وعليكم السلام ورحمة الله ،،
فيه عندك أكثر من شركة ،، وبصراحة أنا ياكثر ما انلدغت منهم هههه لاننا ماتعودنا على نظامهم لكن مجرد ما ادق عليهم واهاوشهم واقولهم بغير الشريحه يسدحون لي ثلاث شهور مجانا او يخصمون علي الفاتورة .
فعندك مجموعة شركات وياليت تفتح هالرابطين :
Fido | Plans Bell Mobility - Talk and More Plans- Bell
فهم نظامهم مختلف عنا تماما ،، يعني مثلا ،، لمن تدق على واحد راح يظهر له اسم صاحب الشريحه اللي هو انت يعني مافيه لعب ومافيه ازعاج ، اللي ماتبي ترد عليه تسحب عليه .
وطريقة تعامل معظم شركات الجوال عندهم كالتالي :
الوقت يقسم لقسمين صباحي ومسائي ،،،، الصباحي تقريبا من الساعه ( 7 صباحا - 7 مساء ) هالوقت يعطونك فيه دقائق مجانية على حسب الباقة اللي خذيتها ،، يعني فيه باقات تعطيك 200 دقيقة مجانية في الشهر ( تنحسب في الفترة من 7 - 7 ) فاذا خلصت الميتين دقيقة المجانية تبدأ الحسبة عليك بالدقيقة .
والوقت المسائي اللي هو من ( 7 مساء - 7 صباحا تقريبا وعلى حسب الشركة ) يكون الاتصال والرسائل فيه مجانا داخل المنطقة ،، وداخل الشبكة نفسها ( اقصد شبكة الهاتف المشترك فيها ) .
فتلاقي اغلبيتهم هناك وخاصة في فترة الصباح يتواصلون بالرسائل أو اذا دق عليك يعطيك الزبدة في اقل من دقيقة او اذا دقيت عليه مايرد عليك لانها محسوبة ويقفل بوجهك لان الدقايق المجانية محسوبة عليه .
فأنت لمن تفتح الرابطين اللي فوق راح تلاقي السعر الشهري كم ، وكم عدد الدقائق المجانية لك ،، ومن متى إلى تبدأ المكالمات المجانية داخل الشبكة .
وبعدين يالاخوان للي حاب يكلم اهله في السعودية مثلا وهو موجود بكندا ،،، فيه بطاقات تباع في المحلات سعرها ( 2,5 دولار ) دولارين ونصف ،،، هذي وناخوك مثل بطاقات سلام ومرحبا اللي عندنا ،، تدق على هاتف ثابت بالسعودية ( تتصل على هاتف ثابت داخل السعودية وليس جوال ) يعطيك تقريبا ساعة او ساعتين ،، اما لو تدق على جوال راح يعطيك عشرين دقيقة او اقل .
بالتوفيق
علفكرة نسيت اقولك : شركات الهاتف هناك تتضارب عليك ، بعضهم يقولك وقع معي عقد لمدة سنة واعطيك جوال مجانا وكل مازادت مدة العقد كل ماكان الجوال اقوى ،، وانصحك لاتشترين مسبقة الدفع ،، أما انك تشترين شرائح مفوترة ،، او تشترين البطاقات اللي ذكرتها لك أبو دولارين ونصف وتكلمين من الهواتف العمومية الموجودة بالشوارع ،، لكن مشكلة هالبطاقات ان لها ايام محددة ،، يعني يومين او ثلاثة ايام اذا فتحتها وماستخدمتها تنتهي عليك ،، يعني اول ماتفتحها أحرقها مكالمات للسعودية .
قوطي فاضي June 5th, 2011, 02:23 PM
7 " 
LinkBack URL
About LinkBacks
June 4th, 2011, 06:16 PM
الى اخوتي الاعزاء هنا في كندا
وخاصة في تورنتو
انا قادمة جديدة وارغب منكم مساعدتي
في افضل شركه لشرائج الجوال مسبقة الدفع
وطريقة حصولي عليها
ولكم مني جزيل الشكر والعرفان