مهمومين تفكرون بنتايج البعثه وانتم باذن الله ضامنين القبول تعالووووووووووو بسرعه

October 8th, 2011, 09:16 PM

السلام عليكم ورحمة الله وبركاته

ماراح اطول عليكم بابدا بسرعه انا اخوكم موظف سابق في ,,,,,,,,,, وقفت شخصيا على مشاكل الكثير من الطلبه والطالبات ونصحت ولا ازكي نفسي ولكن اعتبركم اخوة لي في الله
مررت بتجربه شخصيه حسب طبيعة عملي في دراسة اللغه


اكلم شريحــــــــــه وليس الكــل الي يستفيد يعرف او تعرف انهم المقصودين

بتوسوسون وتشيلون هم وتهدرون وقتكم على الفاضي ؟ ماهو حل البعثه مقسوم والي له مقسوم من رب العباد بياخذه

ولاتحسبونها البعثه فله لا البعثه شيب في الشباب

و ,, من الان الي نسبة قبولهم كبيرة من حيث تطابق الشروط ,, يجهزون انفسهم نفسيا للغربه ,, اول ثلاث شهور بالنهار عالم جديد وبالليل بتنام بمكان جديد وبتفقد المجتمع الي كان حولك
الصوت الي كان يصحيك للصلاه,,بيتكم ,, اهلك ,,

لاتوسوسون وتشغلكم الوزاره والمنتديات باستباق الاحداث الي تضحك والله !! وقبولات ولخبطه,, واول ماتطلع النتايج تفكرون بالغربه ولازم اكون صداقات مع سعوديين او سعوديات .. هذا كله غلط ,,

قبولات المعاهد بالملتقى بتكون جاهزه ويوزعونها عليكم ,,اغلب الدول والباقي بيقولون لكم متى تصدر ,,وبيتصلون بانفسهم شخصيا على هواتفكم الي لازم تكون شغاله لين تسافرون ان شاء الله

بعض الاخوه مستعجلين او مضطرين او جربوا الدراسه بالخارج ,,تجدهم تجهزوا

والبقيه مطلوب منكم التجهيز النفسي ,,الي خلفيتهم بالانقلش ممتازه ومستعجلين يسوون قبولات من السعوديه ما انصحكم بها
اول ماتوصل ديرتك وتدرس في معهدك فتره طويله وتفهم اللغه الانجليزيه تسال متى قبولات الجامعات وكيف التقديم
والي مستعجلين مره هم من انفسهم يبادرون بهذا الشيء ماله علاقه بالوزاره

نصيحه لوجه الله لاتخافووووون واستفيدوا من تجارب السابقين قبل سفركم وبعد سفركم لاتستفيدون الا من تجاربكم الشخصيه ..

1- حاولوا تقضون اطول فتره ممكنه مع اهلكم وانتم من الداخل تتهيأون نفسيا للسفر عشان ماتصابون بنكسه ولاسافرتم تسمعون سيرة السعوديه يالبى تراب ديرتي وهاتكم صياح ولاتجمعات وحنا قروب سعوديين او سعوديات ,,

2- انت مسافر وغرضك الي مسافر له انت او انتي ادرى فيه ,, الغربه صعبه ومره والصلاه تريح الانسان والقران والاذكار لاتنسوها طبعا الاجانب لهم عادات ومثل مايحترمون عاداتنا نحترم عاداتهم وكل طلبه حسب نظام البلد المسافر له ومعرفة الاماكن لتاديه شعائركم الدينيه طورررر لغتك واحفظ كلمات راح تستخدمها في المطار في البقالات استثمر وقتك هذه الاياااااااام

3- الوقت الي تهدره بالبحث عن معلومات او اخبار والخفقان والخوف والقلق استثمره بشيء ثاني الاستغفار وقول لاحول ولاقوة إلا بالله العلي العظيم تفرج الهم ان شاء الله والله يرزقنا واياكم تفريج الهموم البعثه هم كبير وما اظن فيه مبتعث ما حزم حقائبه رغبه بالعوده للظروف المره التي تواجهه فاالابواب تغلق الا باب الله عز وجل مفتوح كل وقت وهو مفرج الهموم كونوا مع الله ولاتبالوا ,,والله ما احد يقدر يضركم الا باذنه

4- بلد الابتعاث مطلوب منك تعطي صوره عن بلدك كيف ؟ ماهو بكثره الكلام وديننا كذا وصلاتنا كذا تبثر اوم جوهم وماتستمع لهم , اولا ادب الحوار يعكس لهم رقي بلدك وثقافتك
الانصات الكويس مثل ماتبيه يسمع لدينك اسمع له انت ياخي ولاتقوله ابد انه على غلط انت بحقيقة نفسك متأكد ,, لكن كيف تبيه يقرب من دينك وانت ماتسمع الا لرايك !! فيه ناس يعيشون بدون اعتقاد
وبدون اديان ولهم طرق خاصه في التعامل لاتتدخلون كثير في الامور هذي اسلوبك ابتسامتك كرمــك احترامك لنفسك وللنظــــــــام وشخصيتك المرحه تجعلهم يحبونك ويحبون
دينك وبيئتك كونوا سلسين ومبتسمين ديموقراطيين لا احد يستطيع استفزازززززززززززززكم !

5- اذا سالوكم اول ماتجون المعهد عن وضع المجتمع السعودي وعدم الاختلاط بين الجنسين وهل انتم مرتاحين ام لا .. هذا كله من باب انك تتكلم لغتهم بالمعهد ووممارسه
تقدر تجاوب حنا مسلمين وعاجبنا وضعنا,, وتقدر تجاوب اجابه افضل وتقول ,, عندنا حضاره مختلفه وعادات وتقاليد في السعوديه تعتبر غريبه عليكم مثل ماعاداتكم غريبه بالنسبه لنا ,, وعاداتنا مستمده من الدين طبعا هم عارفين انك تقصد الدين الاسلامي ,,,واذا سالوك عن الاسلام تقدر تبدا كلامك بقولك الاديان الثلاثه متشابهه بقصصها واشياء كثير والاسلام اخرها ولكن للاسف صورته مشوهه جدا في العالم ومغلوطه ..

ابدأوا حواركم من نقط التشابه لا نقط الاختلاف ..

وهم على فكره عندهم معلومات عن الاســــــــــــلام اكثر من المسلمين لايغركم وتحسبونهم جاهلين بالعكس الي متعبهم اختلاف المسلمين شباب عادي وشباب سهرات وخمور وبنات حجاب وبنات لا ..ضاعوا مايدرون وش السالفه بس فيهم شوي خوف من المسلمين خوف داخلي وماحد يلومهم انتم تقدرون تغيرون هذي النظره

اسلوبك وتعاملك ورقي تفكيرك هذا من الاخلاق الاسلاميه وهذا مايجعلهم يقربون للدين الاسلامي ,,

للاسف تجد السعوديين يشرحون للاجانب اركان الاسلام واركان الايمان .. وهم اكثر الشباب تعارفا على الفتيات الاجانب من جنسيات اخرى ماسوو زيهم وكذلك الفتيات طبعا شريحه والاغلبيه فيهم الخير والبركه

لاتكونون شاذين عن الناس حاولوا تكونون قريبين منهم ومن بلد لبلد يختلف اسلوب الشعب البعض سوالفهم بسيطه وفيه مجال للبربره عن الحياه اليوميه ويسهبون حتى في التعبير ,, وفي دول اخرى طبيعتهم جافه وانتم خلكم على طبيعتكم بدون التحدث ع خصوصياااااتكم
كونوا حذرين حتى لو وثقت في شخص اجنبي او من اصل عربي اظهر لك الاخوه لاتكلمه نهائيا عن دراهمك كم صرفت وكم تصرف ومن يبادرك بالسؤال تاكد ان له غرض ماهو كويس لان في عاداتهم عيب وتروح فيها ارقاب

وانتم كرجال لاتتركون اهلكم من مرافقات خصوصا اول ست شهور فهي مرحله انتقاليه ,,وبنات السعوديه شرف وحشمه وعفه ولكن في عمر ١٨ و١٩ و٢٠ نهائيا لاتترك بدون مراقبه حتى وان كانت ستذهب مع صديقه سعوديه’’

كثرة تصفيف الشعر للشباب والاهتمام الزايد بالمظهر والعطر ,,,,,,,,,,,,,,,والزينه الزائده للبنات غير مقبوله عندهم عمليا ودراسيا
مع الحرص على النظافه الشخصيه التي هي من الايمــان وماهو غريب على الشعب السعودي ,,

مهم جدا تناسق الوان الملابس وعدم الخروج بملابس البيت ! واحيانا الثوب السعودي ! لانه غالي علينا

حدد موقفك اول شهرين مطوع وبعدها تنحــــل !!
حددي موقفك اول شهرين محجبه وبعدها تنغرين وتخلعين !!
كونوا ذوو شخصيه واحده اسلاميه تعكس رضاكم عن الارض التي منها نبعتم
لاتخافون ابد ابد ابد ,, مانتم رايحين للقطب الشمالي كلها دول وفيها ناس صالحه وناس طالحه طبعا مافي خوف ابداااا لان الامان من الله .. اهم شيء السكن في احياء آآمنه واسئلوا المدرسين
او مسئولين السكن في المعهد
عن الاحياء الي ماتنصحونا نسكن فيها والاحياء الي تنصحونا نسكن فيها اهل مكه ادرى بشعابها راح يجاوبونكم بشكل مفصل وعن عقود السكن قبل التوقيع مهم جدا وحاول ان تسأل من سيكون جارك عند اختيار السكن ابتعد عن مبنى به شباب عرب وابتعد عن مبنى عوائل سعوديه الله يعينكم ..احرص على وجود لوحه تكسي فوق السياره اجباري قبل الركوب والوقوف عن اماكن لوحات التكسي,,

على ارض الابتعاث خذو تجربتكم بانفسكم لاتروحون تدورون خبرات سابقه لاخوانكم واخواتكم,,استفيدوا بانفسكم فالبعثه اولا تبادل حضــــــارات وثانيا تبادل علوم ومعرفه,,

الانسان بطبعه اذا انتقل لبيئه افضل من بيئته سلوكا يتقوووم سلوكه اتوماتيكيا والعكس اذا اصبح في بيئه اسوا لا ينجر الى الخطأ

استغلوا اوقاتكم بالقران


اي سؤال انا حاضر

اخوكم يمر بظروف قاهره اقعدته طريح الكرسي المتحرك دعواتكم لي بالشفاء العاجل والزوجـــــــــه الصالحـــــــــه
وتحصنــــــــــوااااا بالاذكار

دعوة صادقة من القلب تكفيني

• نشر عبر تويتر
• نشر عبر فيسبوك
• نشر عبر جوجل