تم رفض اجازة مرافقتي لزوجتي المبتعثة ؟؟؟؟

في اي قطاع انت ؟

وكم المده اللي طلبتها ؟

وهل مدير القطاع اللي انت شغال فيه يملك الصلاحيه لى اعطائك اجازة استثنائيه ام فقط دوره ان يقوم بالتاشيره بعدم الممانعه ؟

وش هي طبيعة عملك؟

في مؤسسة حكومية
تتبع الخدمة المدنية

ما حددت المدة ولكن رفقت لهم خطاب وزارة التعليم بخصوص المرافقة

والمدير المباشر موافق .. وبعد ان ارتفع الامر للمدير العام ( معالي ) حوله لشؤون الموظفين
ومدير شؤون الموظفين قال لازم اطلع للمعالي واستفسر منه
وبعد ماطلع له .. قال النظام معاك ويجوز تاخذ اجازة

ولكن العمل محتاجينك ولا عندنا استعداد نتنازل عن الوظيفة
تبي تطلع قدم استقالتك .......

ارفع للوزير


واذا ماوافقوا اسحب على وطيفتك
(ياليت توظح لنا وش وظيفتك عشان كلا يعطيك رايه


صراحه انا موظف بوزاره المياه والكهرباء بتبوك عل بند التشفيل والصيانه وراتبي يوم فصلت 8500 وسحبت على ابو الوظيفه والله على ما اقول شهيد
والله على مااقول شهيد والله على ما اقول شهيد
ولي الان شهرين وشوي بامريكا ولا ني متحسف عليها مررررررررررررره مرافق لزوجتي
لو ارحع والقا وظيفه ب5000 ريال يكفيني اني تعلمت واخذت لغه
وكلن له رايه ومنظوره الخاص

عزيزي مو من حقه يرفض اجازتك .. وسالفة الاستقالة لاتفكر فيها أبد .. الظاهر الأخ عنده واحد يبي يحطه مكانك!

لو رفضوا اعطائك اجازة ارفع برقية للوزير المسؤول عن عملك وبلغه بالموضوع وقل ياعزيزي بند الخدمة المدنية مافيه شي اسمه ( حنا محتاجينك) .. البند واضح وصريح ويقول يعطى اجازة مو من حق (ابن امه ) يرفضه
ترى زمن التسلط والتعسف والجهل انتهى .. لاتسكت عن حقك ارفع اكثر من برقية لأكثر من شخص وحاول تدخل على مديرك وتشرح له وقله على بلاطة استقالة مانيب مستقيل واجازتي راح اخذها لأنها حق من حقوقي
*

يعطيكم العافية

رحت للخدمة المدنية وشرحت لهم الموضوع

والحمدلله الناس هناك فاهمة ومتعاونة

قالوا اكتب لنا معروض وحنا نتفاهم مع مرجعك

وتأكد الاجازة من حقك لان فيها امر ملكي

يعني مو من حق اي شخص يرفضها

لكن يمكن الموضوع يتأخر شوي

وربك ييسر

عملي في المؤسسة العامة لصوامع الغلال


والحمدلله ....................

اخواني

للاسف اليوم ردوا علي الخدمة المدنية برفض اجازتي

بحجة ان جهة العمل اعترضت عليها ورفضتها بحجة
انه لو وافقنا كان الكل طلع ولا بقى احد عندنا

تكفون يا اخوان

احد عنده حل

ناوي اطلع لوزير الزراعة واكتب له

الله يعينك ياخوي وياخذ لك حق غصب عنهم

اقول لك السبب اللي رفضوا اجازتك عشانه ..... قاتل الله الحسد.... للاسف داء منتشر في المجتمع .....والمشكلة تلقى اللي يحسدك وضعه المعيشي افضل منك

لاتسكت على حقك .... اعرف انك بتتعب.... لكن كل ذرة جهد تبذلها في سبيل حقك تؤجر عليها .... الله من لطفه سبحانه يؤجرك على تعبك على حقك

ان شاء الله تتيسر امورك رغما عن الحاسدين

صدقت اخوي الحر

وشكرا لك لردك المشجع

وان شاء الله ماراح اسكت
حتى لو وصلت المسألة لمحامي ووكلته يرفع لي قضية ضد عملي وضد ديوان الخدمة

لكن الي قاهرني

ان النظام واضح وصريح وفيه تعميم من صاحب السمو الملكي عبدالعزيز بن فهد رئيس مجلس الوزراء بخصوص اجازة المرافق

وللاسف حتى الخدمة المدنية مو ملتزمة بالنظام

يعني من غير واسطة حتى النظام ما يمشي ...........

ولكن الحمدلله على كل حال