استفسار سؤال للي مجرب WES ومرسلهم شهاداته

أتمنى تلقى اجابه وافيه من اهل الخبره,لاني أنتظر نفس الاجابه تقريبا

تقبل مروري..

السلام عليكم ورحمة ألله وبركاته
حتى انا طلبوا مني معادلة الشهادة و ارسلت الابليكيشين للجامعة عشان لازم تتوقع من عندهم بس مستنية للسبت عشان عندهم إجازة خميس و جمعة بس وانا عندي ظروف مختومة من نفس الجامعة فيها كشف الدرجات بس يصير لمن يرسلولي الابليكيشين بس ارسلها من هنا
واذا احد عنده راي افضل ياريت يفيدنا *

بالتوفيق لكم جميعا أولا .
أنا مبتعث في أمريكا ، وأرسلت لهم الأوراق من هنا من أورلاندو إلى مقر شركتهم في نيويورك . وعملوا لي المعادلة وأرسلوا لي الأوراق وكله في السليم . أهم شيء تكون الشهادات مختومة على إنها نسخة طبق الأصل ويكون كشف الدرجات أصلي وتكون الشهادة وكشف الدرجات في ظرف مقفل ومختوم من برا بختم المعهد أو الجامعة اللي إنت منها . أنا عن نفسي أخذت خمس نسخ من جامعة الملك عبدالعزيز ، النسخة بعشرة ريال وهم يعطونك كشف درجات أصلي ويصورون لك الشهادة حقت الجامعة ويختمونها لك بأنها طبق الأصل ويحطونها في ظرف ويقفلونه ويختمونه من برا . كيف طريقة معهد الإدارة معكم ما أدري عنها الحقيقة لكن الأكيد إنه في آلية للموضوع هذا بس يبغالك تروح للمعهد وتسأل .
يعني خلاصة الكلام مو لازم من نفس المؤسسة التعليمية اللي إنت منها لكن لازم تكون مقفلة ومختومة . وبالتوفيق لكم .

السلام عليكم
اخوي MAN9 طيب في ابلكيشين request for academic records يطلبوا مننا نعبيه من نفس الجامعة والا مو لازم ارسل دا الابلكيشين لجامعتي مادام عندي الظرف المختوم و المقفل فيه كشف الدرجات مختوم بختم طبق الاصل وكمان صورة من الشهادة مختومة بختم طبق الاصل بس ممكن سؤال لازم ارسلهم كشف الدرجات الاصلي
معليش على الأسئلة الكثيرة

من واقع تجربة مررريت فيهـآ لآزم لآزم سجلك الأكاديمي يكون في ظرف من الجهه اللي متخرج منها وتكون مقفله مختومة

لأن أنا كنت نفس الحال بس ارسلتها وهي مي مختومه وقالوا السجل الآكاديمي ما أستلمناه

أتمنى ـآ أكون أفدتكـ

ودي

يعطيكم العافية جميعا على ردودكم والف شكر. بس المشكله يا اخوان اني حاليا في كندا !!! الشهادات معي ومختمه وكل شي بس كيف الحل مع قصة الظرف المختوم ؟؟ اي اقتراحات ؟؟

ما تعبون أي شيء من قبل الجامعة .. تدخلين على WES على موقعهم على النت وتفتحين حساب وتطلبين نوع المعادلة اللي تبغينه وتدفعين الفلوس وترسلين الظرف . إن شاء الله طالما إنه الكشف مختوم بطبق الأصل فإنهم يقبلونه لكن إن كنتي في السعودية والجامعة حولك فإنقزي لها مشوار في ساعة وخليك في السليم . بالتوفيق لكم جميعا .

اللي سويته التالي
1-فتح حساب على الموقع
2- نسخة مصدقة من الشهادة و السجل الاكاديمي
3- وضع الاوراق في ظرف رسمي تابع للجامعة و الختم من الخلف
4- ارسلت الاوراق عن طريق ال دي اتش ال و في خانة عنوان المرسل وضعت عنوان الجامعة الموجود على الظرف

و مشت الامور

و نصيحة لألي ما بعد سافروا

خذوا اكثر من نسخة من السجل الاكاديمي و نسخ مصدقة من الشهادة و حطوها في ظروف و اختموها قبل تسافرون الاحتياط

لو تقدر ارسلها لاحد من اهلك يختمها لك و يرسلها من هنا