ايش متطلبات استخراج الفيزا متعددة الدخول (المالتي فيزا ) ضروري ربي يسعدكم

1- نعم الملحقية تعوضكم
٢- نفس مبنى بطاقة الاقامة ٫ المكاتب اللي على جهة اليسار
٣- الاوراق المطلوبة :
صورتين شخصية
ورقة من المعهد موجهة للري انتري فيزا تكون صادرة خلال ٧ ايام لا اكثر
بطاقة الاقامة
مبلغ ٦٠ اذا بتدخل ايرلندا مرة وحدة او ١٠٠ اذا بتدخل اكثر من مرة وهالشي يعتمد على طول مدة الاقامة حقتك حسب البطاقة اللي عندك
تروح البنك وتقولهم ابغى بنك درافت للامجريشن ب ٦٠ او ١٠٠ .. او postal order
مع جوازك

ربي يجزاك الف خير خيتي سمر طيب هل هناك ابلكيشن اعبيه من موقعهم بالنت والا اروح هناك موجود واعبيه يدويا ؟؟؟ وكم يستغرق ذلك لو رحنا لهم بدري على الساعة ثمانية صباحا ؟؟؟ ومشكوره مقدما على سرعة الرد يارب ينور طريقك ويخلي لك زوجك وكل غالي عندك .

ربي يجزاك الف خير خيتي سمر طيب هل هناك ابلكيشن اعبيه من موقعهم بالنت والا اروح هناك موجود واعبيه يدويا ؟؟؟ وهل يلزم الذهاب الي البنك لدفع رسوم الفيزا ام ممكن الدفع عن طريق الليزر كارد عندهم بالمكتب مثل مافعلنا عند دفع رسوم بطاقة الاقامة ؟؟؟ وهل االرسوم تدفع بالبنك كل شيك باسم ؟؟؟ يعني شيك باسمي وشيك باسم زوجتي والا الاثنين سوى ؟؟؟وكم يستغرق ذلك لو رحنا لهم بدري على الساعة ثمانية صباحا ؟؟؟ ومشكوره مقدما على سرعة الرد يارب ينور طريقك ويخلي لك زوجك وكل غالي عندك .

في البداية: أقوم بكتابة هذه النقاط لأنه والله بصراحة تعبت في استخراجها وأريد أوضحها لكم بالذات للي
معه أطفال أعمارهم اقل من خمس سنوات ..

1 - بالنسبة للمرافق فهي سهله .. (جواز السفر + بطاقة دائرة الهجرة (الامقريشن كارد) +
تعبئة النموذج الأخضر + صوره 4*6 حديثه + رسوم الفيزا )

2 - بالنسبة للمبتعث (ورقه من المعهد يذكر في الخطاب فترة بداية ونهاية الدراسة وأسم
البرنامج الدراسي ومن المهم كتابة عبارة Full-time أو تسجيل نسبة حضور الطالب
يجب أن لاتقل نسبة الحضور عن 80% + جواز السفر + بطاقة دائرة الهجرة
(الامقريشن كارد) + تعبئة النموذج الأخضر + صوره 4*6 حديثه + رسوم الفيزا

3 - بالنسبة للطفل وهو الأهم ( شهادة الميلاد (تكون مترجمة) + ورقه من العيادة اللي يراجع
فيها انه مسجل لديهم وكذلك التختيم على الصور من الخلف + جواز السفر + تعبئة
النموذج الأخضر + صوره 4*6 حديثه + رسوم الفيزا )


ملاحظة (1) (بالنسبة للصورة .. تكون جديدة لأنهم ما قبلو الصور القديمة مني وتصورنا من
جديد وهي جنب المقريشن يعني أول ما تخرج من المقريشن تلف يسار تحصل
كافي فيه تصوير سريع عنده )

ملاحظه (2) (بالنسبة للسداد الرسوم .. تروح ( Post Office ) اللي في اوكانل استريت وتتجه
مكتب رقم 7 إلي 16 وتقله ابغى ( Bank draft ) وهي رسوم الفيزا .. الشخص
الواحد 100 يورو + 2,70 المجموع = 102,70)

ملاحظة (3) هناك نوع أخر وهي فيزا عادية تسمي فيزا (مفرد Single) لدخول إلى الأراضي
الايرلندية وفترة صلاحيتها 90 يوم من تاريخ إصدارها وقيمتها 60 يورو .
وطريقة استخراجها نفس الطريقة السابقة مع اختيار الفيزا (مفرد Single)
ودفع الرسوم الخاص بهذا النوع .

ملاحظة (4) لابد من تعبية الابلكيشن لكل شخص وهوه موجود على الشباك .

مثل ماذكر اخوي الطيف .. الابلكيشن تروح تاخذه من هناك بيكون محطوط على كل مكتب .. بس لازم اول ماتدخل تاخذ وتعبيه عشان مايوصل رقمك الا انت اكيد خالص
ماتقدر تدفع بالليزر ولا كاش .. اما من البنك بنك درافت (وليس شيك) او من مكتب البوست بوستال اورد .. وكل واحد فيكم لحاله
وكل مارحتو بدري افضل لان فيه ايام ماتجي ١٠ الصبح الا الارقام خلصت من الزحمة ..

هذا هو الفورم : http://www.inis.gov.ie/en/INIS/Visa%...Form120711.pdf
بس عشان تعرف وش الاوراق المطلوبة كلها وايضا شكل الفورم اللي مفروض تعبيه

مشكور اخوي الطيف على توضيحك والشكر ايضا للاخت سمر ...المشكلة اني اليوم الصباح طلبت من الموظفة المختصة بالمعهد لخطاب موجه للانتري فيزا لي ولزوجتي اتفاجئ بطلب غريب اول مره اسمع فيه ..وهو اني احد تاريخ مغادرتي ايرلندا ورجوعي اليها كما مكتوب في حجز التذاكر !!!! اقولها اول مره اسمع كذا ؟؟؟قالت لازم والامقريشن يطابقون التذكره تاريخ الذهاب وتاريخ العودة !!!كيف يعني ؟؟طيب انا مدري متى اسافر ولا كم مره اسافر خلال مدة اقامتي بايرلندا يعني مثلا هذا الشهر اروح لندن بعده مثلا اروح اسبانيا بعده اروح السعودية !كيف تطلب مني احد تاريخ الذهاب والعودة ماني عارف ، مدري هالمعهد متعقد والا الموظفه غبية مع انو اتصلت على المدير يمي وقال نفس الكلام لازم نحدد في الخطاب موعد الذهاب والعودة بالتيكت ،عجزنا نفهمها ورتنا فورم الخطاب اللي بتعطينا اياه ومكتوب في تاريخ الذهاب وتاريخ العودة لازم ،بصراحة لحست عقلي بكلامها مدري شسوي يعني اروح احجز تيكت واجي اخذ خطاب والامقريشن يطابقون التاريخ احس خربايط من المعهد هذي محد قال ان الخطاب لازم يكتبون فيه كذا ...فقط نسبة الحضور ومدة الدراسة والعنوان ...المهم نطلب رايكم وشوركم في ماقالت الموظفة تبع المعهد وش الحل ؟؟؟
ملاحظة انا وزوجتي ندرس في معهد انترناشونيال هاوس .

وين الردود شباب وصبايا وش اسوي مع هالمعهد وهذي الموظفه تقول لازم تحدد بالخطاب تاريخ خروجك من ايرلندا وعودتك (تقصد اقرب رحلة بتروح فيها بره ايرلندا ) معقولة هذا الطلب مامره سمعت فيه في الخطابات الموجهه الى الري انتري فيزا !! احد مر علي هذا الطلب في معاهد اخرى ؟؟؟؟؟؟؟

اخوي مدرريدي بالنسبة لخطاب المعهد يكون التوضيح فيه نسبة الحضور والغياب وفترة الدراسة في المعهد ...
اما بالنسبة لتحديد موعد الذهاااب والعوودة هذي اول مرة اسمع فيها ...
من رأي ان تكلم المشرف الدراسي الدكتور / محمد ضياء وتوضح له كل التفاصيل ليتمكن من الاتصال بالمعهد الخاص بك ..
واذا الشغله معقده مررره شفلك قبول في معهد اخر لانهم بالاخير هم الخسرانين مو انت .. ومالك ومال وجع الراس بصراحه كل معهد هنا على كيفهم حتى في
البطاقه حق الاقامة بعضهم 3 اشهر وبعضهم 6 اشهر وبعضهم سنه ..
وفي الاخير الله يعينك وييسر لك امورك ..

ربي يخليك اخوي الطيف . والله بجد شي يقهر المشكله انو بالمعهد نفسه سألنا اكثر من طالب وطالبة بعضهم اخذ خطاب بدون تحديد تواريخ لذهاب او عودة والبعض يقول الموظفه اصرت على ذلك ماادري كيف هالمعهد يعني ناس وناس ؟؟؟ المعهد حلو من حيث الدراسة على الاقل خلال المدة القصيرة اللي درسنا فيه لحد الآن ...وتأقلمنا عليه من حيث الموقع والدراسة وموقع شقتنا والاجواء بس البلى في هالقوانين المتخلفة تبع هذا المعهد ومن اقول حق طالب في معهد ثاني عن مسألة التواريخ يستغرب مثلك اخوي الطيف ويقول اول مره اسمع عن هذا الشرط يعني في ايرلندا عشراااااات المعاهد كلهم مايشترطون هذا الشرط من وين جاب معهد انترناشونال هاوس هذا الشرط الله اعلم . الشكوى لله اذا رفضوا يانستنى لمن نحجز تذكره او نكلم المشرف محمد ضياء .