معيد و مبتعث حالياً . . اقدر اطلع قرض من بنك سعودي ؟

اسعد الله اوقاتكم اخواني بالخير . .

انا معيد في جامعة سعود و مبتعث في امريكا . .
عندي استفسار لاهل التجربة في الموضوع . . هل استطيع الحصول على قرض من البنك وانا مبتعث . .
حاليا ينزل نصف الراتب في البنك في السعودية . . ومكافأة الابتعاث تنزل لي هنا في احد البنوك الامريكية . .

اتمنى ممن لديه اي معلومة حول الموضوع يفيديني فيها . . ولكم الشكر مقدماً

السلام عليكم ورحمة الله وبركاته

أسمحلي أضحك بصوت عاااااااالي على نفسي والقصة اللي صارتلي مع هذا الموضوع


باختصار:

كل بنك عنده حد أدنى يقرضك على أساسه (مثلا البلاد3آلاف أما الراجحي ألفين) والأهم عندهم كم ينزل في حسابك يعني مايعنيهم كم راتبك في ورقة التعريف
وطبعا حيخصمو ثلث المبلغ (33%) اللي ينزلك شهريا


واللي عنده وقت يقرا قصتي ويضحك شوية (بس موشماته طبعا) يقول بسم الله:
كان عندي قرض أخذته قبل أسافر للبعثة والحمدلله أموري ممتازة جدا
رجعت في أول إجازة عشان أتزوج حسب ترتيباتي ودخلت جمعية طلعلي منها حوالي 30ألف ريال
وجاتني الفكرة المجنونة ..... سدد الباقي من القرض وخذلك قرض جديد (يصير تنحل كل مشاكلي المالية بإذن الله...ههههاي تنحل)
وفعلا سألت البنك كم باقيلي وقاللي تقريبا 45ألف ريال
قلت مي صعب بإذن الله في سبيل القرض اللي بآخذه
وفعلا أتسلفت 10آلاف من صديقي (من والده) و5آلاف من الوالدة حفظها الله
وارتكبت الغلطة التي لن أنساها

سددت القرض وبعدين طلبت القرض الجديد (وطبعا جبت نفس الطلبات ورقة تعريف وورقة تثبيت الراتب ووو)

أنتظر وأنتظر (زواجي باقيله أسبوعين بالتمام)
ويرد علي موظف البنك ان الادارة قالت تنتظر الين الراتب ينزل في الحساب عشان يعرفو كم ينزلك؟
ويجيني بعدكذا الرد الصاعقة ...... رفض الطلب بسبب ان المبلغ اللي ينزلك أقل من الحد الأدني!!!!
أفهمهم وأشرحلهم...هذا نص الراتب الأساسي وأنا أصلا لي مكافأة أعيش عليها في الخارج وأقدر أثبتلكم....مافي فايدة
وأحجز وأطلع الرياض المركز الرئيسي للبنك وأدخل واسطات ويمين ويسار.....أخيرا نصيحة الموظف اني أغير البنك لبنك حده الأدني يتوافق مع المبلغ اللي ينزلي

كان باقي يومين وتبدأ اجازة الحج وزواج ثالث العيد.....والحل؟

الحمدلله الحمدلله الحمدلله قدر الله وماشاء فعل

أبشرك أتزوجت الحمدلله وبعد إجراءات تحويل البنك وطلب قرض وأفلااااااام وأنا توي عريس جديد
وماينزلي القرض الا يوم 17 صفر.....حتى اليوم ماأنساه...هههههههه

وقدرت أسدد ديوني اللي وعدت انها ماتاخذلها أسبوعين الا وهي مسددة .....

والأهم الدرس اللي أتعلمته:

ماتضيق الا وتفرج بإذن الله ومتى مايريد ربك تتيسر وانت مالك غير الفعل بالأسباب

آسف عالإطالة وعسى ربي يوفقك ويختارلك اللي فيه الخير

هلا والله

إجابتي وبعد إذن صاحب الموضوع أيضا:

المبلغ الأساسي59,020.16 مدة التمويل 60 الرسوم 3.99 المبلغ الكلي: 70,898.00
على أساس 40% من الراتب.....وعذرهم ان مؤسسة النقد تتطلع على القروض ولازم ماينخصم أكثر من 33% من الراتب اللي ينزل في الحساب

البنك هو الراجحي.....لأني كنت في البلاد بس البلاد لازم حدك الأدنى 3آلاف فحولت للراجحي لأنه يعطي اذا كان راتبك أكثر من 2ألفين

أنا وبصراحة أنصح بالبلاد لأنه عندهم عروض أحيان تكون مرة حلوة

وأهم شي انك تشتري أسهم وتشوف بنفسك ان أمتلكتها (يعني لك الحرية تبيع والا لأ....وأكيد حتبيع ولكن ليطمئن قلبك انك مادخلت في الحرام بإذن الله)

أشكرك على كلماتك الجميلة وأي خدمة حاضرين

وبالتوفيق

أخوي سلطان والله العظيم أني لك ناصح أمين
تكفى لا تآخذ قرض من البنك ولا تفكر في ها الشئ أبدا ، لو أضطر الأمر أنك تآكل من يدينك أكل منها بس لا تآخذ قرض
أنا أخذت قرض وعلى وشك نهايته ، والله العظيم اني ألعن اليوم اللي اخذت فيه القرض والعياذ بالله

نصيحه وعسى الله يوفقنا واياك لما يحب ويرضى ولا تنسانا من دعاءك

شكرا على ردك الوافي اخي الكريم ..

وبناء على تجربتك نستطيع ان نجيب على استسفار صاحب الموضوع .. بأنه يمكن للمعيد المبتعث الحصول على قرض خلال فترة ابتعاثه ولكن القرض سوف يكون على اساس راتب 40% وهو مايصرف للمعيد خلال فترة ابتعاثه .. بالتوفيق للجميع

اللهم اغننا بحلالك عن حرامك

الله يطيك العافية راعي على الرد . .
يعني القرض على نصف الراتب . . مو على الراتب مع المكافئة . . ؟ على كذا يعني القرض ماراح يزيد عن الستين الف مثل ما ذكر نبض
الله يعطيكم العفاية عالتوضيح . .