استفسار سؤال لم اجد له جواب لا بوزارة التعليم العالي ولا بالملحقية السعودية ؟؟

عليكم السلام اهلا اخي و انا ترا في نورث كارولينا لذلك اتمنى افيدك

السؤال: هل هذا يعني انه اي معهد لغة تابع لجامعة موصى بها بموقع الوزراة يعتبر معتمد؟؟

الي اعرفه انه قوانين الالتحاق بالبعثة (المثبتة)، يعني مب قالي فلان او علان .

هو وجود قبول من جامعة موصى بها كشيئ اساسي.

مسألة وجود معهد تابع لجامعة موصى بها (يعني لو انهيته تضمن دخولك للجامعة) هذا ما عندي علم عنه للاسف، لكن اعتقد تندرج تحت قائمة (عدم وجود قبول جامعة).

انا اعرف ناس شخصيا اتوا فقط بقبول المعهد بعدين جابوا قبول الجامعة و انضموا. لكن كونه ينضم للبعثة و وجود قبول معهد فقط فلا شك عن طريق الواسطة.

افضـل حل لك ـآخوي انك ترـآسل الاستـآذ طارق الشيخ

انا ماعرفت الجامعات المعتمدة بتخصصي الا لما راسلته

تساله عن الجامعات المعترف فيها لتخصصك واي جامعة معهدها معتمد من الجامعات المعتمدة

لان فيه بعض الجامعات فيها تخصصك ومعترفة من الملحقية ولكن غير معترف فيها لتخصصك انت
مثلا انا لقيت تخصصي اللي ابيه في جامعات كثييييير
وراسلتهم ودفعت رسوم الابليكيشن
بس لما راسلته .. ارسلي بس حول 30 جامعة هي المعترف فيها لتخصصي والباقية لا

فـآنتبه لهالنقطة وهو الوحيد اللي بيوجهك وتجيب قبول وانت مرتاح
وهذا ايميــله
teltayeb#sacm.org

وارسل له مرتين او ثلاثة لاترسل مرة وحدة

بالتوفيق اخوي والله ييسرلك وييسرلنــآ يــآرب..

افضـل حل لك ـآخوي انك ترـآسل الاستـآذ طارق الشيخ

شكرا لك اختي Per T مع الاسف سويت نفس الشي الي قلتيه ورسلت له والله اكثر من ثلاث مرات على الايميل قلت يمكن مشغول والي صدمني انه ماجاني رد من طارق الشيخ

ولما فكرت اتصل تلفون على الملحقية هو أول شخص كلمتة وحولني على شخص ثاني وقال لي ماعندي خبر ؟؟؟؟؟؟؟؟؟؟؟


عشان كذا انا عجزت ألاقي جواب


شكرا لك اخي Sheva Goal بس انا لقيت معهد اللغة لجامعة UNC Charlotte في قائمة صادرة من الملحقية وكان المعهد موقف بسبب التكدس ولو تبي تخدمني اكثر ممكن تسأل مشرفك بالولاية وترد لي خبر بهالخصوص

واكون شاكر لك اكثر لو تسال بعد عن معهد اللغة الخاص بجامعة QUEENS UNIVERSITY OF CHARLOTTE هل معتمد لدى الملحقية او لا ؟؟؟

ملحقية واشنطن للاسف اسوأ ملحقيه

ودي افيدك بس ماعندي علم

شف اخوي غالبا اذا صارت الجامعة معترف فيها معناته معهدها معترف فيه ايضا ،،
ممكن بعد تتأكد من القائمة هذي من موقع الملحقيه .. حملها وشوف معاهدك موجوده ولا لا ،،
مراكز تعليم اللغة الانجليزية
بس تراها من عام ٢٠٠٥ وماحدثوها للأسف ،، لكن ممكن تجاوب على استفساراتك
وعلى فكره انا درست في معهد تابع لجامعه كاليفورنيا ستيت يونيفرستي- ساكرمنتو ،، و مالقيته بالقائمة هذي لكنه معترف فيه ،،

بالتوفيق

أنا قريت الموضوع وما أدري أنا فهمت عليك زين
لكن السؤال المهم الحين
مين جاب لك القبول؟
وهل القبول مختوم من الوزارة أو لا؟
جرب تطلع قرار ابتعاث بالمعهد الموقف اللي إنت نفسك فيه
ولا تجيب طاري شيء قدامهم
لو مشى الوضع خلاص ارتاح
لو ما مشى بعدين دور اقلق ودور حل ثاني
بس وضعك إنت أسهل ..لأن جامعتك شارطة عليك يكون معهد تبع جامعه
الله يسهل امرك

المعاهد المتكدسه
Saturated

شكرا لك اختي Alina

مين جاب لك القبول؟

انا راسلت بنفسي احد المعاهد ورد عليه معهد وارسلت له الاوراق كلها وقال لي بخلال اسبوعين بالكثير يكون عندك نموذج I-20

وهل القبول مختوم من الوزارة أو لا؟

لحد الحين ماجاني القبول


لكن اختي انا قاعد اراسل وما ابي اخسر مبلغ وبالاخير يكون المعهد موقف اوغير معترف فية وانا بصراحة حاب تكون سنة اللغة في واحده من الثلاث المدن الي ذكرتها والجامعات الي ذكرتها فوق هيا الوحيدة الي فيها تخصصي..


شكرا اخي Streetwalker

شكلي بالاخير بفيز ع المعهد الي راسلته اذا وصل القبول مادام اني مالقيت منهم جواب شافي

الله يعين بس الشكوى لله فيه ناس مخلصة وفيه ناس اهم شي عندها بس توصل المناصب وماتدري اش قد يعاني الطالب على موضوع ابسط من البسيط مافي اصلا خطوط واضحة يمشون عليها عشان كذا فيه عشوائية في كل شي عندنا