استفسار اخترت أيرلندا وماابغى اندم...... نداء الى من لديه خبره وبالاخص أماني حالمه .....

up للرفع up

انتظر الجواب الكافي ^_^

عزيزتي قبول الجامعات في ايرلندا بيعتمد ع اختبار الايلتس
يعني كان معاكي قبول او لا مايفرق.
هما بيحددو وقت للتسجيل وانتي تبعتي اوراقك لمكتب الطلاب الاجانب بالجامعه وهما يردو عليكي بس لازم تصبري شوي لان الرد بيطول
وقبولات الماستر بالجامعات الايرلنديه من 6ونص الي 7
والجامعات الايرلنديه ماهي بداك المستوى زي كندا وامريكا
شروطهم كتيرة وهما ولا شئ
واهم شئ تعدي سنه اللغه وتاخي الايلتس لانو هو مهارة اكتر من اي شئ تاني
واتمنالك التوفيق

 المشاركة الأصلية كتبت بواسطة lamo

عزيزتي قبول الجامعات في ايرلندا بيعتمد ع اختبار الايلتس

مشكوره حبيبتي( لامو) على اجابتك السريعه لي ^_^، وجزاك الله خير على دعواتك ولك مثله ياااارب....
لكن استغربت من جد كيف تكون الجامعات الايرلنديه ماهي بداك المستوى والمملكه تبتعثنا لها...!! انا متأكده ان المملكه والوزاره مارح تخلينا ندرس في جامعات بدول ماهي داك المستوى .....!!!

كيف تكون كذا اجل وهذا الموضوع >>>>>> http://www.mbt3th.us/vb/forum124/thread65621.html

بس كلمتك كبيره لما قلتي انهم ولاشي....!!

واذا كان على اختبار الايلتس هو بس يبغى مننا جد واجتهاد واطلاع كبير وواسع على اللغه..... يعني ماهو مستحيل اننا نجتازه بنسبه كويسه وننقبل بالجامعات....

مرحبا اختي وعذرا على التأخر في الرد.

فعلا الجامعات قليله بس 6 في ايرلندا كلها والتخصصات ايضا قليله والاسوء من هذا كله ان المقاعد محدوده جداً يعني ابداً الدوله مو مهيئه تدرس دفعات كثيره من الطلاب يادوب طلابها

واقولك مثال بسيط معي بـ المدرسه طالبتين يبغون نفس التخصص
(وطبعا هالتخصص مو موجود بجولوي وماعليك من كلام المكاتب اللي تجيب قبولات اللغه لانهم قالو لهم ان تخصصكم متوفر في الجامعه الموجوده بالمنطقه وهو مافيه)..
المهم لقو التخصص بجامعه ucd بدبلن واللي بتساعدهم بالمراسله مع مكتب الطلاب الانترناشيونال بالجامعه قالت مااقدر اطلب مقعدين لنفس التخصص !! ليه لان المقاعد قليل وفيه غيركم كثير من دول مختلفه يبغون نفس التخصص يعني وحده تقدم لها والثانيه ايش تعمل!

فا لو افترضنا جيتي ودرستي وفي بالك ان تخصصك موجودوخذتي راحتك وبعدين قدمتي وجاك الرد ان مالك مكان ابداً وخلي في بالك ان التخصصات قليل يعني مو بكل جامعه راح تلقين التخصص ايش راح تعملي وقتها!

عشان كذا انا قلت انه تضمنين قبولك من بدري افضل وانتي ماراح تخسرين شي ابداً كلها مراسله. بس تكونين على بينه

ولعلمك من جيت الى ايرلندا ولي الان اكثر من 5 اشهر البنات المقدمين على الجامعات ماجتهم ردود الى الان

بالنسبه لي وكثيرين من هم معي تمنينا لو ماكنا اخترنا ايرلندا ابداً.

لكن الحمد لله على كل حـــــال واتمنى لك يا اختي كل التوفيق من رب العالمين ان شاء الله

هلافيــــك اختي اماني حالمه...... جزاك الله خير على ردك........
فعلاً معاناه اذا ماكان فيه مقاعد لنا.....!! الله المستعان... وربي ضاق صدري من جد

وانا فرحانه ان الماستر فيها سنه.. قلت على الاقل اسافر بس سنتين وارجع مابغى اطول في الغربه... ):

طيب انا الى الآن مابعد اعرف الدوله اللي رح ابتعث لها... لسى مابعد تجي اسمائنا في المرحله السادسه... والسفر رح يكون على شهر رجب 1432 يعني بعد سنه تقريباً..
تنصحيني اغير الدول في مرحلة التدقيق... والا اظل على ايرلندا... لاني بصراحه متخوفه جداً من امريكا وكندا مو مرتاحه لهم.. ومرتاحه بس لـ ايرلندا...!
يمكن ان شاء الله احصل لي قبول في جامعات ايرلندا لو كنت لوحدي و مامعي وحده ثانيه... وبحاول اكثر من الاستغفار والدعاء ان اموري تتسهل وانقبل في الجامعه...


سمعت ان فتح القبول للدارسات العليا في جامعات ايرلندا يكون بشهر معين... تقريبا هو على شهر رمضان اذا ماخب ظني..

يعني كيف وش رايك...؟ متى اراسل الجامعات تقريباً بإي شهر عربي...؟؟

تكفين ساعديني ورح ادعي لك من كل قلبي ... مابغى اروح هناك واتوهق بقبول الجامعه... خصوصاً اني مافي تخصص معين في بالي..
عادي ماتفرق معي اي شي يحصل لي رح ادرسه.... اهم حاجه احصل على الماجستير.... مايهمني التخصص اذا كان له مستقبل وظيفي او لا..

بس ابغى اعرف متى ابدأ اراسل الجامعات ....؟؟ واذا تم قبولي وحصلت على قبول هناك هل يتم كنسلت المقعد لاني مارحت ادرس والا كيف..؟؟

طيب اقدر اجيب قبول مشروط واخللي الوزاره تحولني عليه ...؟؟ لما اروح هناك على طول احول على معهد الجامعه..؟؟

عزيزتي انا لمن قلت انها ماهي بداك المستوى انتي حتشوفي بنفسك وحتعرفي.
ولعلمك الدكتور الموسى بنفسه قال احنا غلطان لمن دخلت ايرلندا من بين الخيارات بس الكل يرغبها لانها قريبه
وانا اقول كذا لانو لي 7 شهور هنا وعارفه الجامعات وزرتها وانتي بنفسك حتشوفي
وعموما اتمنالك التوفيق
وزي ماقلتي ميزتها بعض التخصصات سنه بس

مشكوره حبيبتي لامو على هذه المعلومات.... ولو انه ضاق صدري من جد ):

سؤاال اخير اقدر اغير ترتيب البلدان في مرحلة التدقيق؟؟
سمعت انه اقدر اطلب منهم ورقة عشان اغير ترتيب البلدان هل هذا صحيح..؟؟
وهل فيه امل انهم مايبتعثوني على بلد الرغبه الاولى اللي هي اخترتها انا ايرلندا..؟ والا خلاص... طاح الفاس بالراس ):

انا آسفه اذا ضيقت صدرك بس ماكنت اقصد
بس انتي سألتي وانا رديت عليك مو بس عن تجربتي عن اكتر من وحدة معايا
والمفروض الواحد يكون عارف الوضع عشان ماينصدم
بس ايرلندا يبغالها تعب شوي خصوصا اذا لغه ماهي قويه
وتقدري تغيري البلدان في مرحله التدقيق وشئئ سهل
بس بالاول استخيري ماتعرفي وش يصير معاك ممكن تناسبك

ألف شكر عزيزتي...... واسال الله لي ولكم التوفيق في الحياة الدنيا وفي الاخره....