شرح المستندات المطلوبة لاستصدار الفيزا الكندية مصوّرة وموضحة (حصري)

السلام عليكم ورحمة الله وبركاته

كيف حالك اخوي ؟

عساك بخير

اخوي انا مقدم على جامعة كندية والحمد لله وصل القبول

وآلآن انا في طور اجرائات الفيزة

طبعا انا قريت موضوع الاخ mam_sm عن الفيزة واستفدت منه استفاده كبيره <-- فشكرا على الشرح الوافي


بس انا عندي اشكاليه في ثلاث نقاط واتمنى اني اجد عندك الحال

الاول : الاخ mam_sm كتب في شرحه

ملاحظات:

أهم شيء تكتب رقم الطلب حق الابتعاث أعلى الصفحة

وش الرقم اللي يتكلم عنه هل هو خاص بالمبتعثين على حساب الحكومة ولا لكل شخص رقم طلب

اذا كان خاص بالطلبة المبتعثين ياليت تقولي وش اكتب لآني طالع على حسابي

هذا بالنسبة للآستفسار الاول

الاستفسار الثاني

عن الوظيفه انا مسجل اسمي في شركة عمي كاموظف

هل من الظروري اني اعلمهم اني موظف واجيب لهم خطاب

ولا عادي ومايدققون

بنسبه للآستفسار الثالث والاخير

الاخ mam_sm كتب في موضوعه

وبالنسبة للدول اللي زرتها آخر 10 سنوات فهذي نصيحة أخونا KaLaNgO

وهنا نقطة مهمة طبعا جواز سفرك تجدده كل 5 سنين وانتا تكون ذكرت دول زرتها اخر 10 سنين ومهي موجودة في الجواز الحالي فيمكن تتصلبك السفارة ويطلبو منك برنت من الجوازات عن اخر 10 سنين رحت لها فانتا روح واعمل البرنت من بدري وترجمه علشان تريح دماغك ولا تحاول تكذب على السفارة في اي معلومة وتقول ما اذكرلهم غير الدول الموجودة بالجواز الحالي فقد يطلبو منك برنت واا اتضح لهم خلاف ذلك ممكن يلغو طلبك للتاشيرة ويحرموك من تاشيرة الدراسة نهائيا

انا جوازي في الجواز السابق كنت مرفق مع الوالده الله يحفظها

هذي نقطة النقطة الثانية ان سبلنق العايلة في الجواز القديم يختلف عن الجديد

فمادري وش اسوي ارفق لهم الجواز القديم والجديد ولا اكتفي بالجديد وهم بيتغاضون


هذا اللي عندي واسف اذا كنت كثرت استفسارات

واتمنى ان اجد الجواب في اقرب وقت

وبالتوفيق لنا جميعا

جزاك الله خير.....

عزيزي مشاري ..
رقم الطلب هو الرقم الخاص بالمبتعثين في مراحل بعثات خادم الحرمين الشريفين ..
وإذا لم تكن تملك رقما .. فلا تكتب شيء .. سيكون واضح للمدققين من خلال وجود ضمان بنكي لك أنك لست ضمن الابتعاث ..

بالنسبة للوظيفة .. فبالعادة ما يدققون .. وخليك مسجل في شركة عمك .. عشان تقصر عليك فترة التأمينات الأجتماعية
ولو طرى في بالهم يتأكدو من انك وش اتسوي في الفترة الماضية .. راح هم اللي يقولوا لك .. جيب اثبات وين كنت تشتغل .. وساعتها تقدر اتطلع ورقة من شركة عمك .. انك موظف و توك استقلت مثلا ..
بس نصيحتي .. طنش الموضوع .. ولا كأنك موظف نوهائيا ..

وبالنسبة للجواز .. لا ترفق إلا الجديد .. بس اذكر الدول اللي رحتها في الفورم .. وخلاص
و الاسبلنج المعتمد لك .. هو اللي في الجواز الأخير.. خلاص ما عليك من أي شي قديم .. ترى سهالات .. والموضوع مو معقد .. وغالبا ما يرفضوا حتى لو في أخطاء في الفورم .. بس الأفضل أكيد انك تتأكد من كل شي ..

أتمنى أكون جاوبتك .. وإذا عندك أي استفسار .. بردو اطرحه .. والله يقدرنا على خدمتكم ..

ويجزيك الله كل خير ..

الاجراءات سهلة .. ولازلت أقول .. اللي يتبع الخطوات في شرحي .. ماله داعي يتعامل مع أي مكتب تخليص ..


بالتوفيق

مشكور اخوي naaar

ماقصرت عز الله انك جاوبتني ووفيت بالاجابه

بس بنسبة للجواز

جوازي الجديد لي مطلعه سنتين

وماسافرت به ولا سفره

بهذي الحاله وش اسوي

اخلي خانة السؤال فاضيه ولا اكتب اي دولة حتى لو اني ماسافرت لها

عزيزي .. أنت تكتب الدول اللي سافرت لها خلال العشر سنوات الأخيرة .. مو شرط اللي بس في الجواز الأخير ..
يعني شوف انت وين سافرت في العشر سنوات الأخيرة .. واكتبهم ..

يعطيك العافيه اخوي
بس اللي تقصده ان ماليزيا اهي اللي صعبه صعبه
او كندا ؟؟
ومشكور اخوي

أعني الدراسة في ماليزيا ..

السلام عليكم
الله يعطيكم الف عافية ويجعله في موازين حسناتكم
ممكن لو سمحت تتكرم وتساعدني
انا بسافر لكندا فانكوفر ان شاء الله في جولاي لمده شهر للسياحه وكمان اتاتشمنت تريننينق
حيكون معي اختي الصغيره عمرها 16
وولد اختي عمره 13
وانا والدي متوفي الله يغفر له فكيف طريقه الفيزة بالنسبه لهم
يعني لازم اختي وزوجها بالضافه لاخوي وامي يروحون لكتابه العدل؟؟؟
او من وين يجيبون هالورقه لازم تكون موثقه؟؟؟
لان من شروط الفيزة مايلي
ان الاطفال دون 18 لابد من اذن كتابي من كل الوالدين

الله يعافيكم ابغى رد باسرع وقت
وشكرا من الاعماق

بالنسبة إلى الفيزا السياحية .. فمو متأكد من اجراءاتها ..
بس تقدري ترجعي إلى السفارة .. كلميهم أو ارسلي لهم ايميل .. ترى ايردوا خلال يومين أو ثلاثة ..