استفسار ترجمة الشهادة و تصديقها

انا مترجم شهادتي للمرة الثانية بعد ماضاعت الاولى بوزارة التربية والتعليم ومجانا لاكن التصديق من السفارة السعودية في البلد الي بتسافرلها وهذا الكلام قالوه لي الموظفين بعد مارفضوا التصديق لمن رحت اصدق شهادتي من وزارة الخارجية لأن المرة الاولى مصدقها من عندهم لاكن كانت عندي نسخ قديمة مصدقة حافظها بجهازي وهي الي فادتني وكانت عندي مقابلة بالسفارة وحتجت للأصلية عشان كيذا طلعته من جديد ومشت بالمقابلة وماسألوني عن التصديق لأن ختم الوزارة يكفي على ما اعتقد والله يعينك على هالنظام الجديد الغبي جدا يعني الواحد لمن يبي يصادق شهادته لازم يرسلها للسفارة وينتظرها لمن توصل وانتظر متى توصلك بعد وبعدين يرجع يرسلها للجامعات ويستنى القبول يعني مشوار مال امه داعي صراحة تخبط كبير ما ادري شالحكمة من ذلك يعني مايصير التصديق عندنا هنا ويكون عندهم هناك في نفس الوقت يعني لازم ياهنا اوهناك مايصير الاثنين مع بعض لازم يكون الاختيار مفتوح للي يبي يصادق هنا او يصادق هناك كيفه هو حر
بس ماقول الا الله يعينك هذا كل الي اعرفه واتمنى اني افدتك بالتوفيق.
ملاحظة: انا سويت للشهادة سكان وباقي الاوراق وقدمت على الجامعة والحمدالله جاني القبول وبالتوفيق.

اخوي اسمع الكلام الوكاد اللي يجمد على الشارب..<< اخسس يبو الشوارب انت خخخخخخخخخخ

تاخذ معك شهادتك اللي تبي تترجمها( صوره مب لازم الاصل ) +الجواز مع صوره وتروح طال عمرك لفرع وزراة التعليم اللي بالعدامه بالدمام..وتقولهم ابي اترجمها بياخذمنك الاوراق
بعدين يقولك تعال بكرى او على حسب الزحمه..اذا اختها صور كم ورقه ورح لمبنى جمبهم وخل يختم لك على الاوراق وبسسسسس..

بالنسبه للتصديق..ما عليك من يقولك لازم تصديق وماادري ايش..اصلا ختم الوزاره مترجم انقليزي..بس ممكن بعض الجامعات يقولون لازم تصدقها من السفاره..هذي اذا رحت هناك ان شاالله
تمر السفاره وتختمه..لاكن التقديم يكفي ختم الوزاره..

( هذا كله عن تجربه الاسبوع اللي راح..يعني مب يقولون )..دعواتك لنا ان الله ييسر البعثه..

مووفق,,,

والله انك حبيبي

الله يوفقك في الدنيا و الأخره

انت ماتدري قد ايش أنا الحين مرتاح بفضل الله ثم عليك

مشكور حبيبي والله يوفقك في دراستك بره

طيب وانا يعني مالي دعوة حلوة كيذا ولا انا ولد البطة السوداء.

ابد يالغالي ما سوينا شي ومستحيل ابخل بشي على اخواني وانا اعرفه..ودعوه منك بظهر الغيب تسوى الدنيا..

مووفق,,,

يابعدي انت.. اعذر الرجال من الفرحه ماشاف ردك..

مووفق,,,

لا ولو معذور بس كانت مجرد مداعبة لاأقل ولاأكثر اصلا متأكد انه دعالي بقلبه مولازم يكتب.