استفسار عن دراسة الطب

حياك ربي بالمنتدى .. وننتظر مزيد من المشاركات ...
دراسة طب الاسنان 5 سنوات .. ولكن البرنامج موجود بجامعة ادليد فقط ..
طبعا" اضيفي للخمس سنوات مرحلة اللغه ومايلحق بها من سنة تحضيريه وخلافه ...
انصحك تشوفي دولة ثانيه غير استراليا اذا طموحك دراست طب .. لإن القبول صعب شوي ..

بالتوفيق

يعطيك العافيه اخويا على التوضيح

كيف صعب يعني اش الي يخلي القبول صعب ؟؟

عليكم السلام ,,
حتى انا رايح ادرس صيدلة اربع سنوات عطيت خالي الاوراق لانه يعرف انجليزي وعلى كلامه ما قال صعب القبول الا والله العظيم قال سهل بس براسل اكثر من جامعة واول قبول بيجني من اي جامعة راح على طول اكمل اجرائات الفيزا واتوكل على الله ,,, نصيحه لوجه الله مافي شي اسمه صعب,,, وانا برأيي التخصصين حلوين اهم شي ميولك

تحياتي

القبول صعب .. من ناحية الحصول على قبول واضح وصريح لطب . يعني ممكن (ركزي على كلمة ممكن ) يعطونك قبول طب ولكن بشروط معينه .. يعني قبول مشروط .. بـــ

1- اجتياز مرحلة اللغه
2- اجتياز مرحلة الفونديشن (النسة التحضيريه ) ويجب ان تكون معدلك اقل شي جيد جدا" مرتفع إلى ممتاز .. وهذا والله صعب .. ولكن نفرض انك جبتيه
3- اجتياز اختبار القيمسات.. وهذا اختبار صعب صعب . وانا شفت اختبارات قديمه .. والله ماهي سهله ابد ... واذا فرضنا وعديتي .. لازم ..
4 اجتياز المقابله الشخصيه .. وهنا تبدا لعبة العنصريه في بعض الاحيان .. واختيار الشخص اللي يناسبهم .. واذا فرضنا وعديتي منهم كلهم
5- المنافسه مع الطلاب الاجانب لإن المقاعد لدراسة الطب محدوه لطلاب الاجانب .. وتخيلي كم طالب ينافسك على مقعد قليله جدا" ومحدوده .. وتبداء المفاضله ..

اقولك .. حاولي تقدمي .. ولا ابي ارد طموحك .. ولكن تأكدي ان تحصلي على قبول طب بدون شروط تعجيزيه مثل ماذكرت سابقا" قبل تقرري على شي ...

انصحك .. تروحي تبحثي في محرك بحث المنتدى ب ملتقى استراليا بكلمة دراسة طب .. او الطب .. وراح يطلع لك مواضيع وردود كثيره بهذه الخصوص .. قد تنفعك ايضا" ...

طيب اخ الوافي هي طموحها تقول ياطب اسنان يا صيدلة ,,, طيب انت تقول الطب قبوله صعب ما ادري تقصد الصيدلة معه ولا قصدك طب الاسنان
لان دراسة الصيدلة 4 سنوات من غير اللغه وقبولها ماهو صعب باذن الله افضلها من ناحية القبول عن طب الاسنان ,,,,

تقبلو تحياتي

السلام عليكم
اخ الوافي كفى و وفى بس عندي اضافات لاني استفترت عن الموضوع بنفسي
الطب و طب الاسنان تفس الشي يعني نفس الشروط بس
باعتبارك طالبه دوليه (انترنشنال ) وحابه تدرس بجامعه ادليد تحديدا لان مافي طب ولا طب اسنان بجنوب استراليا الا في جامعه ادليد
الشروط هي و انا راح اتكلم بس على شروط جامعه ادليد
1- لغه او 5.5 بالايلتس عشان تقدري تدخلي الفونديشن ستدي
2- الفونديشن اذا دخلت اينسبري تحتاجي اقل شي 412 من 500 عشان يؤهلك لدخول المنافسه بس انتي لازم تحصلي على اكثر..... واذا دخلتي كليه برادفورد فلازم تحصلي على 85 % و فوق سمعت اينسبري اسهل بالحصول على المعدل المطلوب و الله اعلم
3- امتحان ال PQA هذا امتحان ذاك و معرفه للشخصيه عشان يعرفوا انتي انسانه تستحقين تصيري دكتوره او لا و هذا امتحان بالنسبه الي سهل لان في امتحان ثاني و هو UMAT فهذا هو الدمار بعينه بس هذا الاستراللين فقط و لغير الجمعات اللي في غير ولايات فهذه النقطه لصالحك
3- بعد اجتياز اللي فات تجي على المقابله وانتي و حظك و ذكائك يا اي يا لا اذا اي خلص انتي دخلتي طب اسنان لان المنافسه مع الانترناشنال ستيودنت كثيررررررررررر اسهل مع المنافسه مع الطالب الاستراليين

ملاحظه الفونديشن مو كثير صعبه مع العلم و للاسف كثير من طلاب العرب ميعدوها بسهله و كثير يعيدوها و منهم ينحج بس ميحصل على المعدل المطلوب و انا ما اعرف السبب و مصدومه انا عملتها و حصلت على المعدل المطلوب والحمد لله بس اللي يتعب و يدرس بينجح

واللحين دور الصيدله
الصيدله بجامعه جنوب استراليا الشروط كثير اسهل من الطب و طب الاسنان
1- لغه
2- فونديشن كمان 412 من 500 اذا عند الاينسبري كولج بس الكليه الثانيه تبع الجامعه ما عندي علم
وخلص
بس المشكله بجامعه unisa مافي مقاعد كافيه للصيدله فالمنافسه جدا جدا قويه يعني اقل شي لازم تحصلوا على 430 و فوق عشان تدخلوا المنافسه

وبالنهايه الله يوفقكم قبل فتره كنا بمكانكم نسال و نستفسر
وان شاء الله يكون اللي قلته مفيد
بالتوفيق