استفسار استفسار عن دراسة الطب في ايرلندا .. مسسساعده!!

معلوماتي محدودة عن الموضوع!
لكن الظاهر ان بوابة الدخول للكلية المذكورة هو السنة التحضيرية بمعهد تريلي واعتقد المعهد يطلب منك 4 ونصف آيلتس للقبول لديهم!!
انا أرى ان الحل هو التواصل مع الملحقية لمساعدتك بحجز مقعد بالكليةلك ولو على حسابك مبدأيا وعلى أمل الإلحاق بالبعثة مستقبلا،، أتوقع ان الكلية تحدد مقاعد سنويا لكل دولة ويكون بالإتفاق مع الملحقيات!!!!
وفقك الله بمبتغاك عاجلا غير آجل،، تحياتي.

اول شي السلام عليكم .. شوف يـ خوي .. لو تبغا قبول في الكلية الملكية للجراحين .. لازم تدرس فـ Institute Of Technology Tralee .. والمعهد داا ما يعطيك قبول الا لو عن طريق الملحقية علشان تدخل الكلية الملكية للجراحين .. والملحقية فـ الاساس حجزت 40 مقعد لطلاب الطب في الكلية الملكية .. فـ حاول تكلمهم لو يقدروا يحجزوا لك مقعد .. او اذا احد ما جا .. تأخد مكانه .. دا الترم كان شرط الدخول 4.5 في الايلتس .. الترم الجي يمديك تدخل بس تكون جايب 5 في الايلتس .. يبدأ ف سبتبمر تقريباً .. ان شاء الله اكون جاوبت على تسأولاتك

طيب وش تدرسون في المعهد هذآ …؟

ندرس مادة انجليزي تحت مسمى IELTS .. تحضير واستراتجيات لاختبار الانجليزي .. ومادة انجليزي عامة .. وبايولوجي .. وفيزياء .. وكيمياء .. يعني مواد عامة

عزيزي ماجيك 7 السلام عليكم
توجد شركه بريطانيه ايرلانديه معتمده ومسجله في لندن متخصصه في تحصيل القبولات للراغبين بالدراسه في بريطانيا وايرلاندا وهذه الشركه تعطيك كورس الايلتس مع سنه تحضيريه والتكمله تكون مع كليه الجراحين الملكيه او كليه الطب الملكي وانا خبرتي معهم ممتازه جدا وسمعتهم جيده من خلال ماسمعته من بعض الشباب حاول ان تتصل بيهم وانت ماخسران شي واهم شي هم ماياخذون منك ولا هلله الا ان يصدر الك القبول المشروط (شغل انكليز يعني ) والله سمعت حتى يوفرون السكن واكل حلال توكل على الله واتصل بيهم وعنوانهم هو admissions.office@london.com وانا متاكد بانهم راح يجيبولك القبول المشروط بايام قليله.... جرب معاهم
وربي يوفقك

^

الله يعطيك العافيه ..
لكن غريبه .. اذا الجامعه نفسها تقول مانقدر نعطيك قبول الا عن طريق الوزاره كيف هالشركه تقدر؟!!

السلام عليكم واسعد الله اوقاتك
والله يا اخي انا اخاف بعد ارد بعد اللي سواه معي الادمن سعد البارحه ... سب وشتايم ما انزل الله بها من سلطان
والله يا اخي انا ماداري بسالفه الوزاره والجامعه بس اللي اعرفه بان هذه الشركه متمكنه من ذلك وهذا من تجربه حدثت مع بعض الاصدقاء
مع ذلك يا اخي انت شو اللي راح تخصره اذا بعثت الهم ايميل تطلب منهم معلومات وهم ماراح يطلبون اي تكاليف تدفع مسبقا وشوف اسم الجامعه اللي راح تدرس فيها اذا كانت معتمده ام لا
وربي يوفقك ويوفق كل مبتعث في دراسته ويهون عليه غربته ويرده ربي سالم غانم لاهله
تحياتي

http://www.mbt3th.us/vb/forum124/thread299995.html

http://www.mbt3th.us/vb/forum124/thread299995-39.html

اخوي ماجيك انا بالرويال

ولايوجد اي كليه متعاقده رسميا مع الرويال الا كليه تريلي الي الملحقيه ترسل الطلاب لها.

يعني اذا كليه ثانيه قالت لك ادرس سنه وادخل الرويال. 95% انها نصابه
لكن في كليات تقولك ادرس عندنا مع القدره على التقديم على الرويال في حال انهائك من الكليه عندهم (يعني كأنك تدرس ثانويه اهليه في السعوديه ويقولون لك ترا اذا جبت درجات عاليه في المدرسه والقدرات والتحصيلي تقدر تقدم على كليه الطب بجامعه الملك سعود وجميع الكليات الطبيه) يعني يستغلون كلمه القدره على تقديم والطلاب يحسبون انهم راح يدخلون الطب اذا انتهوا

فأنتبه من هذه الكليات