الفزعة بعد الاتكال على الله

وعليكم السلام ورحمة الله وبركاته

ولاتخاف أخوي الفنادق في سيدني أكثر من الهم على القلب وراح تلقى بالهبل وإذا حبيت ممكن نساعدك وبالنسبة لسكن سعودي وبتاخذه منه قليل ماتلقى كذا ويمكن ماتجي الشقة على المزاج إلا اللهم إن كان لك شخص في سيدني وله معارف بيتخرجون ممكن يساعدك فيها وبالنسبة للحي المناسب لوضعك ومعك عائلة لاتتعدى هالأحياء لأمنها ولرقيها ولقربها من جامعتك والستي وثاني شئ لأن الحي به كل الخدمات وعند أذنك كل شئ والشئ الثالث لتمركز السعوديين فيها وهي كالأتي:

1- الواترلو (راقية جدا)
2- الروزبري
3- الزيتلاند

أما أوبرن صح حي فيه مسلمين كثير وكله جاليات على فكرة وقريبة من عزبة البنقالية عندنا (مع إختلاف المعيشة وأنهم أفضل منا طبعا) ومن هالكلام لكن المكان مايشرح الصدر ومايصلح للسكن أبد وأغلب السكن اللي فيه قديم إلا عمارة أوبرن سنترال وكم بلوك فيها وحقه روحه بالويكند تتغدى وتتقضى وترجع لأنه الحالة المادية للي يسكنه من متوسط إلى محدود وأضف إلى ذلك إن المشوار بالقطار أو السيارة من أوبرن لل uts تقارب 30 دقيقة رايح راجع أو أكثر على حسب الوقت (في وقت الذروة/ في غير وقت الذروة) على عكس الأحياء اللي وصفتها لك وأغلب اللي أشوفهم ومعهم عوائل يشترون سيارات وراح تحتاجها أكيد للتنقل والتمشيات مع الأهل.

وتوصل بالسلامة.

عزيزي، انصحك تترك العائلة في السعودية وتجي لحالك ، حرام تبهذلهم معاك في اول الايام .. كثير من المبتعثين يترك عائلته في السعودية ثم يأتي بهم بعد مرور 6 اشهر ، منها يكون عرف المدينة وايضا وجد سكن مناسب واشترى سيارة.
اسأل الله ان يسهل أمرك ويوفقك في الدنيا والاخرة وان يسخر لك من يخدمك باذن الله.

السلام عليكم
انا مع الاخ طالب ...
من الافضل ان تحضر بمفردك اولا ومن ثم بعد شهر او بعد ما تستقر الامور احضرهم ... الا في حالة ااذا كنت مرافق فهنا الوضع يختلف ...

الله يسهل دربك يارب