بتسبرغ كنساس

اهلا اخوي
كتبت موضوع بسيط عن الجامعه و المدينة هنا.

-المدينة صغيره و متواضعه..... جدا جدا جدا متواضعه و صغيره. لا تنصدم اذا جيت.
-السكن متوفر. خصوصا اذا جيت مبكر ( بداية اغسطس )
- معهد اللغة ممتاز لكن يحتاج شغل قوي. شغل لعب على طوووول رسوب.
- صايره مشاكل و سمعه سيئة قديمة بين الطلاب السعوديين عن المعهد. لو سمعته ما عليك منه لانه كلام قديم و فاشل ( بأذن الله ما راح تسمعه لان الطلاب القديمين بدا يختفوا، و راح فقط تقابلنا حنا الطلاب الجدد).
- الحياه بشكل عام سهله جدا في المدينة.
- المدينة متكدسة بالطلاب السعوديين. انتبه من هذي النقطة و اترك عنك التجمعات و المصخره الزايدة عن اللزوم و شغل البلوت و الكبسات اليومية. استغل وقتك بالمذاكره و مصاحبة الاجانب لتحسين اللغه
-الطلاب السعوديين مجهزين استقبال بسيط لكم وقت وصولكم ( انتوا بتكونوا 40 طالب تقريبا ). بأذن الله الموجودين بيسهلوا اموركم في البداية. للأسف كثير بيكونوا مسافرين وقت وصولكم لذا المساعده بتكون محدودة.
- يوجد نادي سعودي بقيادة الاخت مشاعل ابو سهيل. صفحة النادي في الفيسبوك هنا.

الله يعطيك العافيه ويجزاك خير انا اشهد انك ماقصرت بيض الله وجهك

- - - مشاركة محدثة - - -

الله يعطيك العافيه ويجزاك خير انا اشهد انك ماقصرت بيض الله وجهك

اخوي عبدالرحمن انا ماني شايل الا هم السكن وش تفضل اسكن مع عائله ولا اسكن في الحرم الجامعي والمعهد يدبرلك سكن او لا وبحدود كم السكن اذا ماعليك امر شكلنا ثقلنا عليك

اخوي عبدالرحمن وشلون الصيام وايش نجيب معنا ههههههههه ابنتظرك لين ترد وبعدها بسآلك الدعوى تقصيد كل شوي متذكر حاجه الله يعطيك العافية

اكيد تمر قهوة لو راعي طبخ تاخذ بهارات
لو مكانك اسكن لحالي كم شهر لما اتعرف ع كل شي واخلص اجراءاتي اسكن مع عائلة اشوف السعوديين ما شاء الله هنا كثيرين اللي مسوينها
ياخذ له شهر شهرين بالكثير ويسكن مع عائلة والله يوفقك وييسر لك

ما خبري في سكن عوائل.
السكن الجامعي غالي ( قرابة 700 دولار ) و صغير جدا، لكن الفائدة الاجتماعيه و تحسين اللغة ممتازين جدا.
اذا قررت تسكن في الجامعه تروح لمكتب التسجيل للسكن في الجامعه و هم يضبطوك ( اذا كنت اقل من 21 قد يكون اجباري تسكن في سكن الجامعه )

همممم. الكثير متوفر هنا، لا تتعب حالك، لو بتجيب حاجة حاول تجيب تمر و بهارات عربية ( البهارات العربية متوفرة في مدينة تبعد ساعتين و نصف )

انا اشهد انك ماقصرت بيض الله وجهك يابو صالح الله يجزاك خير

يااخ عبدالرحمن صالح انا خذيت من الاخ يوسف الغامدي رقمك واتصلت عليك على الجوال الامريكي بس يعطيني مقفل كنت ابي اسالك عن الجامعة ومعادلة الدبلوم لاني بجي ادرس على حسابي تخصصي اتصالات من كلية الاتصالات بالرياض مدري هل يعادلون عدد كبير من الساعات ولا شيء بسيط ياليت تفيدني ياخوك او توصلني باحد من الشباب اللي تعرفهم حت لو من غير هالجامعه بس يكون نفس تخصصي او قريب منه وشاكر لك مقدما

العفو. اي سؤال اسأل. لا تجي المدينة و انت ضايع.

اعتذر عن اغلاق الجوال و للأسف سيضل مغلق الى نهاية August . اذا تحتاجي ضروري جدا تقدر تتواصل معي عبر الايميل Bonaef(at)gmail(dot)com .
عموما، هل اصلا يوجد تخصص اتصالات في جامعة PSU ؟ حقيقة ما ادري! شيك موقع الجامعه و ابحث اذا تخصصك موجود او لا. ايضا اتوقع ينفع لو تروح لكلية الاتصالات و تراجع قسم الابتعاث هناك و تسأل طلاب قسمك اين يتم ابتعاثهم ( بعض الجامعات تعادل و البعض لا، البعض يعادل قليل و البعض كثير).