دبلن 1 او 2 او 4 او 8 او14 او 18 ماهي الافضل الامن الفخامة الاسواق الحدائق الترفيه ؟

هذا موقع ممتاز تقدر تختار اي مكان بدبلن
وفيه صور للشقق وموقعها على الخريطة
ويمكن مشاهد كامل الحي والممتلكات الاخرى بجانب الشقة
Daft.ie : Search Rentals
واختار اللي يعجبك ويطيب خاطرك بالتوفيق

شكلك فاهم غلط اخوي الكريم انا ماطلبت موقع لايجار الشقق ..؟؟ انا ابي نصائح وتجارب وخبرات عن مكان السكن واي منطقة افضل في دلبن(1-2-4-6-8-14-16-18)
من حيث تجربة محسوسة لاحد الاخوة والاخوات المبتعثين بشكل شامل من حيث مستوى الامن في المنطقةوالسعر اماكن الترفيه وقربها من السكن المختار الاسواق البقالات والمطاعم الاسلامية(الحلال) و الحدائق والكورنيش او جسور متنفس بحري اي شي , منطقة فخمة , منطقة عادية ..يعني من حيث تجربة اي المناطق افضل اامن افخم اشرح للصدر يعني هيك شي ..على العموم نورت الموضوع والموقع اللي انت حاطة برابط داري عنه من زماااااااااااااان انا مو هذا قصدي وحياك الله .

يوجد خطين للويس(القطار)

احمر
واخضر

بشكل تقريبي
كلما ابتعدت بالخط الاحمر كلما قل الامان وصرت في الاحياء التعبانة
يوجد محطة اسمها هيوستن في الخط الاحمر من بعدها المناطق غير امنة الى منطقة تالا
واذكر واحد اخذ شقة على الخط الاحمر من غرفتين وحمام وكانت نظيفة جدا بـ 800 يورو لكنة لم يسكن فيها سوى 3 ايام وكسر العقد وذهب الى منطقة اخرى
الخط الاخضر كلما ابتعدت كلما زادت الفخامة تقريبا وقل السعر(مقارنة بفخامة السنتر) والطلاب السعوديين غالبا يسكنون في منطقة ساندي فورد او ستيل اورقن(قبلها بمحطة واحدة)
ويوجد كذلك من يسكنون في الداندروم.

اهم شيء الشقة ما تكون اكثر من 10 دقائق مشي الى اللويس
وثاني شيء المشوار من الشقة الى المعهد مو اكثر من 40 دقيقة
يعني اللويس ياخذ 20 دقيقة او 10 دقائق حسب المنطقة وبعدها تمشي الى المعهد مدة 10 الى ربع ساعة
اما اذا كان المعهد بعيد عن خط اللويس الاخضر فالله يعينك انك تاخذ شقة قريبة منة بشكل نسبي.

للمقارنة شقة فخمة في الستي 1600- 1900 يورو غرفتين وحمامين وصالة
شقة فخمة في الساندي فورد 1000- 1200 غرفتين وصالة وحمام او حمامين
شقة نظيفة في الستي 1200 يورو.
اما الساندي فحسب علمي ان كل المباني جديدة ولذلك جميعها تميل للفخامة.

Luas - Interactive Map



العيب الوحيد للويس انة ينتهي الساعة 12 وبعدها اذا تبي مكان لازم تكسي. ولكن خلاص بعد 12 مافية شيء الا السكارى والنايت كلوب وغيرها

اول شي هلا وغلا فيك اخوي القيصر يعجبني فيك انك ماتشيييل بقلبك ههههههه فكرتك شلت علي بموضوع سابق وبطلت ماراح تشارك او ترد على استفساري لكنك طلعت بجد انسان محترم وحلو ان يكون الاختلاف في الراي لايفسد للود قضية ..الشي ثاني مشكور على المشاركة الدسمة والتوضيحات بس عندي اسفسار اخوي ياريت تقول كم ارقام المناطق اللي على الخط الاحمر وارقام المناطق اللي على الخط الاخضر للتوضيح يعني مثلا دبلن 1 تعتبرعلى اي خط ودبلن 2 ودبلن 14 ...الخ ...الشئ الثاني ياريت تشرح لنا منطقة ساندي فورد او ستيل اورقن في اي منطقة بدبلن ؟؟ والداندورم ايضا في اي منطقةوبالنسبة للسكن قريب من حديقة الستيفن قرين في اي منطقة بدبلن ؟؟ ووين تنصح بالسكن يجمع الامان والمنطقة الجميلة من احياء لندن ويكون قريب من اللويس ...معليش تعبناك بس منك نستفيد والله يوفقك بدراستك ان شاء الله .

والله مافية شيء محدد حسب علمي

لانة صاحبي كان على الخط الاحمر في دبلن 12 وكانت سيئة. وتمر على اكثر من منطقة . وموقع الويس الاحمر الاساسي في دبلن 1
والخط الاخضر كذلك يمر اكثر من منطقة لذلك لا اعرف الصراحة بالضبط كل منقطة. موقع الاخضر الاول في دبلن 2

بالنسبة للستيفن قرين هذي اول محطة في اللويس الاخضر.
وبعد 20 دقيقة منطقة الساندي فورد. و15 منطقة دانروم(المطاعم وكل شيء هناك)

يعني لو سكنت الساندي فورد ماتحتاج تروح السنتر عشان المطاعم او السنما لانها موجودة في الداندروم(5 دقائق من الساندي فورد باللويس)

فما فية شيء محدد وما قد جربت الاحمر الا مرات قليلة.

مشكور اخوي القيصر على إثرائك الموضوع ياريت يتفاعل باقي الاخوة من المبتعثين القاطنين بدبلن ويفيدونا بخبراتهم ونسأل الله التوفيق والنجاح لكل المبتعثين السابقين واللاحقين ان شاء الله .

أنا بدبلن 8 شقتي كويسه ونظيفه ونظام فنادق كل شي فيها تلفزيون وصحون وإلخ إلخ
غرفه وحده وصاله وحمام ومخزن 1000 يورو شهريا وأروح للستي مشي بس ياخذ وقت تقريبا ربع ساعه لي 20 دقيقه

نورتي الموضوع اختي ام شوش طيب كيف الامن بدبلن 8 من حيث اقامتك وخبرتك بالمنطقة وايضا شنو الاماكن السياحية القريبة منها والاسواق وخلافه ياريت تفصلين اذا ماعليك كلافة والله يسعد ايامك بهذا الشهر المبارك

الله يعطيكم العافية الموضوع هذا مرررررره مهم الله يسعدكم اخواني واخواتي المبتعثات بايرلندا اررجوكم احنا محتاجين لذي المعلومات اكثرر من اي شي الله يسعدكم آآآآآآمين