والله السكن مع العائلة اصبح صعب جداً
اتمنا من الاعضاء المتواجدين الان في استراليا افدتنا عن الوضع
Hot shoot March 5th, 2008, 02:18 PM
7 " انا اعتقد انه اول ثلاث شهور مع عايلة
وبعدها السكن في سكن الطلاب
عز الخوي March 10th, 2008, 04:14 PM
7 " الرفع
نتمنى من الموجودين الان في استراليا الان يفيدونا عن تجاربهم ما نبي كلام عام
الموجودين في استراليا الات نحتاج فزعتهم ووقفتهم معنا
الديواني July 25th, 2008, 05:18 PM
7 " ياحليكم .. احلى شي .. تجي وتحصل ناس .. من جد محتاجه معلومه وتساعدها ..
بكلمكم عن تجربتي .. وعن تجربة .. عزوز .. ومشاري .. وناصر .. ومختار ... وسعود .. وباقي الشباب بختصر تجاربهم .. في مقال واحد ..
انا وافي العتيبي / طبعا" تراي قروشه مثل اخونا محمد .. من قبل سفرتي بشهرين .. وانا مشغلهم .. كل شوي .ز ارسل ايميلات على العيال اللي في ادليد .ز اب ي عايله اب ي عايله
وكل 3 ايام مرسل للمعهد .. صرت معروف قبل اجي ..
طبعا" فيه واحد الله يوفقه اسمه تركي ماقصر .. كلمني .. وقالي تراي لقيت لك عايله .. قلي وش وضعك احجزها اسوي فيها .. عندي كلام رجال .. من ذا العلوم .. قلت ياولد وش تبي ز. لو تبي الفلوس حولتها (في اخر الرد بعلمكم ليه الرجال حرص علي ) قلت له تم تم ياقلبي
المهم .. بعد ايميلي اللي ارسلته لمسؤلة السكن بالمعهد .. ارسلت لي نموذج . عبيته ..وورقه تعهد بدفع رسوم 110 دولار .. للموظف اللي راح يبحث ل ي عن سكن ..
المهم بعد 3 سابيع .. ارسلو لي ايميل . انهم لقو عايله بمواصفاتي . وشروطي ..
طبعا" انا محصل سكن .. ومشكله راح ادفع رسوم ليه .. كلمت صديقي .. وقلت له العلم كذا وكذا .والمعهد ارسلي ايميل يقول ترانا حصلنا عايله
لا يكون تتظارب العوايل ويصير عندي عايلتين .. قال لا يهمك
ثم قلت له ضاحكا " وإلا اقولك .خليهم عايلتين .. ليله انام عند عايله والليله الثانيه عند العايله الاخرى هع < --قال تستبهل .. قلت لا بس لازم اعدل بينهم ههههههههه
< --لا يكثر ...
المهم كلم الرجال العايله اللي حجزها لي وعلمهم .. قالو ماعليك وراحو للمعهد حقي .. قالو الطالب فلان بن فلان العتيبي .. نبيه معنا .. وفيه ناس يقربون له واحنا مره نبي ذا الولد الوسيم
هههههههههه قالو تم ..
المهم .. جيت المطار وقابلني بالمطار تركي .. واخذني .. وداني للمعهد خلصت اموري .. رحت للعايله لقيتهم طاسين مدري وين .ز المهم قابلتهم .. بعد الظهر وجلسنا .وقالو نب ي نوقع العقد وتدفع الفلوس قلت ابشرو .. طبعا" السعر 840 دولار لشهر ..
قالو تدفع حق اسبوعين ..اجار 420 ..وتدفع ز حق اسبوعين تأمين(420) . يرجع لك لو طلعت ..
قلت والخير واهله .. وعطيتهم وخلصنا .. طبعا"
العايله اللي انا فيها .. بس قولو مشاء الله لا تعطبوني انا وياهم ..
نظيفين لدرجه كبيره .. عجوز وعود .. ومعي واحد صيني ..
يساعدوني .. على حل الهوم وورك .. ينظفون ملابسي يطبخون ..
يتكلمون معي بشكل بسيط علشان افهم عليهم .. اي شي ابيهم يشرحونه يشرحونه لي
الاكل مالذ وطاااااااب .. اي شي ابيه اقول ابي كذا ويجيبونه .. بس اللي قاهرني عندهم كلبن .. قطع قلبي .. ماغير ينابح .الله يقلعه ..طيبعا" لو راحو .. مكان وتأخرو .. يحطون ل ي اكل بالثلاجه واحميه .. وقت الغداء يوافق الدوام بالمعهد .. علشان كذا يجهزون غداي .. والصبح وانا طالع .. اخذه معي .. وبالجامعه احميه .. واعين خير ...
العشاء نتعشى سواء .. ونسولف وندردش .. وضحك .. عاد انا والله مخربها ..
وصارو يزعلون اذا ماتعشيت معهم . لإني اخليهم يضحكون لين يمووتون .. علشان كذا خربتهم .. وجبتها على نفسي.. يقول احنا قبل تجي .. سوافل عاديه .. الصيني مايطلع من غرفته ..
بس من يوم جيت .. صابنا ضحك غير طبيعي
.. بعض المرات اذا جيت اروح بالباص .. قالو لا نبيك .. تسولف علينا .. يالله نروح نوديك ..
وش بعد اقول لكم .. لحد الحين ماصار لي اني اروح معهم لقرايبهم .. بس ان شاء الله بالقريب العاجل ..
طبعا" لي غرفتي الخاصه . فيها كل اللي ابي .. وفيه حمام لي انا والصيني ..
بس شغل نظيف ومرتب ..
هذا بالنسبه لي .. ولو عندي كلام كثير بس بعطي فرصه لعزوز .. ومشاري . والعيال
اخوكم عزوز .. جاي يدرس لغه بس ترم صيفي ..
طبعا" المكتب بالسعوديه مراسل له .. وجاب له شي يقولون عنه عايله .. وهو والله مع جنبها ..
بس تبون الصز .. اذا جاب غداه للمعهد كلنا نقط ونأكل معه يجيب رز على كيفكم ..
طبعا" عزوز ساكن .. مع رجال تايلندي .. بلحاله الرجال ماعنده حرمه .. ومستضيف طلاب اثنين .. عزوز ومعه واحد كوري ..
يقول امورنا ماشيه تمام التمام .. يقول عليه طبخ يأخذ العقل .. وعنده نت .. وعنده كل شي ..
طبعا" يدفع .. 800دولار بالشهر . بس يقول تعلم الانقيزي .. كويس معه . لإنه من زمان بالديره ولغته كويسه .. وبعدين الرجال سكير ههههههههه . يقول بالليل ماغير يهذري علي بالسوالف ههههههههههههههه
اخونا / مختار .. ساكن مع عايله .. عسل عسل .
الرجال من زمان بالديره . يقول العياله استقبلوني بالمطار ومن زمان معهم . يقول جيت من السعوديه .ما اعرف غير يس . ونو .. واتعامل بالاشارات .. بس الحين مشاء الله عليه مره رهيب رهيب انقليزيه ..
والعجوز اللي معه .. كانت ..شغاله بالجامعه .. وساعدته ف ي امور كثيره ..
يقول اكلهم رهيب رهيب مره .. الولد مبسوط كثير .. يودونه رحلات قنص ويتمشى بالويكند معهم .. وفرفوشين بالحيل < --اه امووت بالقنص
يعطيهم 800 دولار شهريا"
حبيبنا مشاري .. ساكن بالستي .. مع عايله .. تايلندية الاصل .. ساكن بـــ 1000دولار بالشهر
مره مبسوط مع العايله . معه طالب .. ثاني .. بس العايله .ز معطينه على كيفه .ز ولا يهتمون كثير فيه .. لإن الولد مطنشهم شوي .. وبعض الايام ماينام عندهم . بس مره يحبونه .. وداخل معهم .. يعزمونه قرايب العياله .. والناس اللي حولهم .. وكذا .. الله يوفقه ..
ناصر حبيبنا .. ساكن مع عايله .. بعديه شوي عن الجامعه .. ب س الولد مشاء الله عليه . فاهم باستراليا .. لإنه سبق وجاء هنا .. يقول مبسوط منهم .. بس ماعندهم نت .واكلهم كويس
طبعا" ساكن معه سعودي ثاني لإن من ضمن الشروط العايله ماتستظيف اكثر من طالبين .. علشان تقدر تزين امورهم ..
سعود الجميل .. هذا .. مايسولف كثير عنهم .. شكله بس ساكن .. بغرفته بس .. هههههههههههبس طبعا" يقول العياله استراليه .. وكويسه .. يسولفون معه بس مو كثير ..
اكلهم نظيف .. وامورهم كويسه .. والله ماعندي عنه معلومات كثيره ..
تعبت من الكتابه .. بليززز مايك .. ابي اتكلم بدل الكتابه ...
اخر شي بقوله .. والله الدعوه حظ ونصيب .. بس هذا مو يعني .. ان العوايل شينه . بالعكس .. 90% من العوايل مره كويسه.. بس فيه فروقات .. بين الفرفوشين .. واللي نظيفين مره .. واللي يختلطون معك كثير .. ويدخلون فيك ..يعني دبنتس
** النجوم هذي .. تعليق على كلامي يوم قلت صاحبي يحرص علي ..
يالغالين فيه مشكله .. ابيكم تعرفونها انتم .. ياللي ماجيتو .. هنا ...
استراليا .. اكثر شي يحبونه .. انك اذا قلت كلمه .. توفيها .. مو تلعب او تكذب
فا اغلب الشباب مو كلهم .. يكلم من السعوديه .. اب ي وابي وابي
ويروحون يدورون . له ويحجزون .. المفأجاه وش هي ...؟ اذا وصل قال لا لقيت غيرهم .. او ماعاد ابي .. غيرهم كثير .وهذا الشي يفشل الانسان اللي بحث .. ودور لك ..
لإنه يعطي العوايل (الهوم ستي0العزابي) كلمه .او صاحب البيت .. كلمه (سكن العوايل)
ثم يخلفها مشكله .. وانتم تعرفون .. الشغله .. بزنس .. ماراح اخلي بيتي فاضي اسبوع علشان سواد عيونك .. او اخلي عندي غرفه بالبيت . فاضيه .. علشان انتظر انسان مدري بيجي وإلا لا
وحتى لو بيجي .. انا ماعندي استطاعه اخسر اجار اسبوع ..
واي انسان يقولك حجزت لك ........وهو من جد حجز لك .. اعرف انه مسوي لك معروووف كبر .. طويق .. لإن الحجز هنا .. يا يكون يعرف صاحب العقار وصاحب العايله ويثق فيه .. او الانسان .. متوسط واسطات كثيره علشان يحجز لك ..
فلا تزعلون من الشباب اذا صرفوك . وقالو .. بندور لك .. وطنشو .. من جد هذا شي شفته وعرفته .لإنهم يعانون ..
بالتوفيق للجميع يالغالين
اتمنى قدمت شي يفيد ...واذا استجد شي .. راح اسدحه لكم
واذا فيه اي سؤال عن نظام العوايل .. او شي من عادات . وانظمة السكن مع العوايل سدحو وابشروووو يالغالين
وافـــــــــــــــــــــي
الــوافــي July 25th, 2008, 08:58 PM
7 " أهلا بكل الشباب ...
ما هي أنطمة السكن مع العوائل ؟
لكم تحياتي ...
فلسفة الاشتياق July 25th, 2008, 10:22 PM
7 " الله يعطيك الف عافية يا خوي وافي ..
وعندي بعض الاسئلة ..
1- وش رايك لو طلبت عائلة معها اولاد ولا بدون احسن ؟
2- وهل الافضل انك تشترط انه مايكون مع العائله طلاب ساكنين ؟
3- وبنالسبة للحيوانات لان المكتب يقول لي ترى 70% من العوائل عندهم حيوانات فلو طلبت انه يكون عندهم قطط مو افضل من الكلاب ؟
وبالتوفيق لك يارب
eido July 25th, 2008, 10:44 PM
7 " آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآه
الهوم ستي حظوظ والله رمى حظي مع عجوز غبرا
ايجار 200 دولار استرالي
نت + فطور + عشاء ماعدا يوم الجمعة لأنها تطبخ وهي تسب وتسخط فاتعمد اني ما اجي على وقت العشاء واذا جيت اقلها ما ابغى عشاء
طبعا طبخها له نكهة مرة طيبة لأنها تحظر العشاء ومعاه شويتين من شعر راسها
ثلاث مرات انتبهت ان في الاكل شعر والله اعلم كم مرة اكلت وانا مو منتبه
عندي قطتين جايبين لي القرف
البيت رائحة حيوانات
تروح 8 صباحا للعمل وترجع 6 واحيانا 7 المساء
حتى الويكيند تروح لعملها
اذا بتكلم معاها فقط وقت الفطور
وادعوا لي احصل بيت نظيف يعينني على الدراسة
واي استفسار احنا جاهزين
love_lorn_4u July 26th, 2008, 04:13 AM
7 " فلسفة الاشتياق .. مدري وش تقصدين .. من اي ناحيه .. بس بقولك معلومات على الطاير
العايله .. اشخاص .. متعودين يسكنون طلااب .. من خارج الدوله .. لكي يسكنون معهم .. طبعا" بملغ وقدره .. ويساعدونك في التأقلم على الوضع .. ولا تحس بالوحده ..
طبعا" يختلف من عايله لعايله .. كل عايله لهم شروطهم .. مثلا" بعضهم.. يقول انا بس اطبخ لك
غسيل انت تغسل .. بعضهم .يقول .. مانبي كبار سن نبي صغار .. بعضهم يقولون نبي بنات مانبي عيال (هذي الشروط ولله الحمد مو في ادليد .. )
طبعا" قبل تسكنين .. يعلمونك الشروط .. (تدفعين حق اسبوعين .. اجار .. وتدفعين باوند .(التأمين ) اسبوعين .. .. طبعا" فيه لسته .. مكتوب فيها .. الواحبات عليك .. والواجبات على العايله ..
مثلا" يقولون ..على الطالب مساعدت العايله ف ي تنظيف .. غرفته الخاصه .. إلخ
والعايله كذلك ..على العايله مساعدة الطالب في تعلم الانقليزيه .. وشرح الامور اللتي يحتاجها . إلخ
طبعا" اكثر العوايل هنا مشروط عليها . ماتسكن .. اكثر من طالبين ..
اتمنى اني افدتك .. واذا فيه شي مخصص تبين تعرفينه .. سدحي وابشري
ايدو / هلا فيك يالغالي .. بعطيك كذا معلومه وانت حدد ..
شف الورعان الصغار كويسين .. بس مايصلحون .. يعني اطلب .. عايله ..فيها اولاد بس لا يصيرون صغار مره .. واذا مافيه اولاد .. يكون افضل ترتاح . ويفضون لك وتفضي لنفسك
موضوع انك تشترط .. مايكون معهم طلاااب هذي مستحيله .. لإن مره العوايل اللي تستقبل الطلاب .. مليانه .. والكل يدورها خصوصا" الكويسين .. يعني قل ما ابي معي طلاب .ز واذا مافيه عادي حطوني مع طلااب .. ولا تشيل هم .. والله الطلاب .. ما احد يمك .. تحصله في غرفته .. مو مثلنا اجتماعيين .. معي صيني .. مايطلع غير وقت الاكل .. والصبح اذا راح للجامعه
صادق والله .. اكثر العوايل .. عندهم الحيوانات .. بس نصيحه ياولد نصيحه .. الكلب لا يقربك ..
لإنه نجس .. 50 بسه ولا نصف كلب .. ولو ماحصل الله يعينك .. انا عندي بالعايله .. كلب .. لسني احبه .. لإن لازم تغسل ..7 مرات بالتراب بعده .. عاد هنا الدنيا خظراء .. من وين بتجيب لك تراب ههههههههههههههه
دمت بود يالغالي
وافـــــــــي
الــوافــي July 26th, 2008, 06:12 AM
7 " 
LinkBack URL
About LinkBacks
اتمنا من الاعضاء المتواجدين الان في استراليا افدتنا عن الوضع