وزارة الخارجية رفضت تختم اوراقي!!

أنا كنت أسمع عن التصديق من الغرفة التجاري وأقول شعلاقتها أصلا بالموضوع

لكن ان تكون الملحقية صاحبة الكلام

أول مرة أسمع بها


ممكن الرابط أختي اللي يقول هالشي؟

لا الملحقية ما كتبت كذا انا لخبطت.. لأني قريت كثير ان وزارة الخارجيه ما تصدق على الاوراق الا لما تتصدق اول من الغرفة التجاريه..( لأن تصديق الغرفه التجاريه يتثبت ان المكتب معتمد)
سوري انا لخبــطت..

عمووما هذا الرابط: http://www.sacm.org/ArabicSACM/Information/PreInfo.aspx

الحين السؤال:: كيف اصدق اوراقي من وزارة الخارجيه؟؟؟؟!

هذي اللي جابت فيني العيد يوم قريتها

رحت سألت ثنين يدرسون هناك
ما احتاجو لكل هذا
هذا رد واحد منهم
من ناحيتي حبيبي انا ما احتجتهم ابد بس اخذت صور الشهادات مصدقة طبق الاصل ولاتحتاج لتصديق من وزارة الخارجية اذا تقدر تجيب آخر شهادة لآخر مرحلة معاك كاحتياط فقط ومن ناحية انك بتجيب معك بطاقة الاحوال او دفتر العائلة (النسخ تكفي )


وجميع هذه الوثائق لاتحتاج الى تصديق من الخارجية


والثاني

اللي احتجت له شهادة التطعيم طبعا مترجمه و كشف درجات الجامعه مع الوثيقة

واللي راح أنا أسويه إن شاء الله أترجم شهادة التطعيم واصدقها من مديرية الشؤون الصحية والسلااااام

من ناحية الملحقية على حد علمي انها تصدق المستندات باعتبارها ممثل عن جميع وزارات المملكة الحكومية

شهادة التطعيم ايت وحده اللي على شكل دفتر صغير ولاكيف شكلها

واذا ماهي عندي من فين اجيبها

وهل تقصدون التطعيمات اللي اخدناها اول ماانولدنا يعني واحنا اطفال؟؟؟؟

فهموني لاني تعبت وماني فاهمه وابويا عصب يقول انتي منتي فاهمه شي ووقت السفر قرب

ابغى اخدها احتياط معايا

شهادة التطعيم تلاقيها في ملفات المدرسة , انا بالنسبة ليا كانت كرت كبير شوي لونه أصفر .
الله يعينك على التعصيب , ياكثر مايعصبوا علينا , وهما أصلا مو فاهمين شي <<<< الله المستعان

أنا نفس الشي رحت للخارجية اللي بالرياض وتمرمطت كل فرع يقول رح للفرع الثاني وآخر كلام قالو رح للفرع اللي بالغرفة التجارية ويوم رحت للغرفة لقيت فرع وزارة الخارجية اللي هناك لقيت شخصين على الكونتر
شخص قمة في الاحترام وفاهم

والشخص الثاني والله ما عمري شفت أغبى منه في هذي الدنيا والله ما شفت
تدرون ويش يقول
قلت له ابي اختم هذي الاوراق
قال ليه: قلت علشان الدراسة برا
ناظر فيها وكانت كثيرة لأنها شهادات شكر وخبرة وشهادات ميلاد
قال لي: ( طبعا وريته المترجمة) قال لي رح ترجم هذي الاوراق الى عربي وتعال
قلت له: هذي الاصول بالعربي
قال: لا هذي ما تنفع لازم تترجم الاوراق الانجليزية اللي عندك الى عربي
قلت له: طيب هذي الاصول
قال : ما ينفع

وطردني الله يسعده

ورحت للحبوب اللي جمبه وقال لا ما نختم الاوراق كنا نختمها 2009 والان ما عاد نختمها اعطاني ورقة قال ادخل على موقع الخارجية والملحقية بتختم لكم كل شي
طبعا ما فهمته زين لكن قررت اني اخذ الاوراق كلها واذا احتجت شي الملحقية بتسوي لنا كل شي.

طيب والي ماعنده لا شهادة ميلاد ولا تطعيم <<<ضايعة
لازم يروح نفس المنطقه الي أصدرتها (المدينة المنورة)ولا عادي يطلعها من المنطقه الي موجود فيها حاليا(جدة)

لحظة لحظة ............. ايش هذا الشئ الجديد
اول مرة اسمعة الله يخليكم فهموني بالتفصيل الممل ايش القصة