استفسار د علي فضلا لا أمرا

السلام عليكم ورحمه الله وبركاته

اسعد الله صباحكم بكل خير جميعا

دكتورنا الفاضل د علي

بارك الله فيك على جهودك وردودك ومساعدتك للاخوه والاخوات هنا


حياك الله أخوي وليد و أسعد كل أيامك،

اخي الكريم عندي عدة تساءؤلات ممكن تفيدني في الاجابه لكن بالبدايه راح اشرح لك وضعي لتتضح الصورة لك


انا موظف فني مختبر تبع وزارة الصحه قدمت على الابتعاث وقبلوني وقالوا هات قبول جامعه

جبت قبول جامعه مشروط بلغة ارسلت لادارة المختبرات قبول الجامعه قالي الموظف باقي قبول اللغة قلت طيب

المشكله الجامعه الي قبلتني هي eastren Illinois unoversity
شارطه علي اللغة في معهد كابلن في شيكاغو ( ليه مدري )

جبت قبول من نفس المعهد وحاولت ارسله للوزارة لكن شكلهم مع الاجازه قفلوا الفاكس مو مشكله ارسله لهم بعد العيد

قدمت على فيزا وسددت الرسوم وحجزت موعد ب 25 -9-2010

الحين انا خلصت كل شي من ناحيتي باقي اجراءات الوزارة



اسألتي هي

1 - الي فهمته من ادارة المختبرات انهم بعد العيد راح يرسلون الملفات لادارة التدريب والابتعاث
سؤالي هنا هل ادارة التدريب والابتعاث هي صاحبة القرار النهائي ولا لا

إدارة التدريب و الإبتعاث بعد موافقتها (الي هي أهم خطوة) ترسل المعاملة إلى وزارة الخدمة المدنية للعرض على لجنة الإبتعاث وهي صاحبة الكلمة النهائية، لكن موافقتها إن شاء الله ما راح تكون مشكلة بشرط:

• إكتمال الأوراق (النماذج، خطاب ترشيح جهة عملك، خطاب توفر البنود المالية في التعليم العالي، مصادقة القبول، شهادة ب350 في التوفل)
• وصول المعاملة قبل بداية الدراسة بفترة كافية (شهرين)
• تطابق التخصص مع الدراسة.

2- حنا موظفين وزارة الصحة في قرار الابتعاث يكون صادر من وزارة التعليم العالي يعني هل جميع المبتعثين من كافة القطاعات بالنهاية القرار من وزارة التعليم العالي ولا انا كا موظف في وزارة الصحة يكون فقط من وزارة الصحه ووزارة التعليم العالي مالها شغل

قرار إبتعاث أي موظف حكومي يصدر من لجنة الإبتعاث بوزارة الخدمة المدنية، و التعليم العالي مجرد وسيط في الإشراف و الصرف على المبتعث.

3 - برأيك هل تتوقع يمدي تخلص ارواقي بعد العيد مع العلم انه المعهد محدد لي بداية الدراسة 13-12-2010
وحجزت موعد بالسفارة ومقابله

إن شاء الله تلحق تخلص قبل موعد بداية دراستك.

4- في المقابله بالسفاره بروح ومعاي الأي توني واوراقهم الي طلبوها انا مامعي لا قرار ابتعاث ومعي ضمان مالي من ادارة التدريب والابتعاث عطونياه عشان اقدم على الجامعات وقالوا لي هذا مو ضمان نهائي هذا فقط عشان تقدم
للجامعات واللغة هل تتوقع السفاره بتعترف فيه كاخطاب رسمي ولا لازم شي من وزارة التعليم العالي او كيف

ما عندي فكرة عن أنظمة السفارة الأمريكية، لكن على ما أعتقد لازم تجيب ضمان مالي من إدارة التدريب في الوزارة، نفس الي أرسلته للجامعة لكن بدل ما يكون مكتوب فيه لغرض الحصول على قبول، يكون لغرض الحصول على فيزا.

5- معهد كابلن هل سبق ان سمعت فيه كا مستوى ناس تسبه وناس تمدحه وماعرفنا نمسك جاده

والله زيي زيك أسمع عنه و ما أعرفه.

6 - قبولي الي من الجامعه ذكروا انه مبروك قبلناك قبول مشروط في ربيع 2011 في تخصص biological sciences ولما تخلص اللغة ارسله لنا عشان نعطيك القبول النهائي
برايك هل الوزارة راح توافق لانه سمعت من بعض الاخوه انه الوزارة تطلب توضيح للخطه الدراسيه يعني عدد الساعات وكم سنه و و ؟

أتوقع أكيد راح يطلبون منك تفاصيل، فوفر على نفسك وقت وأطلب من الجامعة المعلومات.

هذه اسالتي الي محيرتني اكثر شي مرتبه


واتمنى اجد اجابه شافيه


واعذرني اخي لو اطلت في كلامي وكثرت اسالتي



بارك الله فيك ونفع بك ورزقك ووالديك الجنه وغفر لهما جميعا

خذ راحتك اخوي


لكن ياليت لو تقدر تشرح لي طريقة الحصول على الخطه الدراسيه من موقع الجامعه وجزاك الله خير