نصيحي لكل مبتعث بيترك وظيفته علشان البعثه

انا رآيي لو انك مستقر بوظيفه ممتازه خليك عل وظيفتك الا لو انت طموحك انك تدرس هذا شي راجع للشخص نفسه ووقتها اتوظفت او لا انت و نصيبكوالانسان يستخير في كل اموره .

والله مشكور على النصيحه
ونعم ارأي
مافي احسن منه
لانه اللي يتركون وظايفه املهم قليل لايجاد افضل من الوظيفه اللي تركوها

مو شرط يكون الأمل قليل

عندك واسطه بتمشي أمورك وتتوظف طبعاً بعد توفيق الله

أعرف شخص ما كمل شهر بعد التقديم على وظائف واتوظف بشركة محترمه وراتب محترم وبدون واسطه

كل شيء يمشي حسب التساهيل

وطبعاً محد بيرجع وعلى طول يلقى وظيفه لأنه التقديم يآخذ وقت وعمل مقابله وووووو


كل واحد واقتناعه

اشكرك sweeeet عل مرورك الكريم . الله يوفق الجميع امين

اكيد كل شي بتوفيق من رب العالمين
وطبعا التقديم وايجاد الوظايف يبغالها وقت
بس انا طرحت موضوع انصح فيه كل اللي يتركون وظيفتهم براتب حلو وبعدين مايلقون نفس الراتب
فصارت البعثه تطوير للعلوم(طبعا بالنسبه لبعض الناس) وليست تطوير لمصدر الدخل(اللي الكل يطمح في انه يكون عالي)
ومشكوره اختي على تواصلك الكريم

عندي قصه حبيت تقرونها واذا هي مطروحه قبل كذا اعذروني....................... ..!!!!!!!
@ ____________________________@
حجرف الذويبي من قبيلة حرب و اشتهر بالكرم في وقت شحيح يقل فيه المال والحلال ,ومن شدة كرمه أن اللي بيده ماهو له لو لم يجد شيئاً يذبح شاةالبيت أو يذبح مطيته اكراما للضيف ,وفي كل مرة كان ربعه يجمعون له من الابل ويعطونه بدل ماراح منه في سبيل الكرم . . . وكلما جمعوا له من إبل أو غنم راحت بين ذبح للضيوف ا وعطية لرجل يجيه تعطى المهم ان حجرف بطيبه كل ماجاءه حلال راح من طيبه وكرمه وهذا هو على الحال وخلص حلاله كله بالكرم , المهم أن ربعه ناوين الرحيل أهلكهم بالذبح وقرروا أن يرحلوا ويتركوه ,وبالفعل رحلوا وتركوه وهو ينظر لهم فلم يلتفت إليه أحد حتى بقي في مكانه وحيد وبالمساء اخذت زوجته تلومه وتحاول أن تنصحه بأنه لو كانت لديه مطيه كان لحق بربعه المهم مانام حجرف ليلته وعرف أن ربعه يبونه يتخلى عن طبع اشتهر به وعرف نفسه من خلاله وهو لا يستطيع
المهم مع فجة النور طلع حجرف من بيته وهو مهموم ويفكر وهو يصعد فوق ذاك الضلع وبعد أن جلس وتلفت الا داب أعمى يطلع من جحره فاتح فمه ولا يتحرك ثم يجي الطير يوقع على فم الداب يحسب أنه غصن شجرة ثم يأكله الداب ويدخل جحره و حجرف يراقبه حتى جاء وقت العصر ونفس المرة الآولى الداب يطلع مره ثانية ويفتح فمه ويجي طير آخر ويوقع في فمه ويأكله ثم يدخل لجحره عرف حجرف أن الذي يرزق هالحية يبي يرزقه
فقال الأبيات التالية:



يقـول ابـن عيـاد وإن بـات ليلـه

مانـي بمسكيـن همومـه تشـايلـه

أنـا اليـا ضاقـت عليـه تفرجـت

يرزقنـي اللـي ما تعـدد فضايلـه

يرزقنـي رزاق الحيـايـا بحجرهـا

لا خايلـت برقـن ولا هـي بحايلـه

ترى رزق غيـري يا ملا ما ينولنـي

ورزقي يجـي لو كل حـي يحايلـه

جميـع ما حشنـا نـدور بـه الثـنا

وما راح منـا عارضنـا الله بدايلـه

نوب نحوش الفود من ديـرة العـدا

ونخـزز اللـي ذاهبـاتـن عدايلـه

خزن بالأيدي ما دفعنـا بـه الثمـن

ثمنها الدما بمطـارد الخيـل سايلـه

مع لابتن فرسان ننطـح بهـا العـدا

كم طامعـن جانـا غنمنـا زمايلـه

نكسـب بهم وننـزل بهـم خطـر

والله مـن قفـرن رعينـا مسايلـه



وبعد مارجع حجرف لبيته الا وسبحان الله إلا والابل حول بيته يحسب أنهم ضيوف ويوم وصل لها إلا ابل تايه فعقلها والصباح رحل عليها وتبع قبيلته 000
للامانة منقول

مشكووووووووووووووووووره اخت طموووحة
على القصه الجميله
والارزاق كلها بيد الله سبحانه
ونحن نؤمن بهذا الشي ولله الحمد
بس عصفور باليد احسن من عشره على الشجره
والله يوفق الجميع

العفو

الله يوفق الجميع

الاستخارة اولا واخيرا
و الارزاق بيد الله

اشكر صاحبة الموضوع

وبالفعل كما ذكرت الشخص لابد ان ينظر بالسلبيات قبل الايجابيات

لو ان شخص لديه راتب ممتاز ولديه اسره واطفال ويترك وظيفته

من اجل البعثه التى تعتبر مستقبل مجهول الحقيقه ان هذا الشخص

اتجه الى طريق خطاء ...

لانه بيكون دخل نفسه وعائلته بمستقبل شبيه بسوق البورصه والاسهم

لايوجد ضمان لها ....

بعد مكان مرتاح واموره مستقره يخاطره هذه المخاطره

بصراحه هذا طماع وطمعه غير محمود لانه من الممكن يضيع كل شي

وبصراحه انتى انسانه تستحق ان يطلق عليها ام وزوجه لانك ضحيتي بشى ثمين من اجل

شي اثمن منه اللي هو مصلحه اسرتك الله يبارك لكى بزوجك وعيالك

بس عاد مو كل شوي تقلبين راس الرجال انا سبت البعثه على شانك<<<< يمزح هههههههههه

تحياتي