استفسار Colorado State University؟؟؟

الجامعة في مدينة تبعد على بعد ساعة تقريبا من دنفر اسمها فورت كولنز

أنا عشت فيها خمس سنوات تقريبا أروع وأحلى وأرخص وأأمن من دنفر كثير

اتوكلي على الله وروحيها وحتدعيلي إن شاء الله

انا إن شاء الله بروح لجامعة كولورادو ستيت في اغسطس هذي السنة وعندي كم سؤال

1- هم طلبو مني اني اجيب شهادة تثبت اني تطعمت ضد مرض ابوكعب والحصبة والحصبة الالمانية كيف اجيبها ؟
2- انا بروح ان شاء الله قبل الدراسة بأسبوع ...هل يخلوني اسكن بالسكن الجامعي وانا لسا ما بديت؟
3- هل في عوائل قريبة من الجامعة؟


مع الاعتذار لصاحبة الموضوع .......

الله يعطيك العااااااااااافـيـه يا "" abuhammad "" صرحة فرحتني انك جلست فيها خمسة سنوات ماشاءالله تبارك الله

يعني خلاص من اهل البلد خخخخخخخخ ,,,

وخد راحتك يا "" Eng- Ahmad "" برضو اسئلتك مهمة بالنسبه لي دام عن الجامعة نفسها

لانو نفسي الاقي سكن مريح لي وللمرافق وسعـرهـ مناسب للمكافئه <<< دا كان معاناتي اول ما طبيييت على دنفر وسرت بسه متنقله بس

الحمدلله ربي سهلها

طيب ,,,,

المعهد اللي انا فيه دحين يقولو بإمكاني اكمل البرنامج بدون توفل ولي الاحقيه في حجز مقعد اكثر من غيري لو انهم درسو اللغه في معهد غيرهـ

* هل جامعة Colorado State University فيها معهد تابع لها وبنفس النظام دا ؟؟

الله يوفقكم

ما عندي ملعوامت عن هالجامعه

أنا بالنسبة لي مادرست في هذي الجامعة أنا الآن في جامعة ثانية في بنسلفانيا

بس من موقعهم لقيت هذا الفورم
http://hartshorn.colostate.edu/pdfs/codptcer.pdf

بإمكانك تعبيه عند أي مستشفى وتصدقه

أو فيه فورم ثاني انك تشهد إنك تتطعمت ، لاتشيل همه كثير يعني مره اذا اتورطت وصلت هناك وماقدرت تجيب الشهادة فيه عندهم طريقة انك توقع انك ماتاخذ هذا التطعيم لاعتبارات دينية مشي حالك بيه ماتفرق

بالنسبة للسكن قدم من بدري لأن عادة في قائمة انتظار وطبعا لازم تكون مقبول في الجامعة عشان يخلوك تسكن

أما بالنسبة للعوائل أبشرك فيه عوائل سعودية كثير في المدينة والمدينة اللي جمبها دنفر نصها عرب

وفيها مسجد ومركز اسلامي وعرب كثير المدينة وفيها لحمة حلال وكل شيء لا تشيل هم

ايوه عندهم معهد لغة تابع للجامعة وهذا موقعهم Colorado State University Intensive English Program Home Page

وعندهم نفس النظام حق اعنماد برنامج اللغة مكان التوفل بالنسبة للطلاب اللي عندهم قبول مشروط من الجامعة

الجامعة تعطي قبول مشروط وهذي ميزة

الله يجعلها في موازين حسناتك يا "" abuhammad "" قووول ,,,, آآآآآآآآآميييييييييييييييييين

طيب ,,,
في حال انا ابغا انقل من معهدي spring اللي في University of Denver لمعهد Colorado State University

هل فيها تعقيدات مسألة النقل دي؟؟ خاصة انو لسا في بداية دراستي لـ اللغه ما عديت اي مستوى حتى ,,


و ايش الاجراءات اللي ممكن اسويها انا والمرافق عشان ننقل ؟؟

وهل عادي لو انا نقلت المدينه التانيه " فورت كولنز " وهوا كمل في " دنفر " ؟؟ <<< جابت العيد

والله يعطي العافيه اللي ساعد واللي حب يساعد وماعندو خلفيه عن الموضوع

آمييييييييييييييييييييين تسلمي

انتي دحين هناك ولا لسه؟ إذا لسه ماوصلتي أمريكا سهله
قدمي على المعهد اللي في فورت كولينز وأعطيه للملحقية لما توصلي واذا قدرتي تنسقي مع الوزارة من بدري أحسن برضه

أما اذا كنتي في أمريكا ارسلي لمشرفك الدراسي القبول الجديد وهو يعطيكي بقية الإجراءات اللازمة


بالنسبة لأخوكي في دنفر وانتي في فورت كولنز ممكن بس تعب شويه المسافة بين الجامعتين تقريبا ساعة بالسيارة

يعني يبغالكم تجيبوا سيارة من بدري والله يعينكم على البنزين أو الباصات

بس عموما فورت كولنز أحسن وأحلى وأرخص من دنفر فأنصحكم تحولوا الإثنين على فورت كولنز

أرفع راسك انت سعودي