مساعدة جامعة الاميرة نورة والابتعاث !!

وعليكم السلام ورحمة الله وبركااتة
اول خطوة تسوينها استخراج الضمان المالي من ادارة التدريب والابتعاث في جامعتك ، وطبعا" لازم يكون معاك جواز السفر لانه يكتب اسمك في الضمان بالانجليزي فلازم يكون مطابق للجواز ولوثيقة
بعد ذلك يكون عندك التوصيات والوثيقة والسيرة الذاتية وخطاب الغرض من الدراسة وجميعها باللغة الانجليزية
بعد ذلك تأتي خطوة مراسلة الجامعات المرغوب الدراسة فيها والحصول على القبول
واذا احضرتي القبول يرفع لرئيسة القسم وبعد موافقة القسم والمجلس الكلية يرفع الى ادارة الجامعه للموافقة النهائية واصدار قرار الابتعاث
واثناء هذة المدة يرسل خطاب للوزارة التعليم العالي للموافقة على ابتعاثك وبعدها تأخذين امر الاركاب وتسافرين بالسلامة
ومن المتعارف علية ان الجامعات لاتحضر القبولات للمعيدين بل المعيد يحضر القبول بنفسه
موفقة لكل خير واتمنى ان يكون جوابي مفيد لك ولغيرك من الاخوة
دعوااتك لي بالتوفيق وتتسهل اموري

الله يسعدك اختي ستايرين

وحبيت اسالك اخت finly متى باشرتي في الجامعه وهل اعطوك الضوء الاخضر في البعثه لاني مقدمه عليهم ونفسي ابتعث على طول

حبيبتي امور الأبتعاث جداً سهله ..

اولاً اختاري الدوله وراسلي كم جامعة قويه فيها وارسلي لي لهم رغبتك بتخصص بالإنجلش وهذا التخصص كثير موجود في بريطانيا لأني بحثت عنه أكثر من مره ..
بعد ما يوصلك القبول قدميه لمجلس القسم مع خطاب رغبتك بالابتعاث وهم حال الموافقه راح يرفعونه لإدارة الجامعة لجنة التدريب والابتعاث وأتوقع ان المسئوله عنها هي الدكتوره سهام العيسى ..
خلال ما يصدر لك قرار الابتعاث من الوزارة استخرجي ضمان مالي واطلبيه من ادارة الجامعة وبعدها ترسلينه لجامعتك اللي قبلتي فيها واحتفظي فيه معاك واكيد الضمان المالي يتطلب اسم الجامعة بالشكل الصحيح وبأي دوله ومن ثم اسم تخصصك وبيانات عنك وهذه الاستمارة راح تجدينها في ادارة الابتعاث عند الدكتوره سهام ..
بعد ما تصدر موافقة الجامعة ويراسلون الوزارة فتابعي خطابك مع الوزارة وانتظري يوصلك خطاب القبول على البعثه وبعدها قدمي استمارة اخلاء الطرف لكليتك ويكون معاك امر الاركاب وبعدها سافري وكملي دراستك وان شاء الله ترجعين مرفوعة الراس تخدمين دينك ووطنك ...

الله يسهل لك طريقك واي خدمة فآمريني لأني مريت بهذه الظروف قريباً ،،،


أختك / نوره

اختي نوره انا مقدمه على جامعة الاميره نوره ومقدمه على البرنامج وانا نفسي بالاعاده والاهم اني اطلع على الابتعاث

اللي مخوفني اني اقبل في جامعة الاميره نوره ولا يبتعثوني

ابي مشورتك وخبرتك وتجربتك الله يسعدك

ستايرين - جزاك الله خير أسعد الله قلبك وسهل لك امورك ..توضيح رائع

,,,,,,,,,,,,,,,,,,




لي خدمة سنتين بالجامعه , ولما رحت واستفسرت بالعكس معطيني الضؤء الاخضر برغبتهم بابتعاثي ..


,,,,,,,,,,,,,,,,,,,,,,,,,,,

نورة العويد - الله يجزاك بالجنه ويسهل عليك غربتك ,,

واتمنى اطلع بعثه لبريطانيا للاسف الان مقفل الابتعاث لها لكثرة المبتعين السعوديين هناك ..

حصلت في فلوريدا بس متخوفه كثييير من الابتعاث لامريكا ..حيرة

حبيبتي ستارين عادي يا قلبي تقدرين تبتعثين بعد ما تخدمين بالجامعة سنه أو كذا شهر .. ربي يتمم لك على خير وهذا على حسب ما هو موجود في اللائحة ...

اختي فاينل يا قلبي قدمي على بريطانيا بالعكس معيدات الجامعات مفتوح لهم المجال وأنا ما رفضوا طلبي ولله الحمد والمنه ...


الله يوفقكم واستخيري قبل وربي يكتب لك اللي فيه الخير ...

88

غريبه كل مابحث في موقع الوزارة يطلع لي انها من الدول المقفل الابتعاث لها

اهلين اختي نورة
هل لازم اتابع الخطاب بنفسي مع الوزارة؟ لان لم يبلغني احد بهذه الخطوة ؟ وكم ياخذ من الوقت عشان يوصل خطاب القبول على البعثة ؟
هل خطاب القبول على البعثة هو قرار الابتعاث
ومتى اقدم استمارة اخلاء طرف؟
معليش لان دراستي قربت ولسى قرار الابتعاث ما صدر
الله يعين يا رب

عندي اسئلة عن جامعة الاميره نوره...الحمدلله انقبلت معيده ولكن مدري من وين اطلب ضمان مالي؟ وهل يعطوني الضمان على طول؟ والسؤال الثاني هل لازم اشتغل عندهم سنه كامله قبل الابتعاث ولاّ يتغاضون عن الشرط زي جامعة الملك سعود؟ يا ليت تجاوبوني لاني من جد حاسة اني ضايعة