استفسار وش انسب وقت اني أسوي ترانسفر للاي توني ؟ وكيف احول من طالب لغه الى أكاديمي ؟

لو سويتيه في آخر نوفمبر عادي
دام باقي عندك وقت في البعثة والمدة الباقية للدراسة الأكاديمية اقل من ٣ شهور ما اتوقع يوقفون الصرف عنك
والأفضل تخلصي امور الترنسفير قبل الدراسة بشهر او اكثر عشان يمديك تسجلين المواد مع الدكاترة الكويسين
وقبل تقفل عليك الكلاسات المهمة


بالتوفيق

اضافة على كلام اخوي كنت احبك ..

بعد ماتخلصين الترانسفير .. وبعد ماتخلصين اللغه ...
ترفعين طلب تغيير مرحله ... وترفقين في الطلب شهادة اللغه + قبول الجامعه .. (حتى يتم تغيير المرحله من طالب لغه الى طالب اكاديمي) ..
إذا كانت الجامعه تختلف عن الجامعه اللي سجلتي فيها بالملحقيه والتخصص برضوه يختلف ..
فأعتقد ان المشرف راح يطلب منك بعدها انك ترفعين طلب بتغيير الجامعه + التخصص ..

المشرف راح يعلمك وش تسوين .. على حسب البيانات الموجوده في ملفك وحسب البيانات الموجوده بالطلب !

امرها بسيط بإذن الله ..

طيب يعني أسوي ترانسفر اول ؟ ولا ارسل القبول للملحقيه واطلب تغيير جامعه ؟
لان الجامعه الي مسجله فيها غير

وبالنسبه للضمان المالي النهائي شلون ؟
والمواد انزلها كيف ؟؟ ياربي ضاق صدري
اساسا شلون اعرف الدكاترة الزينين ؟

الضمان النهائي عادي تطلبينه قبل الدراسة ولو بيوم واحد يجيك على طول، بعض الجامعات تطلب الضمان قبل تقريبا أسبوع أو اثنين علشان ما تنحذف المواد اللي أنت مسجلها، بعض جامعات عادي ممكن تبدأ الدراسة قبل أصلا تعطيهم الضمان المالي، هم راح يرسلون لك غالباً على الإيميل مواعيد كل شيء من التسجيل لين الانسحاب وحذف المواد، وبإمكانك الدخول على موقع الجامعة والبحث في الكالندر تلاقين كل شيء موضح بالتواريخ.

بالنسبة للدكاترة، طبعا إذا كنت بتدرسين ماجستير فغالباً أن دكتور المادة ما يتغير، بس في البكلوريوس تلاقين خيارات أكثر، وعلى أية حال، علشان تعرفي طريقة الدكتور، بإمكانك السؤال عنه إما على صفحة النادي السعودي في نفس جامعتكم، أو عن طريق موقع Rate my professor أو موقع My Edu، هنا تلقين كلام عن الدكاترة.

برضه، ممكن تبحثي في قوقل عن الـ Syllabus حق المادة والدكتور، ممكن تلاقيها وتشوفي طريقة الدكتور في التقييم والشرح وما إلى ذلك.

بالتوفيق،،،

انتي مرة مستعجلة تبين حتى الدكاترة تعرفينهم وتنزلين مواد من الحين .. اصبري شوي .
بالنسبة لايقاف الصرف اذا كانت المدة الى ثلاث شهور فماعندك مشكلة ماراح يوقفون الصرف عنك.
الترانسفير سهل جدا جدا والشغله كلها الكترونية يعني ماتاخذ وقت .. بس انتي خلصي اوراقك من الملحقية وهل الجامعة معترف بها والتخصص ومافيه تكدس ومن هالكلام لأن الملحقية هم الاساس . اذا ضبطت امورك مع الملحقية وسويتي ترقية وتغير مرحلة فكل شي يهون لأن الامريكان زي العسل . والضمان المالي اذا بديتي دراسة اطلبيه عن طريق البوابه ويجيك لمدة ست شهور واحيانا لمدة سنة وبعدين كل ماانتهى تطلبين مرة ثانية وهكذا..
بالتوفيق وهدي اعصابك واشربي نعناع .

ههههههههههههههههههههههه

مشكلتي احب اعرف كل شي بالتفصيل قبل كل شي ماحب أتوهق ولا احب انضغط احب اعرف كل شي عشان اعرف ارتب له بعدين

خلوني الخص كلامكم بناءا على الي فهمته منكم

حنا الحين بأكتوبر ،
بدايه نوفمبر إراسل الملحقيه بخصوص التحويل من طالب لغه الى أكاديمي وارفق القبول وكل شي
اذا تم التحويل
اروح أسوي ترانسفر للاي توني وانزل مواد ؟
ومن منتصف نوفمبر تقريبا الين تاريخ ١٣ يناير الي هو تاريخ بدايه دراستي بيكون الصرف ماشي ما يتوقف حتى لو ماكنت أداوم بالمعهد !
واذا قربت الدراسه مره ارفع طلب ضمان مالي نهائي للجامعه

وبس ؟
صح علي؟ اذا فيه شي ناقص علموني ولا صححو لي

صحيح .. وانتي فاهمة الانظمة اكثر منا ماشاء الله عليك يعني مفروض نسألك حنا ..

^
^
^


صحيح ....

ياحبيلكم ششششكراااا شكرااااااا الف شكراااا

ماقصرتوووووووو