استفسار الانتقال من دوله الى دوله اخرى

طيب انا لدي استفسار فيما يتعلق بالنقل من ولاية لاخرى هل ذلك مسموح؟ اي دراسة اللغة تكون في ولاية (ساحاول البحث عن معهد تابع للجامعة الموجودة في هذه الولاية)ومن بعد انتهائي من معهد اللغة وتحقيقي لمتطلبات الجامعة اللتي اريد حينها اتقدم بارسال اوراقي للجامعه التي ستكون في ولاية اخرى مختلفة تماما ...هل هذا التصرف ممكن ؟؟؟واذا لم يكن ممكن مالحل السليم؟هل هناك مرونه في الانتقال من ولاية لاخرى في امريكا ام ان الملحقية لاتوافق بسهوله وستجبرني على اكمال دراستي في نفس الولاية اللتي درست فيها سنة اللغة؟؟

هو عادي بإمكانك النقل لأي ولايه تبين ..
لكن المشكله أن الملحقيه صارت متشدده في هالنقطه لكثرة النقل بدون سبب !

واصبح النقل لابد أن يكون داخل الإقليم نفسه ! يعني ماتنقلين من اقليم الى اقليم .. لانه سيتم الرفض لو كان الاقليم مختلف ! (فقط في المعاهد) ..

قبل ثلاث سنوات تقريبا .. اذكر أن مسألة النقل كانت سهله جدا ..
وكان طلاب اللغه ينقلون من ولايه الى اخرى في اقليم مختلف .. وثم يرجعون بعد الانتهاء من اللغه الى نفس الاقليم السابق او احيانا ينتقلون الى اقليم جديد !

هذي الامور اذكرها كانت موجوده واعرف اشخاص كثيرين معرفه تامه عملوا هالامور في تلك الفتره ..
لان الملحقيه اول كانت متساهله بالنقل .. وحتى ايضا كانت متساهله بتغيير المعهد اكثر من مره !
لكن الآن تغير هذا كله .. لان الطلاب اخذوها لعبه .. الطالب صار يتنقل من الولايات لانه بس طفش من الولايه ؟! ماخذها استجمام مو دراسه
لذلك هذي الفئه ... خلت الملحقيه تغير رايها بسالفة النقل .. وصار النقل لطلاب اللغه مسموح فقط داخل الاقليم نفسه .. وخارج الاقليم يسمح اذا كان عندك اما قبول مشروط او نهائي ! اما لو كان عندك مجرد قبول لغه ماراح ينقلونك للاقليم الاخر !
ويسمح بالنقل مره واحده لكل مرحله ... يعني بإمكان طالب اللغه أن ينقل او يغير معهده مره واحده .. والطالب الاكاديمي يمكنه تغيير الجامعه لاي ولايه مره واحده فقط ! ..
لان النقل من اقليم الى اقليم يحتاج تحويل اوراق الطالب من الاقليم الى اخر .. وهذي اجرائاتها طويله عند الملحقيه ....

أتمنى أن الفكره اتضحت ..

الله يعطيك العافية بس انت لخبطتني الله يرضى عليك ههههههه...بس من ناحية ان الطلاب يلعبون صح معاها حق الملحقية لكن انا عذري ان المعهد متكدس تبع الجامعه الللي ابغاها الا اذا راح توافق الملحقية انضم له والسبب الثاني ان الجامعه هذي لاتوفر قبول مشروط بل على الطالب تحقيق كامل متطلباتها ففكرت اني ادرس في معهد تبع ولاية مختلفة تماما مثلا كاليفورنيا ومن بعد الانتهاء من سنة اللغة ادرس في جامعة انديانا بلومنغتون وهي الجامعة اللي ابغااااها ومررررة تعلقت فيها صراحة...فما ادري هل ارسل شخص معين هناك في النادي لان لدي ايميلات نادي الطلبة السعوديين تبع الجامعة (جامعة انديانا بلومنغتون) وراسلت شخص امس تقريبا ولم يصلني رد الى الان..مارايك؟؟؟

ماعندك مشكلة اذا كان قبولك صريح والجامعة ماعليها اي مشاكل ،، ولكن نصيحة نشوفين معهد جامعة يدخلك البرنامج وخلال دراستك في المعهد اختبري توفل وايلتس واذا جبتي درجة كويسة فقدمي على جامعات اخرى ولكن عالاقل تضمنين مكان لأن القبولات صارت صعبة الان .. الله يوفقك وييسر أمورك..

أسف اني لخبطتك .. بس حبيت اعطيك الصوره كامله حتى تكونين على بينه بالامور ..

مسألة النقل بسبب تكدس المعهد .. هذي احد الاسباب اللي تاخذها الملحقيه بعين الاعتبار وتقبل نقل الطالب لاي معهد اخر ! بشرط أن يكون داخل الإقليم ! (إلا اذا ماقدر يجيب قبول داخل الاقليم .. فهذا تعيد النظر فيه الملحقيه وتشوف ! ) ..

علشان مالخبطك .. وتكون الامور اوضح لك ..

النقل من المعهد يعتمد فقط على المعهد اللي راح تنقلين منه .. ولازم المعهد الجديد يكون داخل إقليم المعهد اللي بتنقلين منه ! وأحيانا تقدرين تغيرين الاقليم .. إذا كنتي في إقليم غالب معاهده متكدسه (مثل الإقليم الغربي) .. وطلب منك المشرف الدراسي انك تغيرين المعهد !
وقتها يحق لك تغيرين وتختارين اي معهد وين ماكان .. لان المشرف هو اللي طلب منك التغيير مو انتي ! (هذا فقط للمعاهد) ...

وأما الجامعه .. فعادي تقدرين تدرسين في اي اقليم تبين .. أهم شي يكون معك قبول جامعي .. ومايهم سواء قبول مشروط باللغه او نهائي .. فكلها راح يقبلونها الملحقيه ..

الحين اوضح الله يسعدك يارب...طيب قصدك نفس الاقليم يعني في حالتي (الاقليم الاوسط) لان انديانا في الوسط معناها يا ادور معهد في مناطق انديانا او المناطق اللي حولها زي اوهايو والينوي وهكذا صح؟؟؟

صحيح .. ولكن تقسيم الولايات على الاقاليم مختلف عند الملحقيه .. فلابد أنك تتقيدي في تقسيمهم ..
فمثلا انديانا في الإقليم الشرقي للوسط الغربي .. فبالتالي تشوفين الولايات اللي بنفس الإقليم على تقسيم الملحقيه للولايات..
وهذا الإقليم عند الملحقيه يضم الولايات التاليه : Michigan , Indiana , Ohio
فمعناته انه لابد يكون القبول من احد هالثلاث ولايات ! خروجك عنها يعني خروجك عن الإقليم !

راجعي هذا الموضوع حتى تعرفين تقسيم الملحقيه للولايات حسب الأقاليم ..
http://www.mbt3th.us/vb/forum8/thread434761.html

الله ييسرها يارب وجزاك الله كل خير