محتار تختار اي دولة للطب ، تفضل واقرأ (متحدث )

انا عندي سؤال وهو :-

في المانيا تكون دراسة الطب باللغة الالمانية ؟

وهل هذه المعلومة صحيحة انه شهادة بكالوريوس طب تعادل بماجستير في السعودية؟

و شكرا ...

شكرا على الموضوع الاكثر من رائع وتمنياتي لكي بالتوفيق وان شاء الله العوده بااعلى الشهادات احب اشكرك مره تانيه لانو اغلب اعضاء مبتعث من المرحله الخامسه تلاشو والله اعلم فين مش كلهم اغلبهم .
مع انهم كانو يستفيدو من المنتدى بس الان بعد الذهاب الى بلد الابتعاث لا حس ولاخبر للاسف صديقاتي منهم
وعندي سوال لقافه مني اذا حابه تجاوبي واذا مش حابه عادي انت من المبتعثين لكوريا الجنوبيه؟؟؟؟

وممكن تتكلمي عن البلد الي ابتعثتي فيها واي ممكن يفيد الطلاب للمرحله السادسه ؟

اهلا أخوي ..

الدراسة باللغة الالمانية صحيح ..

واعذرني غلطت في الموضوع لما كتبت ان كل الدول تدرس باللغة الانجليزية ..

المانيا باللغة الالمانية ..

ايوا صحيح واذا حاب تتأكد أكثر

تفضل الى قسم الدول الاروبية في مبتعث وروح الى قسم المانيا واطرح سؤالك ..
وان شاء الله تشوف الاجابة الصحيحة الاكيدة ..

الله يعافيك ..

مشكور أخوي على ردك

بس ليش الحيرة ، التسجيل ما بقى عليه شي ..

اذا تبي اي سؤال اي معلومة تزيل الحيرة تفضل وان شاء الله اساعدك

موفق

العفو ولو .. ما سوينا الا الواجب ..
ولا تشكريني ، احنا لبعض ان شاء الله

وشكرا لدعواتك الحلوة ..

فعلا طلاب دفعات الخامسة واللي قبلها نادرا وجودهم مع أن المرحلة السادسة بأمس الحاجة النا وهم مروا في هذي المرحلة
واتمنوا اي شخص يساعدنا باي معلومة ولو قليلة ..
بس أكيد هم مشغولين الله يوفقهم ..


أيوا اختي انا من طالبات كوريا طب بشري ..

بصراحة كوريا شي رائع جدا خصوصا بأن ثقافة شرق آسيا ثقافة عميقة جدا وكبيرة وللأسف ليس منتشرة لدينا
كثر ثقافات الغرب وامريكا لوجه التحديد

الشي الممتع الجميل في كوريا ، بأن الشعب طيب ، ومتفهم لدرجة كبيرة مع أنه منغلق على نفسه شوي
ويحترموا الاسلام والمحجبات بشكل عام مع ندرة وجود المسلمين فيها لكن الحمد لله في العاصمة
فيها جامع ومدراس اسلامية ومحلات تجارية اسلامية ..
والشعب مثقف جدا

نجي للدراسة والجامعات ، جامعات كوريا جامعات قوية واليها مكانتها وقوتها بين الجامعات في جميع التخصصات
والشي اللي يخلينا نحب كوريا هي الدكاترة وطيبتهم ..

كوريا بشكل عام متطورة جدا عشان كدا حبيت الدراسة فيها ، بالرغم من كثررة الاقاويل عليها لأن الشعب غير متحدث للغة الانجليزية
وأن الدراسة ستكون بلغتين ، لكن بالنسبة لي شي جميل لأني في النهاية بكون الرابحة أنا
ومثل ما قلت ، السعودية تحب تنوع الشهادات ، اذا كلنا رحنا دولتين او ثلاث ، ما راح نستفيد ونفيد بكثر
لو رحنا الى مناطق نادرة اللي احد يروح الها بالرغم من قوتها .. احنا بكون مميزين والكل يبغانا ..
ولازم الواحد يفكر بالوظيفة بعد ..
لو جينا ، وكنا مميزين ، أكيد كثير من الناس راح يتمنونا نكون عندهم ونشغل عندهم ..

ولأن كوريا التطور فيها كبير جدا ، والدراسات فيها لا تنتهي مهما حدث ، شرف عظيم أكون في هذه الدولة ..

وطبيعتها حلوة ، وأجوائها حلوة ،، وعشان نحب الدولة لازم يكون شعبها محترم وطيب وذو أخلاق رفيعة
وهذا ما لاحظته فعلا

كل هذا وأكثر ..

ومثل ما قلت كل دولة فيها مميزات أحلى من الدول الثانية

والمبتعثات اللي مرافقيهم يتمنوا يدرسوا مجالات هندسية .. كوريا المحط الأكبر الهم .. لأن كوريا في الهندسة والتكنلوجيا لا غبار عليها ..


حبيت افيد باللي عندي ، واتمنى لكم التوفيق في اختيار الدول

يعطيك العافيه


وتسلم الانامل على الموضوع القوي

بصراحه موضوع رائع والله يعطيك العافيه ويوفقك واتمنى الكل يقيم اموضوع ..