طلاب الماستر فقط الناويين على المرحلة السابعة ... هنا الاستفسارات والنقاش

تكفون ريحوني .. يقول الله تعالى ( ومن يتق الله يجعل له مخرجآ * ويرزقه من حيث لا يحتسب )

أنا الشروط تنطبق علي بس معدلي ع الحفه 3,80 من 5 هل فيه مفاضله ؟
مشاء الله معدلك ممتاز , وبالعكس مو على الحفة _ وأبشرك إنك مقبولة 100% _ لكن أهم شيء إذا سجلتي بياناتك .. تأكدي منهن 100% _ لأنه لايوجد مفاضلة _

هل راح يفتحون الابتعاث لاستراليا ؟
نعم إستراليا وبريطانيا ضمن المدن المتاحة في المرحلة السابعة _ وإذا تبين تتاكدين .. إدخلي ع موقع وزارة التعليم العالي وتلقين شروط المرحلة السابعة ودول الإبتعاث والتخصصات المتاحة ..


أنا بأتملك بعد رمضان بإذن الله ألف مبروك مقدمآ
.. ولو أكرمني ربي وحصل لي ببعثة بيكون هو المرافق
كيف أتصرف ؟
ج/ للأسف ماتقدرين لأن مرحلة التدقيق راح تكون في رمضان _ لكن مالك إلا حل واحد .
أقترح عليك إنك تخلين أخوك مرافق لك وتسجلين اسمه كمرافق لك ,, وإذا وصلتي بلد الإبتعاث وبعد ماتنهين فترة اللغة إنتي وأخوك _ تقدمين على الملحقية " طلب تغيير المحرم " وبعد ماتنتين من الإجراءات يجي زوجك للبلد اللي إنتي فيها ويصير محرم لك , وأخوك يرجع للسعودية لأنه لايجوز أنه يكون معك مرافقين اثنين .._ وبالطريقة , يكون أخوك أتقن اللغة الإنجليزية بطلاقة ... " يعني عصفورين بحجر واحد " ::

أحط اسم اخوي مؤقت بعد الملكة أغير ؟

شكرا أخ أبو بشار أختيار موفق للموضوع فنحن بأمس الحاجة لذلك .. ولو " ياعيب الشوم " هههههه
بالنسبة لي : تخصصي كيمياء عامة --تربوي --- معدلي 4.2 من 5 _ " ماشاء الله لاقوة إلا بالله " لكن نصيحة ياخيتي : لاتكتبين معدلك لأن الناس ماتعطي خير ..ولاتنسين إن العين حق
حابة أبتعث هالسنة بس محتارة فالتخصص ... محتارة مابين الكيمياء الحيويه وتقنية النانو _
ليش إنتي ماقريتي التخصصات للمرحلة السابعة , لأن تخصص " تقنية النانو " ليس ضمن التخصصات المتاحة للمرحلة السابعة .
ونصيحتي لك كملي بنفس تخصصك . لأنه مرغوب بالحيل وله مستقبل باهر _ ولاتخافين من الدراسة برا من ناحية الصعوبة _ لأنه " من جد وجد ومن زرع حصد " __ ولاتنسين إن نظام التعليم في أمريكا ودول أوروبا مو مثل نظام التعليم المطبق في بلدنا __ ومن وجهة نظري أنا أشوف إن نظام التعليم عندنا __ " فاشل " بكل المقاييس .. ماعدا جامعتين أو ثلاث .. ومو أي واحد يقدر يدرس فيهن .

وشنوأفضل الجامعات اللي تعطي كورس فهالمجال وياليت تكون بأحد هالدول ( كندا - استراليا - بريطانيا )

بالنسبة لتخصصك , متوفر بأغلب الجامعات الموجودة في الدول اللي ذكرتيها ,,, لكني أنصحك في مدينة الضباب " بريطانيا " .. وخاصة جامعة ( برمنجهام ) أو جامعة ( نوتنجهام )
لأنهن يعتبرن من أفضل الجامعات في تخصص الكيمياء _ وكذلك القبول في بريطانيا مهو معقد مثل بعض الدول ..
أما بالنسبة لكندا , فاغلب الطلاب يشتكون من صعوبة القبول فيها + صعوبة الدراسة , وعلشان كذا ماأنصحك فيها .
أما استراليا ,, جامعة ( ولونجونج ) وجامعة ( موناش ) يوجد فيهن تخصص الكيماء ويعتبرن من أفضل جامعات استراليا
وإنتي ومزاجك """
فياليت الموجودين يفيدوني ..
فأنا بحاجة ماسة لمساعدتكم ...
وسؤال ثاني : هل لابد من وجود جواز سفر أثناء التقديم المبدئي ؟ وبالنسبة للجامعة هل لابد من وجود القبول قبل التقديم عالبرنامج ؟؟
شاكرة لكم حسن تعاونك ..

شكرا اخوي ابو بشار عالاجابة الشافية الوافية
يعطيك العافية و جزيت خيرا يارب

يعطيك العافيه أخوي ’ ماقصصصرت
بس حابه أوضح أن المحرم عمره فوق العشرين بس معه شهادة متوسط بس ’ يقدر يكمل ثانوي بمدارس التابعه لسفارة المملكه مثلآ ..؟؟