خبراء كندا الفزعة لاني رحت فيها والله

في اوراق القبول يحدد نظام الانسحاب
مثلاً:
قبل بداية الدراسة بستين يوم يرجع المبلغ كامل
قبل الدراسة بشهر يرجع 95%
في الاسبوع الأول يرجع 90%
ويحدد وقت لا يرجع بعد أي مبلغ عند الإنسحاب
راجع أوراقك

الله يعطيج الصحه والعافيه


انا رسلت لهم ايميل بأني انرفضت يوم 5/12/211 وهم جاوبوني يوم 16/12/2011 وقالو لازم ترسل لنا ورقه الاصلية مال الرفض حتى نرجعلك المبلغ ورسلت لهم الورقه يوم 18

يوم 21 هم استلمو الورقه مال الرفض ويوم 22 ارسلولي ايميل قالو احنا قدمنا ورقتك للماليه حتى يرجعلك مبلغ وانا من حقي اخذ المبلغ كامل لاني بلغتهم قبل موعد الدراسه ب شهر وقالو من يوم 23 عندنا عطله ولازم تنتظر الى يوم 4/1/2012 وانتظرت الى هذا اليوم وماحصلت اي شي وصارلهم اسبوع مايجاوبوني ابدا

القوانين الي قلتيها انا اعرفها وهم ذكرو بأيميلاتهم انهم يرجعون لي المبلغ كامل ويخصمون فلوس تسجيل وفلوس الارسال الشيك وبكل ايميل يقولون الماليه تشيك على موضوعك

هذا الطناش الي صارله اسبوع يخووف

مرحبا اخوي ،
السفارة الكندية تبغا شغلات
صورة
تعريف بضمان مالي مثلا خطاب من عمل الوالد وبالراتب الي يستلمه "باللغة الانجليزية" + كشف حساب بنكي للوالد ,, لايقل عن مبلغ 60 الف ومافوق ,, + خطاب من والدك ان راح يتكفل بالمصاريف كاملة ويوقع على الورقة
بيانات ملف PDF المطلوب من السفاره والدول التي تم زيارتها في السنوات السابقة
اسماء اخوانك كاملين +اسم والدتك ووالدك,, والخ من المعلومات
شيك وقدره مصدق من البنك
اوراق القبولات "معهد + جامعة"

لكن ماقدر افيدك بالتواصل مع الجامعه
الجامعة انتهت مهمتها اعطتك القبول مالهم دخل الحين ، لازم تتواصل مع السفاره بنفسها ،،

الغالي الله يعطيك الصحه والعافيه لكن شكلك رديت بالموضوع الغلط لاني كاتب شي يختلف تماما عن ردك

ياريت لو تقرة الموضوع وتعطيني جواب شافي

لا ماعليك انشالله ترجعلك فلوسك
لان نظام اغلب الجامعه وجامعه يو بي سي وحده منهم انه لمن فيزتك تنرفض يرجعولك فلوسك
وجامعه يو بي سي جامعه كبيره مو اي كلام يعني لا تخاف
بس لازم شويه مذله الين يرجعوها لك!

حاول تتصل بالقسم المالي في الجامعة مباشرة

الله يعطيكم الصحه والعافيه


القسم المالي ماعندهم رقم هذا على كلام الموظفين

ياجماعه منو عايش بفانكوفر يتصل لنا ويشوف شسالفه والله يجازيه كل خير لاني تعبت نفسيا والله والمبلغ مو قليل

في حاله رفض الفيزا يتم استرجاع المبلغ كامل وذلك لاسباب خارج عن الطالب وليست بيده
اخوي انت وش سبب الرفض؟ تقدر تكلم السفاره وتعرف اسباب الرفض وهل فيه امل التقديم مره اخرى مع اكمال النواقص؟
باي جامعه انت؟

اعطيني تفاصيل جامعتك واسمك ورقم الطالب وتاريخ ميلادك

اخوي اذا تم رفضك بسبب الفيزا تستحق تسترجع المبلغ كامل لان الموضوع خارج عن ارادتك لكن حاول انك تتصل عليهم وشوف ايش يكون الرد واذا مافي اي تجاوب اتصل على السفارة وقدم تقرير رسمي بأنك دافع المبلغ كامل ومن عندهم يقدروا يسترجعوا المبلغ الي ارسلتو لهم .. وانت مقدم مرتين ممكن تذكر اسباب رفضك ممكن يكون في شي من المتطلبات ناقصه وقدم عليها مره ثالثه لكن اذا الاسباب واضحه وماتقدر انت تقدم مره ثانيه واذا الاسباب صارمه على الرفض قدم لهم تقرير وصور من الفواتير وكلم السفارة واطلب مترجم او موظف عربي واشرحلوا الموضوع وشوف ايش ايقلك ... والله يسهلك اخوي( وعسى ان تكرهوا شيئاِ وهو خيراُ لكم )