اليوم الصباح كنت بوزارة التعليم العالي " لاستبعد الاشاعات " الفائدة للجميع

August 2nd, 2010, 01:04 PM

ماعلينا منه ندخل موضوعنا

" تنبيه " ( اقسم بالله ان الكلام اللي بقوله الحين جد صار بالمعنى وليس حرفيا ) ابيكم تتطمنون لاني والله ما احب اشوف احد الناس خايف وشايل االهم

مشيت للرياض بعدها طوالي ومن الحماس وصلت الوزارة 7 واهم مايداومون الا 8


اول ماكلمت الرجال قلت له انا من الناس اللي قدموا عالمرحلة السادسة اهو بالبداية استغرب قال وش تبي

اول شيء سألته قلت انا عندي بعض البيانات بشهادتي خاطئة وتم تعديلها من ادارة التعليم وعطوني شهادة مكتوب بدل تالف

قلت تمشي بدون مشاكل ؟؟ قال ايه المقصد من ان احنا نحط ممنوع بدل فاقد عشان ما احد يسوي ذيب ويجيب بدل فاقد ويسجل عندنا

وشهادته الاصلية بجامعة قلت يعني وش قال مو مهم احنا راح نتواصل مع الجامعات باسماءكم واللي مسجل راح تنلغي بعثته

قلت طيب انا مقبول بجامعة وطالبين ملفي وانتوا تقولوا لاترسلوا ملفك لجامعة

اخاف ما انقبل هنا ولا هنا

قال لي انت منطبقة عليك شروطك قلت ايه قال اضمن البعثة باذن الله

قلت يعني ما اقدم عالجامعات قال لا

قلت ما ارسلهم شهادتي بعدين اخذها منهم قال لا لا افقع وجهك << كذااااب وربي ماقالها هههههههههههههه

،،

الخلاصة ياشباب من الموضوع

اذا انت مستوفي الشروط و تبغى البعثة وخايف من سالفة الشهادة ومن هالكلام اقول قدم عالبعثة وتطمن وخل شهادتك معاك

تقولون لي لو صار شيء لاسمح الله وما انقبلنا ايش بتفيدنا انت

اقولكم بالعكس من مصالحنا هالكلام نروح ونحتج ان اهم قالوا لاتقدموا عالجامعات وبالنهاية مايقبلونا

يعني روحوا طلعوها من ورى خشومهم

وانا بفقع وجه اللي جاوبني اليوم هع

،،


،،

شطحه :

هالفيس عجبني مدري كيف دخل هنا بهالمنتدى ههههههههههههههه >> oo:

تابعوه للنهاية هع سلملم شباب

• نشر عبر تويتر
• نشر عبر فيسبوك
• نشر عبر جوجل