وسيلة الاستغناء عن النقد في جيبك يا مبتعث

January 31st, 2008, 06:23 PM

السلام عليكم ورحمة الله وبركاته

اليوم موضوع حلو جميل ظريف ان شاء الله الكل بيستفيد منه

الحين ان شاء الله كلنا بتنتهي امورنا في القريب العاجل بأذن الله ونسافر كلا الى ديرته الجديدة

موضوع اليوم ( فلوس في جيبك لا تشيل ؟؟؟؟)


كيف تتصرف ؟ نبدأ بأسم الله

طبعا لازم الواحد يكون معاه بطاقة فيزا - او مساتر كارد - او امريكان اكسبريس يحفظ فيها فلوسه
لسهوله استخدامها وتقنيتها العالية ومميزاتها عن بطاقة الصرف العادية ATM

اشلون نحصل على بطاقة الفيزا او الماستر او امريكن اكسبريس للي ما عنده وبكل سهولة

الخطوات
1- تروح اي فرع للبنك الاهلي ومعاك صورة من بطاقة الاحوال سارية المفعول
2- تاخذ معاك 200 ريال في طريقك
3- تدخل البنك وتعبي نموذج اصدار بطاقة الماستر كارد مسبقة الدفع
( طبعا رسوم البطاقة 100 ريال سنويا )
4- تعبي النموذج وتنتظر السر لين يجي دورك وترمي الاوراق في وجه الموظف << طبعا حق اللطعة ابسط حقوقك
5- تعطيه الفلوس ويعطيك ايصال فيها والاوراق ويقلك راجع بريدك بعد اسبوع الى 10 ايام

طبعا اذا عنك حساب في البنك الاهلي تقدر تستغنى عن الخطوه رقم 2 لانهم راح يسحبو قيمة اصدارالبطاقة من حسابك

وبكده يكون معاك بطاقة ماستر كارد مسبقة الدفع

يعني اشحن واصرف

يعني تروح البنك تودع في البطاقة وتصرف على قد الي اودعته

مميزات البطاقة
1- راح تحفظ لك فلوسك من الضياع لا سمح الله
2- عمولات طبعا 0&#37; على المسحوبات والمشتريات غير البطاقات المدفوعة وبطاقات الصراف العادية ATM
3- امكانية الاستخدام في الشبكة العنكبوتية الانترنت ( يعني لو تبي تسدد جوالك في السعودية وانت في نيوزلندا تقدر و حاجات كثيرة على الانترنت مثل حجز الفنادق والتذاكر والسكن وخلافه ومشتريات عينية
4- سحب مبالغ نقدية كما تريد بس لا تتعادى السحب النقدي( 5000 ريال داخل السعودية ) ولا تتعدي رصيد البطاقة
5- تستخدم في جميع الصرافات ATM الموجودة في جميع انحاء العالم بدون رسوم خلاف البطاقات الثانية الفيزا المدفوعة و ATM
6- والاهم اذا نقص عليك فلوس وانت في الغربة تتصل على ربعك ويودعولك في البطاقة فلوس وفي وقتها تسحب بدون رسوم

دمتم سالمين

• نشر عبر تويتر
• نشر عبر فيسبوك
• نشر عبر جوجل