استفسار كم الوزن المسموح وكم شنطة للمسافر لامريكا الخطوط السعودية

عليكم السلام ورحمة الله

المسموح لك على الخطوط السعودية شنطتين سفر كبيره وزن الوحده منهم ماتتعدى 32 (اثنين وثلاثين) كيلو
على الخطوط الالمانيه انا طلعت عليها سمحولي شنطتين وزن الوحده 23 (ثلاثه وعشرين) كيلو
وتقدر تدخل على موقع الخطوط السعودية وتتأكد بنفسك على هالرابط
Baggage Services




بالنسبة للرحلات الداخليه مدري وش نظامهم
يعني انا دخلت شنطتين بالعفش وخذو علي 4 (اربعه) دولار بس!!

واخوي دخل شنطتين واخذو عليه 60 دولار!!


صراحه ماادري وش الوزن المسموح
ان شاء الله الاخوان يفيدونك اكثر عن الرحلات الداخليه..
تحياتي

على الخطوط السعوديه
شنطتين مقاس 32 كيلو واذ معاك طفل يكون له 10 كيلو بروحه

بس حبيت اسأل يعني لو بغيت اخذ وحده زياده تكون سبورت او المقاس الصغير ادخله الطياره واحطها بالدرج اللي فوق المقاعد عااادي والا تحسب علي؟؟؟
وعربه الطفل تحسب والا لا؟؟

يعطيكم العافية ما قصرتوا واللي اعرفه انا بالنسبة للطيران الداخلي اذا جبت لهم كعب البوردنق وعرفوا انك جاي من رحلة دولية يتساهلون معك..... بالتوفيق للجميع

والله أنا ما عندي خلفية عن الوزن بالضبط لكن أنصحكم تسجلون في بطاقة فرسان في الخطوط السعودية
يسمحون لكم بوزن إضافي و أيضاً لكم أولوية على قائمة الإنتظار << خخخخ حاس اني مندوبهم

مرحبا ....
1- الرحلات الدولية : من الرياض/جدة إلى واشنطن/نيورك يسمح لكل مسافر شنطتين بوزن 32 كيلو من غير أغراض الطفل كعربية واغراض الابتوب ...
2- الرحلات الداخلية (بين مدن امريكا ): لابد الوزن لايتجاوز عن 23 كيلو ... وهذي مشكلة لأغلب السعوديين لانك تضطر تقلل الوزن الذي احضرته معك .. والا هناك غرامة 100 دولار لكل شنطة تزيد من 23كيلو ..أو تشتري شنطة زائدة من المطار وتوازن فيه أغراضك .. باختصار أمريكا ماعندها مشكلة في عدد اغراضك بس أهم شى لايزيد عن الوزن المطلوب ..
هذا ماحصل معي يوم 5 اكتوبر..

أفضل قرار انا اتخذته على عجل هو احضار عربة الطفل معي بصراحة كانوا متعاطفين مع اغراض الطفل سواء شنطة الحليب أو عرباتهم لذلك لاتتردد في أخذها معك وراح تدعي لي ....
بالتوفيق ...

الف شكر للجميع على التعاون . وتحياتي للجميع

الله يعطيكم العافية على جميع المعلومات المطروحة التي تفيد الكثير,,,,,

بالنسبه للرحلات الداخليه فان اميركان اير لاينز تسمح لك بنفس وزن الخطوط اللي انت جاي عليها بشرط انك جاي على رحله دوليه

ويتاكدون من تذاكرك يعني ماياخذون اي شي عليك