اختبار التوفل

حددي موقفك ,, تبين معهد كويس ؟ ولا تبين مكان تختبرين فيه التوفل ؟؟

عموما ً بجاوبك بالي اعرفه ,,
فيه اماكن كثيره في السعودية تختبرين فيها التوفل ٍ ,, بس طبعا التوفل بالنت مش التوفل الورقي ,, تروحين في وقت معين بعد الحجز وتختبرين عندهم على الجهاز ,, والاختبار سعرة الحالي في السعودية 185 دولار !! تحجزين من بدري ,, وتروحين تختبرين في المكان الي يحدده لك بعد ماتختارين المدينه الي تحبين تختبرين فيها ,, والدفع طبعا يكون اون لاين وقت الحجز ٍ
وهذا الموقع الي تحجزين منه ,, تختارين الدولة وتطلع لك المواعيد والمدن ٍ
http://www.ets.org/bin/getprogram.cgi?test=toefl

اشياء كثيره مافهمتها ٍ في اسئلتك ,, لكن التوفل اختبار امريكي ,, والايلتس اختبار بريطاني ,, والرائج ان التوفل افضل من الايلس ومعترف به في جهات تعليميه اكثر ,,

بالتوفيق ٍ

أخي العزيز.. أنا سؤالي هنا على حسب الكلام اللي سمعته.. قالوا لي: إن المعاهد اللي تقدم الامتحان ( وليس الإعداد للامتحان ) في المملكة ثلاثة فقط وبالنسبة للدمام فيه بس المعهد البقريط\اني وهذا يقدم امتحان الايلتز وليس التوفل والمعهد معهد بريطاني وليس أمريكي وبالنسبة للمبلغ اللي ذكرته كم يطلع بالريال االسعودي وبعدين سؤالي الثاني: هو لو بغيت أمتحن على النت مباشر يعني امتحان ليس ورقي فما المتطلبات اللزمة لذلك وهل يلزم ذلك أي رسوم مالية وكم تبلغ وكيف آلية الدفع؟؟ أتمنى يكون السؤال وااضح كذا

اختي انا اللحين قاعد احضر لامتحان التوفل عن طريق دورة بمعهد اي ال اس بالدمام ورسوم الدورة 3000 ريال


الاختبار الاساسي نفسه تقدرين تختبرينه بالدمام او الظهران عن طريق اماكن محدده ومعينة للاختبار

بعد ما تشوفين نفسك جاهزة للاختبار وتاخذين دورات وكل شي

تدخلين على الصفحة حقت التوفل وتحطين موقعك وبيطلع لك الاماكن الي فيها الاختبار

بعد هذا تسددين الرسوم وهي تقريبا 700 ريال عن طريق نفس الصفحة بالانترنت وخلاص تطبعين الورقة الي مكتوب عليها مكان وتاريخ الاختبار

تروحين هناك وبتحصلين اجهزة كمبيتور وعليها الاختبار وفي مراقبين موجودين .. تختبرين عندهم وخلاص هم يرسلون اختبارك

بعد شهر تجيك النتيجة عن طريق الايميل



انصحك تدربين جيد على الاختبار لانه مو سهل ولا صعب بس يبغاله تدريب لان فيه طريقة معينة من الاسئلة

بتحصلين بجرير كتب كثيرة عن هذا الاختبار او تقدرين تدخلين دورة تدريبية

بالتوفيق

نسيت اقولك ان اختبار التوفل الموجود بالشرقية حاليا كله عن طريق الانترنت

الفرق بين الكتابي والانترنت مجرد الورق فقط

جميع الجامعات حاليا يقبلون الكتابي والورقي

شكرا.. فهمت بس كيف آلية تسديد الرسوم هل لهم حساب معين وهل الإيداع قبل دخول الامتحان أم بعد.. ولو صار إني مااجتزت الامتحان وبغيت أعيده هل أدفع مرة ثانية ونفس المبلغ ولا يختلف السعر.. أنا ماخذة ببالي مسألة التدريب بس حابة أني أكون على نور من الأمر بكامله عشان بعدين مايضيع وقتي بالاسئلة

التسديد عن طريق نفس الموقع الي بتسجلين فيه الي هو موقع التوفل الرسمي

لازم يكون معاك بطاقة فيزا او ماستركارد وتدخلين الارقام الي عليها بالموقع وهم يخصمون مباشرة من حساب البطاقة وبعدها يعطونك المكان والوقت

يعني دفع الرسوم يكون عند التسجيل الرسمي للاختبار عن طريق الموقع (( يعني قبل الاختبار ))

الاختبار تدفعين رسومة كل مرة تختبرين فيها .. يعني كل مرة تدفعين 700 ريال تقريبا

في عدد معين للمرات الي تقدرين تختبرين فيها (( يعني ما تقدرين كل شهر تختبرين وهكذا )) وماني متاكد من عدد المرات ولكن اعتقد 4 مرات بالسنة كحد اقصى (( ادخلي على موقعهم وتاكدي ))


ومافي شي اسمه ما اجتزت الامتحان ,, الامتحان من درجات واقصى درجة 120 يعني لو اخذتي 120 هذا معناه انك جاوبتي كل الاسئلة صحيحة

وراح تجيك النتيجة بعد شهر عن طريق الايميل وبيرسلون لك شهاده

الشاهد من الكلام ان كل جامعة بالخارج تبي نسبة معينة بالاختبار يعني بعض الجامعات تقول ابي 80 وهذا معناه انها تبي 80 من 120

فرضا انتي جبتي 60 من 120

هذا معناه انك اجتزتي الاختبار وجبتي 60 وعندك شهاده بالشي هذا بس ما راح يفيدك بشي لان الجامعات تبي نسبة اكبر من الي جبتيها

هذا معناه انك تدخلين على مواقع الجامعات الي تبينها وتشوفين كم يطلبون بالتوفل

تقريبا معظم جامعات امريكا يبون 80 من 120

وطبعا هذه مو سهلة ولا صعبة بس تحتاج تدريب ودورات

اتمنى وصلت لك الفكرة كاملة

أي وضحت الفكرة.. وألف شكر على التفاعل والرد الواضح

مرحبا

أخوي عزيز لو سمحت ممكن تدلنا على معاهد في الشرقيه تدرب زيين لتوفل ؟

أنا سمعت أن في شهر 7 او 9 في دورة في جامعه البترول عندك اي معلومه عن هالشي

ارجو افادتي اذا ممكن

تحياتي لك ولللأخت أسيرة الأمل

أختكم هشووم

والله اختي المعاهد الي تقدم هالدورة ماهي كثيرة

انا سجلت بمعهد اي ال اس بالدمام قدام بنده الي جنب الواحة والدورة 20 ساعة ب 3000 ريال

ما بديت معاهم للحين ولا عطيتهم اي مبلغ بس افكر جديا عاليومين فيها

بس تنويهك ان جامعتنا تقدم الدورة بشهر 7 او 9 خلاني انردد لانهم بالتاكيد افضل بكثير

انا الي عرفته ان الدورة في جامعة البترول كانت بشهر 2 الماضي

عشان كذا عطيني فرصة اروح الجامعة واتاكد بنفسي وانشالله يكون بينا تواصل واخبرك بالموضوع

مشكورة عالتنوية