مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

انا الي يقهرني ليش كل البنات شطار ومعدلاتهم مرتفعه واغلب الاولاد مرررررره معدلاتهم واطيه وما تقبلهم البعثات وطبيعي راح يفكر انه يتزوج وحده تبغى تكمل دراستها طييب انت من الاساس شد حيلك وزاكر عشان تقدر تطلع بمجهودك مو احد يطلعك ماعرف انا لو مكانو ما راح اقبل ,,,, انا احب الشخص الطموح الي يطلع نفسو بنفسو

ههههههههههههههه
مهم فاضيين حبيبتي .. الله يخلي لهم الكورة والبلايستيشن واللفلفه في الشوارع <<< من وين بيجيبون وقت للمذاكرة الله يهديك

الشمرية ردك اعجبني مرررررررررة
كلام منطقي

احب اتكلم عن نفسي كفتاه سعوديه
انا خريجة من عام 2005 وكنت احاول اكمل ماستر هنا بسعود ماللله اراد وطبعا الوظايف شحيحه للاسف فلما حصل القبول من ولي امري اللي هو الوالد الله يحفظه اني اكمل دراستي والمرافق موجود اخوي اصغر مني بسنتين وحاب بكلوريوس يكمل بس نسبته ماتسمح

يعني مو محتاجه الحمدلله لزواج عشان اروح اكمل دراستي
بس لو ماكان عندي مرافق من اهلي
برظو ماراح افكر بالزواج لاكمال الدراسه
استحاله الزواج ماهو فقط زوجين يدرسون فيه تفاهم فيه كيمستري على قولتهم
تخيل لو انا وهالشخص مانطيق بعض او ماقدرنا نتحمل بعض

ايش راح يصير
طلاق وقتها البنت راح تاكلها وبتكون لا محرم متوفر + مصيبة الطلاق

الزواج لازم يكون له هدف اسمى من مرافق ومرافقه
واللي هو حبا في الارتباط والالتزام بين الشخصين مو بس اولاد واكمل نص دين وارضاء اهل
لا الاهم والاهم والاهم اخلاص الشخصين وارتباطهم وانجذابهم لبعض
بعده تجي الاشيا الثانيه
لو توفر لنا هالشي ماكان شفنا حالات الطلاق بالكثره هذي

ممكن تجاوبي على السؤال ؟؟ ولا ماتبغي تتزوجي اذا ماتبغي هذا شي ثاني لانو اشوف مابقيتي ولاشي يخلي للزواج قيمه ,حتى خليتيني افكر ليه الناس يتزوجوا من اصلو !!!!! طبعا اوافقك في جزئيه زواج الابتعاث انها مبنيه على اسس خاطئه

كلام البنت صحيح ومنطقي ميه بالميه

احنا في عام 2009
لازم مانجعل الزواج محدد لشي معين زواج فقط مبني على انجاب اطفال او فقط مبن على اسكات الناس او ارضاء الاهل
بعمره ماراح يكون زواج ناجح ومكلل برضاء وراحة الزوجين

ياخي في شي اسمه انا بتزوج لاني انسانه حابه اتزوج وارتبط واتحمل مسؤوليه وابني انا والشخص هذا حياه خاصه فينا

انا بالنسبه اذا بتزوج بتزوج لاني ابي هالشخص وابي اكون حياة معاه واجيب منه اطفال نربيهم سوا
مو العكس

الله يرضى عليك انتي قاعده تناقضي نفسك بعدين انتي تقولين انك بتتزوجيه لانك تبيه او حبيتيه معناها تعفين نفسك وسبب ثاني انك تجيبين منه اطفال ,الشمريه تقول انو هذي اسس خاطئه ولايقوم عليها زواج ناجح وثاني شي لاحظي السؤال موجه لمن!!!

انا مااناقض نفسي ولا كلام اختي شمريه
كلامي تماما مثل كلامها

لما قلت اتزوج الشخص لنفسه لاني ابيه وابي اكون معاه عائله

مو لاني ابي اكون عائله وجيب بيبيز واربيهم مع ابوهم اظطر اني اتزوج

ابي اتزوج الشخص نفسه اب اقتنع فيه هو نفسه مو في االاشياء اللي يتأمرني باني اتزوج

got it??

اقرى سطري مره ومرتن و 3 عشان توصل المعلومه صح قبل تقول اني اناقض نفسي ^_^

سأجيبك اخي على سؤالك بشرط ان تكف عن الرد بهذه الطريقة المستفزه <<<< لا مانع لدي من مناقشتك ولكن بهدوء لو تكرمت
الأن بالمنطق أخي <<< لو كنت وجدت سبب يدفعني بحق للزواج هل كنت سأظل الى اليوم غير متزوجه ؟ << اقصد سبب دائم وليس أني طبعا .. بالطبع لا ..
إذن هل انا ضد الزواج ؟
الجواب لا .. بشرط ان يكون هناك سبب يستحق .. لا أعلم للآن ماهو هذا السبب ولكن سأستبين ذلك عن قريب - إن شاء الله -
إحدى صديقاتي - ممن يحملن فكري - تزوجت فسألتها .. لماذا تزوجتي ؟ اتعلم بماذا أجابت ؟
تزوجت لأنني أحلم بظهور جيل جديد من السعوديين قادرين على حمل راية التطوير والتجدد .. سعوديون يقودون لا يقلدون ...
الحين طبعا بتقول : هاذي وش بتتفلسف فيه ؟ يعني تبي تجيب عيال وخلاص صح ؟
أقول لك لالالالالالالالالالالالالالالالالالالالا
هذه تريد بناء وطن ... بناء أمة
شتااااااااااااان بين فتاة تزوجت لتغدو مجرد دجاجة تبيض طفل كل عام ... وبين فتاة تزوجت لنتجب طفل يكبر ليقود وطنه للأمام
منطقياً .. كل من يتزوج سينجب وسيتم عفافه .... لكن ليس كل من يتزوج يبني أمة ومستقبل بأبناءه
الفكر ياسيدي الفاضل ... الفكر يغير طريقتك .. نظرتك .. أسلوبك .. الفكر يغير حياتك .. وما تفعله بدون فكر لأنه روتين .. ستفعله بالفكر لأنه وسيلة لغاية أكبر وأعظم
أتمنى أن تكون فهمت مرادي الآن <<<<< انظر لمنطقي ثم انظر لحال مجتمعنا تعرف سبب الوضع المزري الذي تقوقعنا فيه منذ أمد بعيد !!!!!

ههههههههه
اضحكتني بشدة اخي وائل - اضحك الله سنك -
هداك الله كيف حملت كلامها على ماحملت ؟؟؟؟
هل الزواج المبني على الحب = الزواج المبني على رغبة إشباع شهوة !!!!!!!!!
اخي اعد التفكير هداك الله في كلامها ... فمنطقها سليم وإستنتاجك فاسد ...