استفسار المده بين انتهاء اللغه وبدايه الجامعة وش أسوي فيها ؟

بعد الـ 25/9/2013 راح يكون فيه عطلتين .. عطلة الكريسميس وتبتدي من 25/12/2013 وعطلة راس السنه وتبتدي من 1/1/2014

غير عطلة الجامعات الرسميه اللي راح تبتدي من اواخر شهر 11 ..

يعني انتي بيكون عندك شهرين وزياده قبل تبتدي عطلة الكريسميس الرسميه للجامعات ..

بمعنى ثاني انتي راح يكون عندك عطله من تاريخ 25/9/2013 لحتى تاريخ 15/1/2014 (تاريخ بداية السبرينج 2014) ..
وهذا راح يكون ثلاث شهور بدون ماتسوين شي !

انا ماراح اقولك فكري بالملحقيه .. انا اقولك فكري بادارة الهجره .. اسألي المعهد اللي انتي فيه وشوفي ايش راح يقولون لك ..
اذا كانت الفتره اللي بتقعدينها لحتى بداية السبرينج مسموحه لك .. فبالتالي امورك تمام ..
اما اذا كانت الفتره ماهي مسموحه لك .. فبالتالي راح تضطرين تسافرين السعوديه وترجعين وقت الدراسه !
بالايتوني حق الجامعه .. ولا يحتاج تفيزين ولا شي اذا نقلوا السييفز حق المعهد الى الجامعه !

واما الملحقيه .. فعلى المزاج .. احيانا يجي هولد واحيانا تمشي امورك .. حسب المشرف اللي عليك ...
لكن بالنظام يعطونك هولد لحتى تبتدي الدراسه .. بس لو ماعطوك هولد المشرف حقك بيكون ابن حلال !


هذي نقطه ..
النقطه الثانيه في شهر 12 ماراح يمديك تسوين شي ... اولا ثلوج .. ثانيا من قبل بداية الكريسميس باسبوع الناس تعطل !
ولا تفتح الا بعد راس السنه !
فيعني لازم تخلصين امورك في شهر 10 وشهر 11 ... او تخلصينها بعد راس السنه !

عليكم السلام ورحمه الله وبركاته ،.

يعتمد جواب سؤالك حسب وضعك مع اللغة ، وكذلك تخطيطك للدراسة بالجامعة.

فمن ناحية وضعك مع اللغة ، إذا ترين أنك في حاجة إلى المزيد من تعلم اللغة ، فمن الأفضل أن تقومي بتمديد دراستك للغة حتى موعد انتقالك للجامعة ، ويمكنك الدراسة إلى نهاية فصل الخريف أو أخذ اجازة الانتقال (60 يوم) قبل تاريخ الدراسة الفعلي بالجامعة وذلك لترتيب أمور نقلك إن لزم الأمر ، وكذلك اجراءات التحويل من طالب لغة إلى جامعة مع الملحقية ، وخصوصا الانتقال من اقليم لإقليم أخر يأخذ وقتا.

أما من ناحية تخطيطك للدراسة بالجامعة ، فبعض الطلاب يحتاجون إلى زيادة تاريخ بعثاتهم ، فإن ترين أن تخرجك من الجامعة يأخذ وقتا أطول من تاريخ بعثتك الحالي ، فأنا أنصحك بتأجيل دراستك إلى بداية فصل الربيع القادم ، ثم إضافة مدة التأجيل إلى تاريخ بعثتك.

الخيارات مفتوحة أمامك ، قومي فقط بترتيب أولوياتك وسوف تجدين الجواب بنفسك.

بالتوفيق ،.

أخوكم
بــن نيـــاز

انا عندي نفس الوضع لكن الفرق اني بتنتهي فترة اللغه في تاريخ ٣ يناير ٢٠١٤ وقبولي في مارش وخايفه يقطعون عني الراتب بتكون ثلاث شهور تقريبا

من ناحية ثانيه انا فترة اللغه عندي سنتين واستخدمت منها بس سنة ونص وش رايكم هل اطلب تمديد ومتى اطلبه ؟


شورو علي وش الحل المناسب لمثل وضعي

أوك .. اللي فوقي جاوبو عليك ,,,
بخصوص الراتب ينقطع أو لا .. انتي من حقك تطلبين تمديد للغة ... اعملي هالشي حتى لو ماراح تدرسين اللغة , انتي قبل يومين كنتي تفكرين بالمكافأة حقت التمديد ... أنا بنصحك في شي
لما تطلبين تمديد لغة 6 شهور راح يكون في رصيدك زيادة 6 شهور ولو مادرستينها للغة راح يتحول هذا الرصيد للفترة الجامعية ... فاهمة علي ؟
يعني 6 شهور زيادة بعثة افضل من مكافأة 1400 دولار لمرة واحدة !!!

بعد ماتطلبين التمديد ويقبلونه ..... راح ينزل في رصيدك مدة 6 شهور
بعدها بتواجهين مشكلة الهولد راح يوقفون الصرف بعد انتهاء الفترة الحالية للغة حتى لو كان عندك التمديد .... ليش يوقفونه ؟؟؟ لأن يبون منك جدول مواد دراسي عشان يشغلون لك التمديد اللي هو 6 شهور ,,,
بعد الهولد تروحين البوابة وتحولين بعثتك من لغة الى جامعة .... وتصورين شاشة الكمبيوتر عليه جدول المواد اللي سجلتينهم بالجامعة وترفقينه للمشرف وتروحين تعملين اعادة صرف وتحطين الجدول بعد ... والجدول طبعا للفصل اللي قدام يعني السيبرنق وهذا شي عادي مش لازم يكون جدول للفصل الدراسي في تاريخ اليوم تدرسينه .... وهنا المشكلة الثانية انك تبع الجامعة متى راح تسجلين كلاسات ؟؟؟ احيانا يكون في يوم الاورنتيشن يعني في فصل الربيع نفسه !!
واحيانا تسجلينهم من البيت اذا مسوية لك حساب طالب بموقع الجامعة ومخلصة امورك ... قد ما اسرعتي وسجلتين كلاسات وارسلتينهم للملحقية راح يرجع لك اعادة الصرف وتنزل لك الرواتب ...وبنفس الوقت لو نزل الراتب فأنتي مش خاسرة كثير لأن الراتب حيكون خسارة من مدة التمديد يعني المدة الجامعية الاساسية مش متضررة

كلامي طويل لكن هذي الحركة تمشي معاكم لكن هل انتي قادرة ان تسوين هالشي ؟؟؟؟
اذا ماففهمتين شي من كلامي وهذا اللي اتوقعه قولي لي ......