الأعضاء الإشتراك و التسجيل

نسيت كلمه المرور
الملتقيات
ADs

بما ان اختبار الـ IELTS شرط في الابتعاث ::: شرح كامل لطريقة التسجيل في الاختبار :::

بما ان اختبار الـ IELTS شرط في الابتعاث ::: شرح كامل لطريقة التسجيل في الاختبار :::


NOTICE

تنبيه: هذا الموضوع قديم. تم طرحه قبل 5212 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AmD1095
    AmD1095

    مبتعث جديد New Member

    AmD1095 البرازيل

    AmD1095 , ذكر. مبتعث جديد New Member. من الإمارات العربية المتحدة , مبتعث فى البرازيل , تخصصى طب , بجامعة نوت يت
    • نوت يت
    • طب
    • ذكر
    • لول, وات ايفر
    • الإمارات العربية المتحدة
    • Aug 2010
    المزيدl

    August 20th, 2010, 03:15 AM

    August 20th, 2010, 03:15 AM

    السلام عليكم ،،

    كيف الحال جميعا ؟ كيف اعصابكم ان شاء الله هاديه

    اولا ياغالين اتمنى ترجعوا لموضوعي هذا اللي يبين أهمية اختبار الـ IELTS في الابتعاث


    طبعا بعد ماتقرأون الموضوع راح تفهمون ان اللي يحصل على درجة عاليه في الـ IELTS (( سواء 5 او اعلى))

    راح تكون عنده فرصه وميزه عن غيره للأبتعاث في الدوله والتخصص اللي يرغب فيها

    بما ان الاختبار بهذي الاهميه حبيت اساعدكم بكل خطوات التسجيل ،،


    ما تحتاجه للإختبار : -

    - صورتين شخصيتين بحجم الجواز ( بدون نظارات )


    - جواز سفرك وصوره منه او بطاقة الهويه الوطنيه وصوره منها

    - الاستماره الخاصه بالتسجيل (( حمل الاستماره الخاصه بالسعوديه من هـــنآ ))

    مواعيد الاختبار في جده الرياض والدمام تقدر تشوفها من هــنآ


    ملاحظه : المتطلبات اعلاه يجب تسليمها شخصيا الى القنصليه البريطانيه باحد المدن الثلاث

    بالنسبه للخبر القنصليه في ابراج الراشد الدور السابع : )

    طيب والحين راح اشرح لكم بالتفصيل طريقة تعبئة استمارة التسجيل ،،





    1 : الصوره الشخصيه حطها هنا
    2 : الصوره الشخصيه الثانيه

    3 : هنا تكتب وقت الاختبار اللي تبيه ،، طبعا بعد ماتشوف مواعيد الاختبارات في الرابط اللي عطيتك فوق

    4 : في حالة عدم وجود اماكن شاغره في الاختبار اللي تبيه ،، هنا اكتب موعد اخر للاختبار

    5 : أكتب اسم العائله كما هو مكتوب بالجواز < بالأحمر عشان ابين لك انها مهمه جدا

    6 : أسمك الاول واسم الاب

    7 : اختار Mr اذا ولد ،، Mrs اذا بنووته

    8 : هنا اكتب العنوان ومهم جدا تكتبه بدقه لان هنا راح يرسلون نتيجة الاختبار ،، ونسخه واحده منها فقط

    9 : رقم الجوال او الهاتف

    10 : الايميل

    11 : تاريخ الميلاد

    12 : M ذكر ،، F انثى << ضع دائره

    13 : هنا حط رقم جوازك او رقم الهويه < ولا تنسى تحط صح على اللي جبته منهم

    14 : الجزء اللي بالأسفل هذا كلله مالك علاقه فيه ،، لا تكتب فيه شئ ابدا







    15 : اوك هنا ركز معي شوي ،، الحين يقولك اكتب كود الدولة حقتك ،، وحاط جمبها ثلاث مربعات

    لو تشوف الاوراق الاخيره ( رقم ii ) في الاستماره راح تلقى كل دول العالم تقريبا وكل دوله جمبها كود

    الصوره توضح :



    مثلا السعوديه جمبها كود 167 ترووح تكتبه في رقم 15 في الاستماره وتحته مكتوب

    Country or Region of origin ( name ) << هنا اكتب الدوله Saudi arabia

    اتمنى تكون وضحت الفكره لأن راح نستعملها كثير قدام

    طيب نكمل

    16 : لغتك الاولى ،، نفس الكلام لو تروح للورقه رقم iii فيها كل لغات العالم تختار منها العربيه

    الصوره توضح



    تروح وتكتب في 16 الكود حق العربيه اللي هو 005 ،، وتحتها تكتب Arabic


    17 : القطاع او الوظيفه وتلقاها في الورقه رقم iv (هنا تكتب الكود 08 الخاص بالتعليم)
    18 : سبب اخذ الاختبار ،، والاسباب كمان موجوده في الورقه رقم iv ( هنا تكتب الكود 03 لأسباب الدراسه )

    شوف الصوره




    اعتقد واضحه ،، نكمل

    19 : اي من الدول التاليه تبي تبتعث لها ، طبعا اغلب الدول الموجوده مايبعثون لها عشان كذا حط صح على
    other , please specify واكتب الدوله

    20 : هنا حط صح على Academic ،، الجينرال خاص بالناس اللي بتقدم على جنسيه ومدري ايش ( مايهمك )

    21 : هنا تبي الاختبار على ورق او على جهاز ،، اختار اللي يعجبك

    22 : يسالك هل اختبرت الـ IELTS قبل ؟ نعم او لا

    23 : هنا تكتب معلومات الاختبار لو اخذته قبل ،، اذا حطيت في 22 لا عد النقطه هذي

    24 : وين تدرس انجلش حاليا ؟ اكتب اي معهد درست فيه انجلش قبل

    25 : يسألك عن مرحلتك الدراسيه ،، اختار الثانيه كونك متخرج من الثانوي

    26 : كم سنه درست انجلش ؟

    27 : هل انت ذوي الاحتياجات الخاصه ،، نعم لا




    28 : هذي والله العالم اتوقع انها اختياريه ،، لانه يقولك اكتب اسم شخص او شركه عشان نرسل لهم نتيجة من اختبارك ،، عموما في حالة انك تعرف شخص معين او تشتغل في شركه عبيها كما يلي :

    29 : اسم الشخص
    30 : اسم المعهد
    31 : رقم ملفه
    32 : عنوانه

    انا ماهتميت فيها لأان مابي احد يشوف نتيجتي اصلن :$



    هنا خرابيط حقوقك وتعليمات واشياء مالها داعي ،،

    33 : توقيعك
    34 : تاريخ اليوم اللي بتروح فيه القنصليه وتسلم الاستماره


    -----------------------------------

    كذا تكون انهيت الاستماره بالكامل


    ارفق معها الصورتين وصوره من جوازك او هويتك مع نسخه منها


    وروح القنصليه وتوكل على ربك

    وكذا اكون انهيت شرحي المتواضع

    للعلم الموضوع من مجهودي الشخصي ، دعوه بظهر الغيب تكفيني

    شكرا لكم من القلب واتمنى من كل قلبي لكم الابتعاث وترجعون لنا بشهادات تررفع الراس

    روحووووا يا شباب الوطن : )

    تفضلوا للمذاكره هذا الرابط
    http://www.mbt3th.us/vb/forum52/thread173137.html
  6. شكرا جميعا للمرور والتقيم

    haio << يابنتي يفيد بأشياء كثيير ،، هذا بضمن لك التخصص والدوله اللي رغبانه فيها لو جبتي فيه درجه عاليه ،، ادخلي موقع الوزاره وشوفي ايش مكتوب هناك عنه

    سكر زياده < اسم حلوو ع فكره : ) ،، المهم راسلتهم بهالخصوص وكان ردهم ::

    سيم الاختبار بالسعوديه قبل صدور قرار الابتعاث

    وشكرا
    الصورة الرمزية AmD1095 AmD1095

    August 20th, 2010, 03:43 AM

    7 "
  7. الله يعطيك العافية اخووي , بعد إذنك حاب اضيف بعض النقاط ..


     * معهد البرتش كاونسل في جدة يقع في طريق الملك عبدالله >> الفارسي سنتر >> الدور الرابع ..


     * قيمة الاختبار : 825 ريال ..

    * انا انصحكم تسجلون في اختبارين على الاقل , لسببين :

     السبب الاول : لان التسجيل لازم يكون قبل الاختبار بشهر او شهر ونص ..
    السبب الثاني : عشان تستفيد من الوقت لانك لو اختبرت وما جبت الدرجه المطلوبه الاختبار الثاني جاهز ما عليك الا تستعد له اكثر , طبعا بين كل اختبار واختبار اسبوعين بالضبط ! والوقت ما هو بصالحكـ افترضنا لو بتبتعث في شهر صفر واحنا برمضان يعني امامكـ تقريبا 4 شهور ,لا تقول قدامي وقت انت اصلا ما تعرف مستواك يعني من بكره روح سجل ..


    * طبعا في مواضيع كثييره تتكلم عن هذا الاختبار في مبتعث تفضلوا :

    http://www.mbt3th.us/vb/forum66/thread79451.html


    http://www.mbt3th.us/vb/forum52/thread161104.html


    http://www.mbt3th.us/vb/forum52/thread60253.html


    http://www.mbt3th.us/vb/forum113/thread119056.html


    هذا الموضوع يعتبر من افضل المواضيع :
    http://www.mbt3th.us/vb/forum107/thread151370.html


    http://www.mbt3th.us/vb/forum66/thread96779.html


    بالتوفيق للجميع ..
    تحياتي ..
    الصورة الرمزية abu yagop abu yagop

    August 20th, 2010, 04:18 AM

    7 "
  9. المشاركة الأصلية كتبت بواسطة سكر زياده
    يعطيك العافيه صراحه
    بس حبيت اسالك نختبره بعد مانروح دوله الابتعاث ولا
    اقصد نختبره هنا بالسعودييييه قبل مانروح دوله الابتعاث
    اذا عندك خبر او اي احد يشوف ردي يرد عليي =)
    اوكي ...
    اثناء التسجيل في المرحلة السادسة وعند اختيار احدى الدول التالية (( هولندا , بولندا , المجر , التشيك )) تطلع لك العبارة التالية : يجب حصولك على على 5 في اختبار الايلتس والا لم يتم ابتعاثك !

    طبعا انا راسلت الوزارة وهذا كان ردهم :

    " وكالة الوزارة لشؤون الإبتعاث
    ( برنامج خادم الحرمين الشريفين للآبتعاث الخارجي )
    عليكم السلام ورحمة الله وبركاته
    اخي الطالب: سوف يكون الاختبار في السعودية قبل صدور قرار الابتعاث "


    عشان كذا يا شباب لا احد يستهين بالايلتس استعدوا له من الان !
    الصورة الرمزية abu yagop abu yagop

    August 20th, 2010, 04:27 AM

    7 "
« سؤال في الايلتس | مساعده تكفون »
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.