مساعدة رحم الله والديكم / اريد أن ارسل أخي الى معهد للغه + جامعة غرب استراليا ... أفيدوني

طبعا معلوماتي شوي قديمه يعني ممكن تتغير شوي عما اقول
اولا تجيب قبول من المعهد ... اما عن طريق مكتب بالسعودية او تراسلهم بنفسك راح يعطونك قبول مبدأي لمى تدفع لهم الفلوس ويعطونك قبول نهاءي بما يسمى السي او ايي COe
اذا جالك السي او ايي تروح فيه لأاقرب مكت وياخذ عليك 200 ريال يمكن .. ويرسله للسفاره بدبي
طبعا شروط الفيزا
مبلغ معين يتراوح في حدود 450 دولار اي 1600 ريال
كشف طبي عند داتره معينين تحصل عناوينهم حسب المدينه الي انت فيها
السي او اي
الجواز الاصل واصور منه
كشف حساب لحسابك
ابلكيشوون تطبعه وتعبيه من النت
بعض الاورااق ممكن ناسييها ماتحظرني الحين بس تقريبا نقول هذا هو المطلووب والمكت اكييد بيعلمك بالظبط وش يبي

جتك الفيزاا ......... تشتري تذكره قبل موعد دراستك باي يوم وتجي هنا
وتدرس ...

اجراءات الملحقيه ما اقدر افيدك فيها زين لني والله ما الم بالمووضوع ........

لاحظ : انه من الافضل خلال انتظارك للفيزا انك تروح تترجم شهاداتك وتدور قبول من جامعه وتكمل اورااقك عشان ما تتعطل





مافهمت السؤال بس المعهد عطهم فلوس ويقبلوون اي احد ماعليهم من الي قدامهم .. المده حسب خلفيتك بالانقليزي ,., غالبا لا تاخخذ كثير لنهم بيجبوورنك تدفعه قبل عشان كذا 6 شهور مثلا وبعدها مدد زي ما تبي ..


اكييد الفيزا تعطى لك مدة الدرااسه بالظبط
اذا كانت دراستك اكثر من 6 شهور يعطونك شهر مدري شهريت زياده

اي وقت متى ما انت جااهز وكملت اوراقك لن اللغه باغلب المعهااهد تبدأ كل يوم اثنين وبعضهم كل شهر
ولو تتاخر ولا تقدم مااضني بيصير مشكله كبيره





اتمنى اكون بيت شوي من الغموض
واذا تبي حاجه ثانيه احنا حااظرين

كل عام وانت طيب

يعني لو درس 6 أشهر .. هل هي كافيه أم لا ؟ أنا أقصد حتى تكون التكلفة مناسبة لنا .. فما رأيك !

هلا اخوي

ابشر بعزك بالاجوبة وما طلبت شي

شويات اجمع كم معلومة ناقصتني واخلص كم شغلة وبرجع ارد عليك

بالتوفيق ,,

مشكور معاذ

مساءك عسل الله لايحرمنا والمسلمين من دعاءك
يعني لو درس 6 أشهر .. هل هي كافيه أم لا ؟ أنا أقصد حتى تكون التكلفة مناسبة لنا .. فما رأيك !
اكيد لا.. حسب ما فهمت انه ماعنده انقليزي ابد يعني اكييد راح يااخذ سنه او سنه ونصف موو بالسهولة اللغه ..بس انا كنت احكي عن ست شهور مبدأيه ..عشان ما يخلونك من يومك بالسعودية يطلبو منك تدفع حق سنه ونصف وانت ماتدري راح تكمل على حسابك او على حساب الابتعاث
الخلاصه انت والي تقدر عليه وتحسه مناسب لك ...


المعهد يطلب من الجواز وتوقع الابلكيشون حقهم بس ... الجامعه تطلب الشهاده حقت اخر درجه علميه وصلت لها مترجمه ومصدقه من وزراة الخارجيه ..صورة الجواز ... ومادري كان يبون غيرهاا


والله السؤال مااقدر افيدك فيه ابد ابد ولا احطه بمسوليتي ماقول الا انشاء الله يارب تنظم للأبتعاث باسرع وقت

من ناحية كيف تحول ادخل موقع الملحقية الثفافيه باستراليا وراح تحصل الشروط بس هم تعجيزيه شروطهم دايم يتساهلو شوي بس وليتكم تقدرو باسرع وقت




مافيه وقت معين اي وقت ابد متى ما اكتملت اوراقك راح تنظم للبتعاث باي وقت
تبدا تراسلهم من اول ما تجي للأستراليا وترسلهم الاوراق الي هم يبونها مع ختم الدخول حقك




ما اقدر افيدك ياطويل العمر
اتوقع انهم يرجعون لك قيمه الدراسه من اول يوم يتم فيه قبولك للبعاث بس ما اتوقع مدري اسأل واحد فاهم انا والله مالي خبر ابدا



شف الفيزا اغلبهم يسمحون لك تجددها من استراليا هناا وتحصل هذا بند من البنود بالفيزا انك تقدر تجددها هنا
تجددها متى ماخلصت وهم يعطونك حسب دراستك مادري عن الفيزا ما اقدر اعشمك خير بس هم يعطون فيزا مدة الدراسة



ماتفرق ابد كله واحد انت وحسب اهتمامك بالوقت




2010

Melbourne & Perth SydneyAuckland*11 Jan '10- 02 Apr '1018 Jan '10 - 09 Apr '1011 Jan '10 - 02 Apr '1005 Apr '10 - 25 Jun '10 (06 Apr - 25 Jun '10 for Perth)12 Apr '10 - 02 Jul '1006 Apr '10 - 25 Jun '1028 Jun '10- 17 Sep '1005 Jul '10 - 24 Sep '1005 Jul '10 - 24 Sep '1020 Sep '10 - 10 Dec '1027 Sep '10 - 17 Dec '1027 Sep '10 - 17 Dec '10Summer School 13 Dec '10 - 07 Jan '1120 Dec '10 - 14 Jan '11

Cost

2010

Melbourne, Perth and SydneyA$460 per weekAucklandNZ$435 per week
*In Auckland students can start any Monday during term time.


حسب الموقع معني ماني متأكد اذا هذا هو معهد صح او لا
السعر تقريبا 460 دولار استرالي بالاسبووع

من هذا الموقع Taylors English Language Preparation (TELP) courses - Taylors College




اخوك يدرس لغة من الافضل انه يسكن بعائله صح انها مو مريحه شوي ... بس كل العالم يسكنون اول مايجون بعائله عشان اللغة تسهل عليه شوي .. وبعدين لحول ابتعااث ويبي ينقل ينقل ويسك بالشرتون لو يبي ماتفرق ..




اتمنى اني اكون وضحت عندك بعض الشك

عني لو درس 6 أشهر .. هل هي كافيه أم لا ؟ أنا أقصد حتى تكون التكلفة مناسبة لنا .. فما رأيك !

بما ان اخوك راح تدرسونه على حسابكم جيبو له فبول لمدة 4 او 5 الى 6 شهور
لان المشكلة لازم تدفع لهم قيمة ال6 شهور كااملة
وبس يوصل خله يرفع اوراقه الخاصة بانظماهة للبعثة ,, لو ضموه في هالفتره خير وبركة ولو ما ضموه الله يعينكم
تدفعون مدة قبول لفترة اطول

اللغة بالنسبة لطلاب البكالريوس بمعهد التايلور مدتها سنة ,, مقسمة على 4 مستويات كل مستوى مدته 3 شهور ولازم ينجح
في كل مستوى عشان يروح للي بعده ,, لو خلص الاربع مستويات هذه يدخلونه شي يسمونه الفاونديشن وهذه زي السنة التحضيرية بالجامعة ( طبعن ما راح يدخل اخوك الفاونديشن الا اذا جاب قبول من الجامعة ) .

هل هناك مستندات مطلوبة للحصول على قبول من المعهد ؟ أو من الجامعة ؟ ( ماهي )

لا .. ما غير جواز السفر وتعبي فورم خاص بالمعهد .

..



لو افترضنا أن أخي بدأ الدراسة في معهد اللغة السابق ذكره ... كيف نستطيع تحويلة الى نظام الإبتعاث ؟ وهل التحويل مضمون بإذن الله أم أن هناك طلاب لم يتم قبولهم وعادوا الى السعودية ؟!

الامور هذه كلها موجودة بموقع الملحقية الثافية السعودية باستراليا
انصحك تصفحة وراح تفهم المطلوب والخطوات اكثر

..



في أي شهر من السنه يتم ضمه الى نظام الإبتعاث ؟ هل هناك أوقات معرووفه أم لا ؟ ومتى نبدأ في إجراءات التحويل ؟ ( عند الوصول مباشرةً مثلاً .. )

مالهم وقت محدد ,, انت وحظك

..



لو افترضنا أنه تم ضمه الى نظام الابتعاث ، فهل سيعيدون له تكاليف الدراسة في المعهد كاملة ؟ أم ماذا ؟


بصراحة اللي اعرفه انا لا ,, لكن برضو كل هالاشياء موجودة بموقع الملحقية



بالنسبة للفيزا ، لو انتهت مدتها .. فأين يتم تجديدها ؟ وهل يكون تجديدها بعد القبول في الجامعه سنوي أم ماذا ؟


من داخل استراليا ,, وبعهد التايلور فيه موظفة عربية تهتم باطلبة العرب وتخلص لهم امور الفيزا
وتعلمهم كل شي يخص الفيزا والامور الخاصة بدولة استراليا .



بالنسبة للقبول في الجامعه ، الحصول عليه أفضل ( قبل الوصول الى استراليا أم بعد الوصول ) ؟ ولماذا ؟


انصجك تجيبه من داخل استراليا
المكاتب بالسعودية نصابين ويطولون
واخوك لو جا يكون لسه باقيله على دخول الجامعة سنة الى سنة ونص
والمكاتب هنا تجيب لك قبول في اقل من شهر بالعادة وغير كذا ببلااااش
..



هل تستطيع افادتي بالتكلفة الحقيقية للدراسة في معهد تايلروس ؟ ( شهرياً )


للاسف والله بالضبط كم مدري ,, لكن هو 460 بالاسبوع واحسبها كم تصير ب6 شهور
وانت لو راسلت المعهد راح يعلمونك كم
لكن تصفح رابط المعهد اللي حطه معاذ وراح تشوف كل شي
وهذا رابط كيف تجيب قبول من المعهد
Enrol now to study at Taylors College






بالنسبة لسكن الطالب فما رأيك - اعتبره مثل أخوك - بماذا تنصحنا ؟ ( أرجو مراعاة التكلفة & سن الولد 18 سنة )

نصيحة انك تسكنه مع عايله
يمكن ما يرتاح بالبداية لكن بيتعود

السبب انه راح يحتاج وقت يعرف نظام البلد وكيف يبدا يتكلم انقلش وياهم
وهذا انسب شي انك تتعلمه من اهل البلد نفسهم

وفيه بالفورم حق التسجيل خيار خاص لو تبي المعهد نفسه يجيب لك سكن مع عايله .




..



آسف على كثرة الأسئلة ولكن مثلك عارف .. شيء جديد علينا .. ربي يسعدك دنيا وآخرة

لا حاظرين اخوي

بارك الله فيكم في هذا الشهر الفضيل .. بصراحه ما قصرتوا الله يرحم والديكم ..

فعلاً استفدت منكم بنسبة 85% الله يسعدكم .. دوووم

فيه شيء وقفت عنده وابغى اتأكد منكم .. (( بما ان اخوك راح تدرسونه على حسابكم جيبو له فبول لمدة 4 او 5 الى 6 شهور

لان المشكلة لازم تدفع لهم قيمة ال 6 شهور كااملة )) !!!

يعني لازم ادفع مبلغ الـ 6 أشهر حتى لو ما طلبت الا دراسة لمدة 3 أشهر ؟!!

؟؟؟؟؟؟؟؟؟؟؟؟؟؟؟؟؟؟؟؟؟

الالحاق مغلق في استراليا ولا يلحقونك بالبعثة الا عند تطبيق كامل الشروط مع كم مرميطه سنة المعهد وسنه 30 ساعه جامعيه يعني سنتين

والله بالنسبه لسؤالك فالاكيد انك بتدفع الي تدرسه
يعني لو تقولهم ابي ادرس ثلاث شهور تدفع ثلاث شهور
تبي تدرس 6سهور ادفع ست شهور

قصدنا انه الدفع مقدممم مو كل شهر بشهره لن الفيزا ترتبط بمدة الدراسه


ومن ناحية كلام اخوي 999 انا والله ماعندي علم ابددد
واتمنى غير كذا

تبي النصيحة لا ترسلونه استراليا
الالحاق صعب هنا جدًا انا طالب ماجستير جلست شهوور ولا الحقوني الا لما جت المكرمة ولله الحمد والحقوا الدنيا كلها ، يعني لا تقول ننتظر المكرمة الجاية لانها ماهي سنوية هي

نصيحتي ارسلوه كندا ارخص بالنسبة للمعيشة واسهل بالنسبة للالحاق بس حطوا في بالكم ان فيه شباب جلسوا سنة وزود ولا الحقوهم وفيه شباب جلسوا شهر وشهرين وتم الحاقهم

يعني السالفة يبيلها صبر وعزيمة وواسطات وروحة وجية على الملحقية والوزارة

اذا ممكن تغطون له تكاليف سنة لغة ممتاز جدًا

بالنسبة للمعهد انا انصحك بمعهد kaplan aspect سعره اذا تدفع فوق 12 اسبوع 335 دولا اسبوعيا ومعهد عالمي موجود حتى في كندا وامريكا وبريطانيا