بخصوص التحويل لأستراليا

عليكم السلام ورحمة الله وبركاته

اسال الله ان يفرج همك وييسر امرك

انت اخطات ف القدوم ل استراليا بدون امر اركاب وتحويل بعثة من الوزارة

مشكلتك حلها ف الرياض او بتوصية تخرج من الملحقية ولا اعتقد التواصل الالكتروني ينفع .. راجع الملحقية بشكل شخصي ان اتيح لك فرصة لعلك تخرج بما ينفعك

قدمت طلب اعادة للبعثة وتحويل دولة وأوراقي كااااملة والكامل الله, من الايلتس للفيزا الأستراليه لقبول الجامعه , ورفضوه , يقولون التحويل لأستراليا مغلق لسبب كثرة الطلاب المبتعثين , مادري هل هم يصرفون ولا كيف؟ لانه كل يوم ينضم مبتعثين جدد؟ ما عندي امر ركاب بس عندي الان ملف على اني ادرس على حسابي الخاص , ولا يحق لي اقدم , زرت الملحقية وقابلت الملحق كاني اكلم جدار , يقول ما اقدر اساعدك , ولا حتى بتوصية وكلنا عارفين ان هذا كذب , يعني شوي واحب ايدة بس بعض الناس ما يخافون الله,

وعليكم السلام ورحمة الله وبركاته

أخي الكريم الله يهديك ماعمري رأيت أحد يعمل مثلك الخطأ خطأك من البداية وحاط اللوم على الجميع فكان من البداية المفروض ماتجي أستراليا إلا وقرار الموافقة على التحويل معك من أمريكا إلى أستراليا حتى يصير وضعك نظامي وفي السليم أو تحول لدولة أخرى مادام ان اللجنة رفضوا طلبك للتحويل إلى أستراليا وعلى فكرة الملحق مايقدر يسويلك شئ لأنه قرار التحويل يبت فيه من لجنة الإبتعاث بالرياض ويفرق الضم للبعثة عن التحويل لأنه الضم يتم للطلاب الجدد وتتم عن طريق الملحقية وترسل للوزارة للموافقة أو الرفض وأما التحويل من دولة لدولة فما يتم إلا عن طريق لجنة الإبتعاث في وكالة البعثات بالوزارة.

وعلى العموم طاحت الفاس بالراس ومايفيد اللوم الحين وانت الان متحمل ايقاف بعثتك وخساير اقامتك في أستراليا واللي لازم تعمله أنك تقدم طلب تحويل من جديد وتشرح فيه ظروفك وترفق أوراقك من الفيزا والقبول وغيره أو تخلي الوالد الله يحفظه لك ياخذ اوراقك ويروح الوزارة ويقابل الوزير ويشرح له الموضوع من الألف إلى الياء وانك متضرر من ايقاف بعثتك والغاء فيزتك في أمريكا وجالس على حسابك في أستراليا وإن شاء الله تنحل أمورك والله يسهل أمرك وبشرنا وش يصير معك.

بالتوفيق.

اشكر لك اهتمامك اخوي , بس يعني كنت بالملحقيه والموظفين قدامي قاعدين يكلمون بعض يقولون انه ليش ما يكتب لي الملحق توصيه يقدر يضمني , بس ما ودهم يتعبون انفسهم , ومثل ما قلت لك قدمت طلب للوزارة وقابلت الوزير وشرحت له وضعي وأوراقي كاااااااااامله , من إلى , حتى المو مطلوب جبته وبعدين انا طالب ثاني سنه جامعه يعني باخذ فتره اقل من المبتعثين الجدد , واحق منهم مادري ليش يلفون ويدورون ويصعبون النظام , شي ما يدخل العقل , يقوللي الطلاب اكثر من المسموح ويبتعثون طلاب؟ الوالد راح لهم والله وقالوله يقدر يقدم من النظام , دخلت البوابة ولا تغير شي , ما ادري هذا وش تسميه اذا ما كان كذب؟ الله يجزاك خير ويسمع متك

^^^

أختصر الزمن وأطلب التحويل لدولة مفتوحة مثل إيرلندا!
بدلا عن الإنتظار الى ما لا نهاية والعداد شغال عليك على طول!!
وإذا لا بد من أوستراليا خلها للدراسات العليا مستقبلا إن شاء الله.

والله يا الغالي تخصصي software engineering ما اتوقع انه موجود وانا الان عندي مواد مخلصها , يعني صعبه انقل واشوف لي سكن وفيزا وانت عارف كيف صعبه انك تبدا كل شي من جديد وكل دولة متطلباتها غير, دعواتك

^^^

بالعكس تخصصك موجود بأيرلندا!
والي متأكد منه هووجوده بجامعة ليمرك!!
وموضوع الفيزة سهل جدا يومين بالكثير والفيزة معك!!!
انصحك بالتواصل مع المحاضر العراقي بكلية الهندسة د. حسين وان شاء الله يفيدك ويساعدك بكافة امورك الاكاديمية ومنها موضوع معادلة ساعاتك الاكاديمية المنجزة باوستراليا وغيرها....

وفقك الله بما فيه الخير لمستقبلك العلمي والعملي ،، تحياتي


http://www.mbt3th.us/vb/forum124/thread420708.html

Good luck bro

يعطيك العافيه يا الغالي, شيكت الجامعات , مهب موجود , تخصصي software engineering مب computer engineering, هو تحت قسم الهندسه , وبعديت ما صدقنا نتعود على استراليا تبيننا ننقل ههههه عفنا الغربه وانا اخوك , الله يوفق الجميع

^^^

OK

سخر الله لك من يساعدك في الإستقرار بالبلد المناسب لك!

========

عموما لتأكيد وجود تخصصك بأيرلندا إذا أجبرتك الظروف على الإنتقال لها فهو في كلية إثلون التقنية:


Athlone Institute of Technology ط¯ط±ط§ط³ط© Bachelor of Engineering (Honours) in Software Engineering ظپظٹ

Good luck bro