خاص باستفسارات المعيدين والمعيدات فقط.

معليش يمكن بطلع عن موضوع الابتعاث شوي
لو المعيد عندو شهادات حضور لدورات ومؤتمرات كثير هل تفيده في شيء؟ يعني ممكن ترفعه من الدرجه الرابعه مثلا الى الدرجه الخامسه ؟؟

هلا اختي ..

لا ما اعتقد انها راح ترفعه من درجه الى درجة اكبر ..

الي اعرفه ان المعيد يترفع من الدرجة الي هو فيها اذا كان

لديه خبرة في نفس مجال تخصصه ..

مثلا كان مدرس في وزارة التربية والتعليم ، لما يقبل

كمعيد ماراح يكون بنفس درجة الي توه متعين معيد بعد تخرجه مباشره ..

وعلى حسب سنوات الخبره راح تكون الدرجه وبناء عليها الراتب .

بالتوفيق يارب .

مشكور على الاجابه وجزاك الله خير

السلام عليكم ..

الله يعطيك العافية أخ معاند الجرح على حرصك و تعاونك ..

عندي استفسار ..

هل ممكن أن أقص التذاكر قبل صدور أمر الإركاب إلي ماراح يطلع إلا بعد صدور قرار الابتعاث ، و هذا الأخير ماراح يصدر إلا قبل السفر بكم يوم تقريباً ، و ذلك للإجراءات المعقدة و الطويلة ..

أخاف يروح علي الحجز و أتأخر بعدين بالسفر ..

هل هناك حل ما ؟؟ حتى ما يروح علي الحجز ..

يعطيك الف عافية اخي معاند الجرح
بعد معاناة 3 سنوات بدات الان اجراءات بعثتي ، كنت ارغب في اميركا لكن قدر الله ان محرمي يريد الدراسة في ايرلندا ( دبلن ) ، هل ايرلندا مازال الابتعاث لها مفتوح بالنسبة للمعيدين و المعيدات ام اغلق يعني الدول و الجامعات المغلقة و الموقوفة من قبل وزارة التعليم العالي للمبتعثين من برنامج المللك عبد الله يطبق علينا ام لا ؟؟؟
و اذا كان لا ؟؟ ممكن اقدم عقد قراني انو زوجي هو محرمي و احصل على استثناء و ادرس معاه في ايرلندا ؟؟
و سؤالي تاني انو زوجي يدرس على حسابه الخاص لانو متخرج من جامعة خاصة غير معترف فيها الان لدى التعليم العالي ( كل فترة تغير اعترافها بالجامعات ) هل ممكن اضمه لي كونه المرافق و ينضم للبعثة ؟؟


اسفه ع الاطالة ..
لك جزيل شكري و تقديري.......

وعليكم السلام ورحمة الله وبركاته

الله يعافيك يارب

بالنسبه للتذاكر ماتقدرين تقصينها الا اذا كان معك أمر الاركاب ، حتى لدرجة اني قلت لهم انا ادفع قيمة التذاكر
( عشان مايروح علي الحجز ) ورفضوا التعويض ، وقالوا تبي تقص التذاكر مو مشكله بس مانعوضك عنها
أو تنتظر امر الاركاب .
ولكن تستطيعين الحصول على أمر الاركاب قبل صدور قرار الابتعاث ، فقط يلزمك كتابة تعهد بأنك اذا لم تسافري
تعيدين لهم التذاكر .
ومن باب الاحتياط الافضل لك انك تحجزين على يوم آخر وحتى لو كان على غير الخطوط السعوديه
( ولكن اذا رغبتي بأن تستقبلك الملحقيه الافضل تشعرينهم بذلك )

الله يوفقك ويسهل عليك .

الله يعافيك يارب ، وسرني ماتلقيته من أخبار بخصوص بداية اجراءات ابتعاثك ، وأسأل الله لك التوفيق .
بالنسبه للدول المتاحه ، ماعندي خلفيه حالياً كافيه كونني خارج المملكه ، ولم أعد متابع للموضوع بشكل مباشر .
وقرار ايقاف الجامعات يسري على الجميع ( طلاب البرنامج والمعيدين وغيرهم )
بالنسبه لسؤالك الأخير ، نعم يستطيع زوجك الانضمام للبعثه والأمر سهل جداً .
في حالة استطاع زوجك الانضمام للبعثه حالياً( ايرلندا ) ، تستطيعين الدراسة في هذا البلد وحتى لو كان موقف حالياً .

الله يوفقك ويسهل عليك جميع أمورك .. اللهم آمين

أخ معاند

عودا حميدا

كيف وجدتم الأوضاع هناك


ووفقكم الله وسهل أموركم

أهلاً اختي فيثاغورسه ..

الأوضاع من افضل مايكون ولله الحمد ، معهد قوي ومتميز ومن أقوى المعاهد في امريكا ، مافي لعب ولا تساهل

ادرس وتعلم او بكل بساطه ارجع لبلدك !

مابي اصعب الامور ولكن الي بيمشي على الي يقولونه ( ويهتم بالهوم وورك أول بأول بيستفيد كثير ان شاء الله ، وراح يتعلم انجليزي ميه ميه ) مع انهم ذبحونا ذبح بالهوم وورك ، والي اعجبني الوسائل التعليميه الي يستخدمونها
بصراحه حقدت على تعليم الانجليزيه في السعوديه ، صدقيني يا اختي من كثر ماهم مهتمين فينا ، حطوا لكل واحد صديق امريكي يجلس معه ساعة في الاسبوع نجلس ونتكلم ونطور المحادثه شوي ( الخطوه هذه اختياريه لمن يرغب وليست اجباريه )
ويصير بلبل على قولتهم ، عني انا شخصيا استفدت كثير ( مع ان المده قصيره )
طبعا انا في جامعة اركانساس - واسم المعهد Study English at Spring International Language Center
وبصراحه انصح فيه كثير ( للي يبي يتعلم صح )

وبالتوفيق للجميع ان شاء الله .

السلام عليكم ورحمة الله وبركاته
لدي العديد من الاستفسارات وأتمنى أن أجد لها اجابة
أنا معيدة و زوجي هو مرافقي وسؤالي هو ماهي اجرائات ضم زوجي للابتعاث ؟ هل استطيع عمل ذلك قبل السفر ؟؟
اي اريد ان نذهب ويدرس على حساب الدولة .

الشيء الآخر هو موظف في نفس الجامعة التي أعمل بها هل يستطيع الحصول على بعثة من نفس الجامعة التي نعمل بها ( بحيث تحسب له سنوات الخدمة أثناء الابتعاث ) ؟