مساعدة اسئلة حول مبالغة مكاتب القبول وَ إستغلال الطلاب في المبالغ المالية !!

بعدين فيه شغله ابي احد يفهمني هي مكتب يجيب قبول معهد وجامعه ب 45000 وثاني 20000 وفيه موضوع في المنتدى واحد لقى مكاتب تجيب قبول من 200 الى 3000 وش السالفه ؟؟؟؟؟

اخوي ماتدري كم ياخذون اتعاب بعدين وش الفرق بين المكاتب كل واحد طالب مبلغ وفيه فرق كبير بينهم
الف شكر لك

نصيحه لوجه الله ابعد عن مكاتب القبول
اكل اموال الناس بالباطل
الجامعات الامريكية ما عندها اتفاقيات مع مكاتب القبول
كل الي يسويه المكتب يعبي نموذج التقديم الي اسمه ابليكيشن
ويدفع رسومه الي ما تتجاوز ٧٥ دولار
ويرسل اوراقك بفيدكس لهم
والجامعه تقرر هل تقبلك بناء لاوراقك ومعدلك ولا لا
وتستغرق الجامعات للماستر غالبا من اسبوعين لشهر ونص
يعني لو تحسبها صح ما تكلفك الا قرابه ٤٥٠ ريال فقط
والباقي يلهفه المكتب
طبعا لو ما انقبلت يجحدك المكتب في المبلغ ويقول رسوم اتعابهم والارساليه
فنصيحه والله من اخ لك في الاسلام
حاول تشوف لك اي واحد عنده شوي لغه وقدم بنفسك
وصدقني بتلاقي قبول ابحث في المنتدى هنا عن اسماء الجامعات الي نسبه قبولها عاليه والي تكون موصى فيها في التعليم العالي
انا انلهفت من المكاتب حتى تعلمت والحمد لله قدمت بنفسي وجاني قبول خلال ٣ اسابيع

قدمت عن طريق مكتب قالوا ب ١٥٠٠ وبعدين طلبو مني ٧٠٠ ارساليه ورسوم وجاني رفض من الجامعه

قدموا لي ثاني مره ب ١٠٠٠ ريال على. جامعه ثانيه

رحت لمكتب ثاني دفعت ٢٢٠٠

دفعت لمكتب في امريكا ٩٥٠ دولار ولا جاب لي قبول وسحب عليه

اخر شي قدمت بنفسي كلفني القبول ٤٥٠ ريال فقط والحمد لله

وَ عليكم آلسلآم وَ رحمـــة آلله وَ بركآتة ..
حيآكـ آلله ..

خليني أتكلم بكل صرآحة, في آلبدآية وَ بحكم ضعف لغتنآ آلكل يبحث عن أي شي لجل يتمسكـ فيه .. وَ سألنآ كثير عن آلمكآتب ..
لكــن لو تجي تحسبهآ .. بتلآقي إن أغلب آلمكآتب فيهآ من آلنصب وَ آلإحتيآل حتى وَ إن أحضر لكـ قبول !!
يعني مو معقول فيه مكآتب تآخذ على قبول آللغة 2500 ريآل !!
وَ قبول لجآمعة وصلت إن بعض آلمكآتب تآخذ حول 5000 ريآل ..!!
نصب بشكل مو طبيعي !!!

صدقني أسهل شي توآجهه هو آلتقديم .. بآلذآت قبول آلمعهد ..
شي سهل وَ بسيط !!

خليني أفصل آلموضوع شوي ..
قبول آلمعهد يعني أكثر إبلكيشن يمكن توآجهه هو 100 دولآر !! هذآ أكثر شي ..
آلعآدة أقل على 50 دولآر وَ 70 دولآر !!
طيب يعني أكثر شي تدفعه لرسوم آلإبلكيشن 375 ريآل سعودي .. آلمعهد لجل يرسل آلقبول .. بعضهـــم مجآني وَ بعضهم إنت تتكفل بمصآريف آلإرسآلية ..
إن ضربت آلحمى مآتتعدى لأكثر من 55 دولآر يعني 200 ريآل ..
يعني آلشغلة على بعض بتكلفكـ بحدود آلـ 300 - 450 ريآل .. وَ آلشخص يدفع للمكتب 2500 ريآل بأي حق !!

قبولآت آلجآمعة ..
أمرهآ هين .. أدخل لموقع آلجآمعة روح لكلمة Apply .. طبعآ بعد مآتبحث وَ تشوف إن تخصصكـ عندهم ..
سوي لكـ حسآب وَ إتبع آلخطوآت بآلتفصيل ترى جدآ جدآ جدآ سهله .. مآعرفت شي إفتح قوقل وَ ترجم منه .. عآدي مآفيهآ شي ..
وَ بقولكـ شي مٌهم ..
حتى لو أخطيت في آلأبلكيشن ترى يتوآصلون معكـ على إيميلكـ وَ يبلغونكـ بآلخطأ إذآ شآفوآ إن بعض آلإدخآلآت غير صحيحه ..
آلإبلكيشن أللي وآجتهتهآ نفس آلمعآهد وَ أحيآن تصدق إنهآ أرخص من رسوم آلمعآهد !!!

إبعد عن آلمكآتب ..
نصب في نصب وَ إستغلآل بشكل فضيع !!
أذكر زمآن في مكتب يقل توقع معي عقد ؟ سلآمآت تقآل لآعب مٌحترف !!

آلمنتدى فيه كٌل شي .. هنآ موضوعين لإختنآ آلمٌبدعه " هدآية آلرحمن " إدعي لهآ بآلتوفيق ..
نزلت موضوعين أجمل مآيمكن ..
تفضل:
http://www.mbt3th.us/vb/forum178/thread445889.html
http://www.mbt3th.us/vb/forum172/thread435160.html

وَ هنآ موضوع لـ " آلفقير إلى آلله " .. إنتقل لطريقة إحضآر آلقبول ..
تفضل:
http://www.mbt3th.us/vb/forum8/thread374589.html

وَ هذآ موضوع لـ " تفآكير " .. تفضل:
http://www.mbt3th.us/vb/forum8/thread209078.html

وَ هذآ موضوع لي .. عبآرهـ عن حقيبه فيهآ روآبط مٌهمه ..
تفضل:
http://www.mbt3th.us/vb/forum8/thread423944.html

ريح رآسكـ من آلمكآتب .. لو فيهم ترى مآمنعتهم إدآرة مٌبتعث ..
شوف بس آلموآضيع عنهم:
http://www.mbt3th.us/vb/forum8/thread385718.html
http://www.mbt3th.us/vb/forum8/thread459087.html
http://www.mbt3th.us/vb/forum8/thread458535.html
http://www.mbt3th.us/vb/forum66/thread89879.html
http://www.mbt3th.us/vb/forum90/thread232614.html
http://www.mbt3th.us/vb/forum8/thread339977.html
http://www.mbt3th.us/vb/forum90/thread230306.html
http://www.mbt3th.us/vb/forum8/thread362431.html

لآ تنسى إن آلملحقية آلثقآفية بأمريكآ .. إكتشفت إن فيه مكآتب تحضر قبولآت مزورهـ, وَ حذرت منهم !!
مزورهـ يعني لو مسكونكـ آلأمريكآن .. مآظنتي بتطلع من عندهم بخير !!

دعوآتكـ ,,

يطيكم الف عافيه اخواني
شكرا خااااااص لـ حروف متناثره

يعطيك العافية اخ حروف ماقصرت
الله يوفقك ويسهل امورك

السلام عليكم ورحمة الله وبركاته ،


كيفكم ي مبتعثين و ي مبتعثات ، ان شاء الله أموركم الدراسية على مايرام

قريبا بأذن لله ابي اجيكم :$
بس ابتلشت بالقبول المشروط لازم اوفر القبول خلال هالشهر ناوي ألحق ع الملتقى ، فتواصلت مع كذا مكتب وشفت اسعار مبالغ فيه اللى يقول لي ٣٠٠٠ واللى يقول ب ٣٥٠٠ هال ٣٥٠٠ احطها بالتذكرة افضل لي ، وهو مجرد قبول مشروط بدون لغة لان معي قبول لغة

وحبيت اطلب منكم المساعدة ، اذا فيه احد يقدر يساعدني

وَ عليكم آلسلآم وَ رحمـــة آلله وَ بركآتة ..
حيآكـ آلله ..

رآجع آلردود آلموجودهـ ,, ستجد أن آلموضوع بسيــــط وَ أسهل ممآ تتخيله ..
فقط جرب بنفسكـ مرهـ ..
صدقني بإذن آلله لـــن تفشل .. جــــــرب فقط !!

موفق ,,

معدلك ؟ والمرحلة؟


سبحان الله وبحمده سبحان الله العظيم