلا
هم يشربوا عادي

ماعليش مافهمت القصه بالزبط وين الغلط فيها
واش تهمتك بالزبط

ولو بمشي على الاحداث الي حاطها
لو انا منك ادفع ماتسوا النقله

وتنحط بسجلك
طبعا اي مشكله تصير لك لازم تنحط بسجلك

ولا ايش يفرق الناس الي مشت سيده والناس الي كان عندها مشاكل
سجلهم يفرق

عموما هاي امور قانونيه
ماتستشير فيها احد غير محامي عارف قانونهم زين


وجيتك كندا استخير فيه
بس موضوع شرب ومشي بالشارع
هنا الي اعرفه مشدددين اكثر على هالسوالف
وان ماتسوي شي احتمال انه يضايق غيرك

وغير كندا غاليه وانت على حسابك

هذا الموضوع مطروح منذ أكثر من ثلاث شهور او تزيد

شي غرريب من جد !!

بس في نقطه راحت عن بالك اللي هي الافضل انك توكل محامي

او شوف السفاره ان شاء الله بيساعدونك في القضيه

الله يسسهل لك

أخي الكريم
أولا ما قمت به شئ ليس هين أبدا في ديننا , ربي يتقبل توبتك
ثانيا من الأفضل أن تجلس مع محامي وتستشيره في القضية لأنه أعلم بنظام البلد وكيفية تخريجك من المشكلة .
بالتوفيق أخي .

حبيبي الله يعينك , المساله مهي مسأله جريمه ولا شي , بس الشرطي اللي مسكك وانا متأكد عنصي 100% . هم اذا يبغون يحطون عليك شي حطو, انا الجامعه سوت لي سالفه لاني منزل اقل من 12 والسبب ان الملحقية ما دفعت , ورحت محكمه امقريشن , قالو لي تبي نعرض قضيتك ولا تتطوع بالمغادره . طبعن كلمت محامي القنصلية وقاللي لا ارجع وقدم إن شاءالله يجددون , كلهم قالو كذا الجامعه والملحقيه والقنصليه , رجعت وهذا هم رفضوني وعلي بان 10 سنوات الله يلعنهم من قنصليه ومن ملحقية ولا يوفق اللي كان السبب. اذا يمديك تطلع اطلع ولا ينكتب عليك شي هاذي نصيحتي . رح كندا بريطانيا استراليا اي شي احسن من امريكا وتعقيدهم في اللامن الخايس.

النظام الكندي متواصل مع النظام الامريكي واتوقع صعب جدا انه يعطوك فيزا كندية بسبب انه فيه قضية مرفوعة عليك في امريكا

انصحك حول لاستراليا وخلك بعيد عن كندا

تحياتي