هل 5.000 ريال سعودي تكفي

يقولون في موقع الطلبه السعوديين باستراليا ان التكلفه الاسبوعيه للطالب تقريبا 400 دولار
يعني /
400 * 4 = 1600 دولار
بالريال /
1600 * 2.55 = 4080 ريال تقريبا واتوقع التكلفه بتكون اعلى.
لاتنسى سعر الدولار ممكن يرتفع

السلام عليكم ورحمة الله وبركاته


لو انت عزوبي 2500 دولار استرالي بتكفيك شهر بإذن الله .. تقولي كم تطلع بالسعودي اقولك على حسب سعر الصرف

بس اهم شي تكون مرتب لسكن وانت جاي على الاقل لو مؤقت

بالتوفيق اخوي

مرحبا اخوي

بما انك بتدرس في برزبن

اسعار العوايل للاسبوع مابين 200 و 220 دولار استرالي

طبعا مع الاكل والشرب ومرات يزودون 10 دولار عشان النت

المواصلات بالباص لو تبي اطلع تذكره تفر فيها كل برزبن لمدة شهر كامل بتلطلع 120 دولار تقريبا

شحن الجوال اعتقد لو تاخذ شركة اوبتس مية دولار يكفيك لاخر الشهر اذا منت من الناس اللي يجلس ساعه بالمكالمه

هذي الاشياء الرئيسيه

الحسبه بتكون

880 سكن بالشهر
120 مواصلات
100 جوال

يعني الاشياء الرئيسيه 1100 دولار

لكن للمعلوميه ترا المصاريف الخارجيه كثيره وتعتمد على الشخص

لا تقولي احسبها لي لاني انسان راعي صرفيه ولا اعتقد ان حسبتي بتكون مناسبه لك

لكني علمتك بالاشياء الاساسيه وبالتوفيق ان شاء الله

أخي الكريم المكافأة اللي يستلمها الطالب المبتعث إلى الحين هي 2229 دولار >>> ما استلموا الشباب الزيادة بعد.
وكل الشباب اللي أعرفهم يصرف منها وتكفيه ويزيد معاه آخر الشهر مبلغ منها جيد
واللي صرفيتهم زيادة برضه مكفيتهم

الحين سعر الصرف اليوم هو 1دولار = 3.38 ريال
طبعاً الدولار له فترة نازل ويتذبذب مابين 3.30 و 3.45

5000 ريال = 2097 دولار على سعر اليوم 3.38 واللي يعتبر السعر المتوسط للفترة الماضية

عليه إن شاء الله المكافأة بتكفيك وزيادة يارب

حاول تحول مبلغ طيب بحيث تضمن لو ارتفع الدولار يكون عندك مبلغ يكفيك حتى تصرف أمورك لحد ما ربك يحلها وتشوف لك طريقة وتلتحق فيها بالبعثة

انشالله تكفي مع انك تحط بالأعتبار تكون حريص وتاكل بالبيت

وبالتوفيق انشالله

الله يوفقك يآرب
الشباب ماقصروا الله يعطيهم العافيـه

الله يوفقك يآرب
الشباب ماقصروا الله يعطيهم العافيـه

مشكوريين وماقصرتوا والله يعطيكم الف الف الف الف عافيه

اذا انت رايح تدرس لوحدك بتكفي ان شاء الله على حسب معلوماتي. طبعا بدون حسبة شراء سيارة.
اما اذا انت رايح مع احد تاني.
اكيد مابتكفي