استفسار الكشف الطبي والادله الجنائيه

رحت اليوم اسوي بصمة الادلة الجنائية
مكانهم مخرج المدينة المنورة من طريق الملك فهد كأنك رايح لـ شمال الرياض تطلع معه تجيك الاشارة الاولى اطلع يمين ثم امش وتجيك اشاره ثانيه امش قدام لين تجيك المحكمة العامة على يمينك بعدها تجيك اشاره رح يمين ثم امش شوي تشوفها على يسارك ..

طلبوا مني صورة شخصية وحده فقط وعبيت طلب وما خذت الا نصف ساعه وانا مبصم وماشيء
وقالي تعال 25/10/1431 يوم الاثنين الجاي يعني عشان اخذ الاوراق .. مدتها اسبوع
حصلت اكثر من اثنين من حقين الابتعاث حق المؤسسة ..

الفحص بروح بكره او بعده بشوف

غريبة والله اسبوع انا توني جاي من الادلة الجنائية اللي بالدمام
نفس الشي طلبو مني صورة واعبي النموذج حقهم وابصم وكل شي
وقالي بكرة الظهر تعال خذها

اللي من الحساء والدمام يروحون المقر الرئيسي اللي بالدمام بجانب
امانة المنطقة الشرقية والامارة

السلام عليكم ورحمة الله وبركاته

والله اليوم يوم رحت الادله الجنائية تبهذلت

قالوا لي روح للامن الوقائي ورحت للامن الوقائي وقال لي بعد 10 ايام تخلص قلت ايش

قلت ليش انا جاي من الحساء ومتعني قالي ما في الابعد 10 ايام بعدين قلت له انا عندي ابتعاث

قال طيب قول لي من اول ان عندك ابتعاث وقال ارجع لإدارة الادله الجنائية واشرح لهم وضعك

وان شاء الله تخلص في يوم واحد ورحت وعلى طول يوم عرفوا ان عندي ابتعاث سوو لي بصمات وبعدين قال بكره تجي

قلت انا جاي من الحساء يا طويل العمر قال اجل رح للمدير فوق واشرح له وضعك ورحت للمدير وقلت له وضعي وقال ليش ما

جيت من بدري قلت انا من بدري كنت هنا وبعدين خلوني اروح للامن الوقائي ورجعت قال اجل استريح وبعدين قال للسكرتير شوف وضعه

بعدين جلست وما خذت 30 دقيقة الا والورقة جاتني مختمه وجاهزه قلت بيض الله وجهك

وبعدين طلعت يوم جيت اطلع لقيت واحد عند الباب بعدين سلمت عليه وطلع خوينا <<التون >>وعلمته من انا

وبعدها مسكة خط الحساء والحمدلله ما كان فيه ساهر

وهذا اللي صار معي والحمدلله مشت اموري

والله يوفق الجميع

انا اليوم رحت الادلة الجنائيه بصمت وقالو لي تعالي بكره خذ اوراقك

انا في الخرج قال تعال بعد اسبوووع

واخذ رقمي قال اذا طلعت قبل اسبوووع ادق عليك

اللي صاحي تكفووووون ردوا علي

الحين مستشفى المللك سعود ناس يقولون بالسلي وناس يقولون عند خشم العان وينه بالضبط

شباب احد سوا الفحص الطبي في مستشفى الملك

فهد بالحساء وخلص الفحص بنفس اليوم ؟؟؟ اتمنى تفيدوني

مستشفى الملك سعود في السلي وعند خشم العان ,,,,, يعني روح مع مخرج 16 باتجاه الشرق رابع اشاره ادخل يسار سيده تقريب 500 متر تجي على يمينك , والله يوفقك

انا توي جاي من الادلة الجنائية من الدمام
عطيتهم الورقة .. وجلس لي جلسة العسكري
قالي لازم تجيب ورقة من سفارة الدولة الي راح تسافر لها
قلت له احنا تونا قايلين بسم الله بهذا البرنامج تونا بالبداية ولا حددوا لنا الدول
ويبغون الصحيفة الجنائية عشان استمر بهذا البرنامج
قالي لازم تجيب لنا اسم الدولة الي راح تسافر لها !!!
انا هنا مليون تعجب براسي !!!
الا دخل عسكري ثاني وقال لا عادي مشه لان ربعه كثير الي جاوا امس وكلهم نفس الورقة
قاله اكيد ؟ قال : ايوا اكيد عطه صحيفة
وبصمة الاوراق وبعدين قالي تعال بكرى ..!! وهو ما عنده ولا احد فاضي جالس يسولف
قلت له انا ابغها اليوم لاني من الاحساء وبمشي الاحساء
قالي طيب تعال الساعة 1 وان شاء الله تكون خالصة ..
ورحت اخذت لي احلى فطوووور .. والحين بمقهى الدوانية ^_*
ننتظر للساعة 1 ونروح لهم .. وان شاء الله تخلص
وبالنسبة للفحص الطبي بكرى من الصباح بأذن الله بروح اللجنة الطبية بمستشفى الملك فهد بالاحساء
وبشوف وش يصير معي

شباب لاح ينسى الصورة .. ترى دخل علينا واحد وانا بمكتب البصمات بالادلة .. ولا عنده صورة
ورجعه قال جيب الصورة واسويها لك ..