مساعدة قرار إبتعاثي للماجستير 3 سنوات والجامعة طلبت مني إنهاء المرحلة خلال سنتين .. الحل؟

مرحبا

١) ما عليك من كلام الملحقية فيما يخص المدة، أنت لا جت تبي تنتهي بعثتك، خذ خطاب من مشرفك في الجامعة يوضح تقدمك وكم تحتاج، وارفع للملحقية طلب تمديد بعثة ولك حق تمديد سنة فوق السنتين حق الماجستير بدون ما أحد يعترض لا ملحقية ولا غيرها، كثير من الشباب ياخذ ٣ سنوات في الماجستير هذي غير دراسة اللغة، اللغة ما لها دخل.

٢) فيما يخص عدد الساعات، فهو فعلا نظام الكوورتر لازم تنزل ٤ مواد أي ١٢ ساعة، بل أعتقد حتى أن نظام الأمقريشن يشترط ١٠ ساعات في الكوارتر ما عدا أول كوارتر وآخر كوارتر.

٣) أنت لو حسبتها عندك ثلاثة كورترات في السنة هذي اللي بتدرس فيها ويمكن تكمل الكوارتر الرابع، لو بس تاخذ ١٢ في أول كورترين هذي ٢٤، والثالث ٩ تكون خلصت ٣٥، والسنة اللي بعدها نفس الشيء وتكون خلصت ٧٠ في سنتين. واحتمال أصلا أن ال ٦٩ ساعة هذي منها مثلا ٩ ساعات مشروع تخرج أو رسالة أو ما شابه ذلك. فلا تستصعب الأمر بإذن الله ميسور، أما التمديد فخلها لوقتها لا تكلم الملحقية من الحين ولا شيء.

اهلين اخوي, ,

مشكور على الرد
عندي سؤال, او بالاحرى توضيح وسؤال: الحين المواد اللي ادرسها معظمها ستوديو, يعني معامل. لازم أكون متدرب على ستوديو عشان اقدر اخذ ستوديو متقدم, لان التخصص اكثره عملي. كله بروجكتات وتسليم مشاريع ورسم وتخطيط. وهذا اللي مشرفه الجامعه قالته. يعني اقدر اخذ 12 ساعه, بس بكون دخلت نفسي في موقف لا احسد عليه, لاني بكون مع طلاب دارسين برنامج رسم مثل اوتوكاد اة غيره, والماده اللي انا بكون معهم فيها تطلب مشروع مرسوم في هذا البرنامج مثلا. يعني لازم ادرس الشي عشان اطبقه.

ثانيا, اذا بعثتي سنتين, ليش قرار الابتعاث حاطين فيه ثلاثه سنوات ؟

إذا قرار الابتعاث مكتوب ٣ سنوات، خلاص هذا أفضل وأضمن لك يعني ما تحتاج تمديد، جامعتك معطينك الحد الأعلى من أولها بدون ما تحتاج تطلب تمديد، يبقى لك فرصة لوما خلصت في ثلاث سنوات وهي الفرصة الاستثنائية وغالبا تكون ٦ أشهر وبعض الجامعات تتساهل إلى سنة
وللمرة الثانية: ما عليك من كلام الملحقية فيما يخص المدة.

فيما يخص كورساتك، فما أعرف والله لكن في العادة أن الجامعات عندما تكون مادة الماجستير لها متطلبات سابقة وأنت غير حاصل عليها فالمشرف الدراسي يعطيك مواد تاخذها في السنة الأولى لتستطيع المواصلة في المواد المتقدمة، ويفترض أصلا اللجنة يوم قامت بقبولك تطلع على السجل الأكاديمي وتعرف مدى تأهيلك لدخول ماجستيرهم، وفي حين احتجت لمواد متطلبة أخرى يكتب هذا في القبول أو يذكر فقط أنه بالمناقشة مع مشرفك قد تضاف لك ساعات.

مثال: زميلي درس في إحدى جامعات كلفورنيا، وكان الماجستير ٣٠ ساعة فقط (نظام فصلي) ولكن لأن البكلوريوس حقه فيها اختلاف كبير عن برنامجهم، طلبوا منه ١٥ ساعة إضافية متطلبة أنهاها في السنة الأولى ثم بدأ مواد الماجستير الحقيقية في السنة الثانية.