خاص باستفسارات المعيدين والمعيدات فقط.

الله يسهل أمرك
,, وينور دربك
بصراحة كان ودنا بهالجامعة ,,لكن ربك كريم


الأهل رفضوا امريكا رفضا باتا !!

السلام عليكم ورحمة الله وبركاتة
يعطيكـ العافية اخي معاند على جهدك ...
أخوي اذا معليك امر ياليت تساعدني إذا تقدر ...
أنا ارسلت اوراقي لجامعة بورتلاند للحصول على قبول في ماجستيربتخصص فيزياء بعد ذلك سمعت أن الجامعة مقفلة من قبل الوزارة ...
رحت ابحث عن اسماء الجامعات الموقوفة من موقع الملحقية وللاسف كان من ضمنها جامعة بورتلاند ولكن هي مقفلة بتخصصات معينة غير الفيزياء
الحين اذا جاء القبول هل راح يكون مقبول من قبل الوزارة في تخصصي او لا ؟؟؟

وبانسبة لمعهد اللغة التابع للجامعة يشملة الإيقاف ام استطيع الدراسة فية ثم الالتحاق بالجامعة ؟؟
وآآآآسفة جداً على الأطالة ,,, جامعتي كل يوم والثاني يسألوني وش صار بالقبول لاني تاخرت كثيروانا بصراحة ماادري وش اسوي .
ولك مني جزيل الشكر ...

اخوي معاند الجرح ربي يوفقك وجميع المسلمين وترجع وانت محقق امالك
بصراحة اخي الفاضل انا سمعت عن جامعه اركانساس وانها جامعه جيدة وحبيت اقدم عليها تخصص كيمياء بوليمرات او عضوية ودخلت على موقع الجامعه وبصراحة لغتي على قدي واستعنت بمترجم قوقل لكن ماكانت التخصصات واضحة فإذا تقدر تسأل عن هذا التخصص اكون لك ممتنة واذا كان فوق استطاعتك فلك مني جزيل الشكر وأسأل الله لك ولكل مبتعث التوفيق والسداد والنجاح

وعليكم السلام ورحمة الله وبركاته

أهلاً بالغالي ..

الي اعرفه ان الجامعه اذا كانت موقوفه فهي بجميع تخصصاتها ، وكذلك معهدها ..

ولكن تخصصك متوفر في جامعات كثيرة هنا في أمريكا وغيرها ..

ماتدري يمكن خيره لك يالغالي ..

الله يوفقك ويسهل عليك .. آمين

تسلمين اختي ..

للمعلوميه .. الجامعات الامريكية فوق 4000 جامعه وكليه ، ترتيب جامعة أركانساس 150 تقريباً ، يعني جامعة

قوية ، وبنفس الوقت مدينه رخيصه وهادئه ..

راح أسأل لك اختي ولأخي the life والله يكتب الي فيه الخير .. آمين

أخوي the life

تخصصك موجود يالغالي .. انصحك كثير بهذه الجامعه هذا رابط قسم الفيزياء U of A Physics Department

اختي ستايرين ، تخصصك كذلك موجود على هذا الرابط The Department of Chemistry and Biochemistry - University of Arkansas

وهذا ايميل منسقة القبول ‏ (ccunnin#uark.edu)

اسمها كاترين .. Catherine Lynn Cunningham


الله يوفقكم ويسهل عليكم ..

ياااااااااااااامعيدين ارجو الافادة منكم
يامعيدين انا قدمت على جامعتي طلبا للابتعاث لكندا بقبول معهد تابع لكلية الجونكوين
الزبدة بعد ماخلصت كل الاجراءات من تقديم الفيزا ( في مرحلة الانتظار) وخلصت امور السكن و مابقى غير قرار الابتعاث علشان اقوم بامر الاركاب حدث امر لم يكن في الحسبان وهو:
طبعا عرضت اوراقي على مجلس القسم وتمت الموافقة
ثم عرضت اوراقي على مجلس الكلية فمااااااذا حدث تم الرفض؟؟؟؟!!!!!
والسبب بأن المعهد غير تابع لجامعة شرط غريب!!!!!!!! متى نزل القرار اول مره اسمعه
سؤاااااااالي الان هل اذا احضرت قبول من معهد غير المعهد الذي تقدمت بطلب الفيزا به سوف يسبب لي مشكلة عند الدخول لكندا ؟؟ ارجوالتوضيح؟؟؟

وفقكم الله جميعا...

هل فيه أحد منكم من جامعة الملك خالد...

حياك اخوي ..

انا بتكلم لك عن امريكا .. طبعا اذا دخلت على معهد معين ودرست في غيره اكيد راح يسبب لك مشكله .

واعتقد ان نظام كندا مماثل لامريكا ، عموما آمل منك الاتصال بأحد الاخوان في قسم كندا وسوف يفيدونك أكثر ان

شاء الله .

بالتوفيق .

مشكور اخوي معاند الجرح ربي يسعدك وماقصرت
اسال الله الكريم ان لايحرمك اجر ماتقوم به من جهد