كيف ارسل لاهلي بالسعوديه اغراض !!

شكرا خيو

لكن الاثنين مرره غالين اذا كل شوي برسل شي طارت الفلوس


مافي شي ثاني غيرهم؟

هلا اختي ،، في عن طريق البريد العادي لكن يطول ،،

فتحي لك صندوق في الارمكس بيكلفك ١٢٠ريال بالسنه يعطونك رقم صندوق في امريكا وفي السعوديه

والشحن عن طريق الارمكس ماعتقد غالي والله اعلم


الفديكس لاتفكرين فيه حتى ^ـ^

شاحن ايباد الاسبوع الماضي بـ ٣٦٠$ طلع علي اكثر من بيع السوق

بالتوفيق

وعليكم السلام ورحمة الله وبركاتـــه


أختي الكريمة ماهو شرط إن البريد يكون بريد خاص في الأهل !

يعني ممكن بريد أحد الأقارب الموثوق فيهم ، وبمجرد مايوصل الطرد أو البضاعة راح يتواصل البريد السعودي مع الرقم المسجل على البضاعة لإبلاغكم بوصول البضاعة ،


على فكرة كنت أسمع إن البريد الممتاز " المجاني " يتأخر وبإن الفيديكس أسرع !

واتضح لي العكس من واقع تجربة تخصني وتخص ولد عمتي ،


تجربتي هي في الحصول على قبول المعهد حددت طريقة التوصيل فيديكس ودفعت رسوم التوصيل لي ولأختي ،

العجيب في الأمر إنو بعد 4 أيام تماما وصلتني مكالمة على جوالي وعلى جوال الأخت الكريمة من البريد السعودي بوصول ظرف من الولايات المتحدة الأمريكية يخصنا ،

وفعلا رحت عندهم وحصلت الظرف وكان ظرف البريد الأمريكي ،

بعد ثلاثة أيام من استلامي للظرف والحيرة اللي راودتني بإن الظرف طلبناه عن طريق الفيديكس ووصلنا عن طريق البريد العادي ! !؟؟

المهم بعد ثلاثة أيام من استلامي لأوراق القبول من البريد السعودي جاتني مكالمة من الفيديكس بتلقي ظرف من أمريكا !!

وفعلا رحتلهم ووجدت نفس محتويات الظرف والأوراق بنفس الترتيب وكل شيء ،


الغريب بإني ماحددت البريد العادي ومع ذلك وصلني البريد العادي قبل البريد السريع " فيديكس " بثلاثة أيام !!!!


بالنسبة لولد عمتي طلب خوذة دباب وسترة من إيطاليا وجاته بالتمام والكمال والكمال لله في غضون أسبوع إلى أسبوع ونص تقريبا على البريد السعودي : ) ،


شكلي مستقبلا بودع التوصيل السريع وبرحب بالتوصيل العادي ^_^ ،


بس على فكرة البريد السعودي مايقبلون بعض الأغراض عندهم قائمة بالأشياء اللي مايتلقونها مما يحضرني منها الآن :

" الأفران ، الثلاجات ، الأثاث بأنواعها ، ..... " !!!