قررت الغاء بعثتي : شوري علي

اختي بالملتقى البرنامج الاول واحد كلم الدكتور وقال يبي يلغي ابتعاثه
وسألهم لأنه سمع الي يدقق اوراقه ماينقبل بالبرنامج للمرحلة الثامنه

رد عليه الدكتور ماجد الحربي .. اذا عندك ظروف واسردتها لنا وظيفه ظروف عائليه او للبنات ماعندها محرم متفرغ

يمكن نقبل نأجل لك بضوابط اوو اذا التأخر شديد نلغي ترشحيك وتقدم من جديد

بس اختي قبل لا تقدمي اعتراض فكرري زين لأن لو قدمتي الاعتراض وتحسنت ظروفك
رااح تنتظرين السنة القادمة

تحياتي اخووك زياد بن محمد ^^ واي شيء انا حاضر للأستفسارات

ياحليلكم نقزتو بالبنت من غير رضا اهلك ومدري ايش

هذا والسفر بتصريح شاطحين اجل لو شالو التصريح وش بتقولو " وربي اني فقعت ضحك عليكم " على طول الشعب يفكر ان البنت بتهرب واشياء سودا

يابنت الحلال انتي قومي الساعه ٣:٣٠ بالليل وصلي وادعي بالسجود لين ماتحسي ان راسك خلاص مره عورك من السجود الطويل
وصيري سوي كذا مره ومره لين ربي يفرجها عليك ويسهلك الدرب الخير
ربي مايسهل لإنسان شي إلا وهو الطريق الصح خصوصاً لو كان الموضوع بعد استخاره

بالتوفيق لك

بعد اذن صاحبه الموضوع حبيت اكتب ردي هذا عشان تكون واضحه الصورة
اولا ما اعرف مين اللي بالضبط كتب بس في خبر معين في موقع وزارة التعليم العالي كان مكتوب شرط اللغه انو حيكون في المرحله الجايه
ايام ما كنا نستنى تطلع نتايج الترشيح كنت اي شي يكتبو في صفحه وزارة التعليم العالي اقرا دحين ايش يفكرني فين كان مكتوب
هنا كلام الدكتور العيسى الملحق الثقافي بامريكا بالحرف ما جبتو من عندي


الدكتور محمد العيسى: رفعنا توصية بعدم إبتعاث أي طالب إلى أمريكا ما لم يحصل على الأقل 450 في درجة التوفل في السعودية ، حتى يسهل على الطالب الحصول على القبول الأكاديمي.



واللي يقولو محا يحطو شرط زي كده وما ادري ايش بعدين محد راح يبتعثو والله شوفو انتو كل الدول دحين مقفله للابتعاث ما عدا امريكا وكندا حتى دحين اغلب التخصصات مقفله

وغير كده احنا في البكاللوريوس هادي السنه زادو الدرجه سارت 80 في القدرات والتحصيلي عشان يقللو العدد


وكل سنه حيسير القبول اصعب <<< شي معروف

استنو لشهر 5 وشوفو في موقع الوزارة ايش حيكتبو


والاخت روينه انصحك بالاستخاره الله يسهلك امرك ان شاء الله

اختي قريتي ردودي السابقه ؟؟؟

لأني تعبت وانا اشرح

مستحيل يابنت الناس يشرطون عليك لغه وانتي بدولة ناطقه بالعربية ونسبة اللغه الانجليزيه معدومه حتى اللغه الارودية الناطقين فيها عندنا نسبتهم اكثر من الانجليزي

قلت لك لو طبقوها بيطبقونها بضوابط ... يخلون سنة اللغه هنا .. او يشترطون تخلصون مستوى معين
او مثل ماصار بالمره الخامسه دوره اجبارية 3 شهور

بعدين العيسى رفع توصيه ولا مارفع مو على كيفه يرفع من هنا الى يوم الدين القرار مو بيده !!!
مجرد ملحق ثقافي يتابع امور المبتعثين وليس مدير البرنامج او المسئول
ماعنده الا التوصيات بعدين درجة 450 ماتدخلك جامعه بأمريكا عشان يشترطونها
لو بيطبقونها الف مره قلتها لكم
راح يكون هناك دوره اجباريه على مستوى عالي


في 3 لجان غير عن المسئول ومدير البرنامج هم الي يقررون ويرفعونها للمقام السامي لأن الابتعاث اسمه ابتعاث خادم الحرمين الشريفين

بالنسبة لأهل الثانوي رفعوا النسب عليهم يبغون النخبه لأن فضايح الابتعاث كانت تطلع فيهم
نص الي يرجعون لعدم اجتياز اللغه بنات !!! لعدم مقدرتهم على الاحتكاك
والنص ثاني خريجين الثانوي الي مسجون الي تطلعه السفاره بكفالة الخ الخ ... من مصايب

يسر الله امرك اختي لا تأخذي من كلام الناس الا القليل حادثي ربك وادعيه لانه عز وجل بيده كل شيء

يا اخ زيكو ليش تفهمني غلط انا دحين قلت كيف شرط اللغه وكيف طريقه تطبيقو ما اعرف كيف
وهادي توصيه العيسى كتبتها بالحرف عشان لا تقولو اتبليت ع الرجال

اختي انتي كتبتي بالرد السابق انهم راح يطبقوه السنة الجايه !!!!
اختي تراا المنتدى الزوار فيه كثير كم واحد بيقرىء ردك ويتحطم وبالاخير كلامك غلط

اخت دام انك نقلتي كلام العيسى فانقليه ولا تقولي هم راح يطبقونه السنة الجايه

اختي وين كلامك عن كلام العسيى الرجال قال رفع توصيه ... انتي تقولين راح يصير بالمراحل الجايه ... متى قال هو انه بالمراحل الجايه راح يصير
هو قال رفعنا توصيه ... وانتي قلتي انه خلااص بالمرحلة الجايه خلاااص راح يطبقوه !!

انا اقول ماراح يحطون شرط زي كذا واتحدى ومن الاخير لي معارف بالوزاره لازم نقووول كذا عشان تصدقون
وبعدين وش الي كل الدول مقفله ؟!!

الدوله المغلقه
هي بريطانيا و استراليا ونيوزلايندا ومفتوح الالحاق فيها

الدول المتاحه
هي امريكا الصين كندا اليابان سنغافورة كوريا المجر بولند المانيا وتركيا ايرلندا التشيك كرواتيا رومانيا سولفايكيا هولندا فرنسا اسبانيا .. من غير الدول الي انا ناسيها

وحكايةالتخصصات مغلقه !! اختي الواحد يجي بتخصص دراسات اسلامية ويبي يدرس ماستر قانون 36 ساعه ويصير معه ماستر قانون
واقرانه بجامعة سعود بكلوريس 152 ساعه وبكلوريس بالاخير ... وين العدل ؟!!! هل بالعقل بيصير راعي الماستر افهم من صاحب البكلوريس بمجاله ويأخذ شهاده اعلى منه ؟!!
وفي حكاية اللجنة العليا لمعادلة الشهادات ماتعادل لك الا امتداد التخصص او تخصص قريب منه فقط

وش التخصصات المغلقه ؟!! الي قفلتها الوزاره ؟!! شهاديكم البكلوريس مالها مجال الا تسويق او تجاره الكترونية
واذا بغيتوا امتداد تخصصكم جيبوا قبول فيه وحولوا له .. الي تخصصه ادبي ينسى العلمي نهائيا ويركز على تخصصه
هذا النظام وهو الصحيح وفيه عدل للجميع

اختي لا تقولين كلام من راسك بدون علم كم لك تتابعين اخبار الابتعاث انا اتابع الابتعاث من المرحلة 4

المرحلة 4 كان القبول ... القدرات 70 التحصيلي 77
المرحلة 5 كان القبول ... القدرات 70 التحصيلي 77 .. وقبلوا الي جاب 75 بالتدقيق
المرحلة 6 كان القبول ... القدرات 70 التحصيلي 75
المرحلة 7 ... هي الي صعبوا القبول فيها لأنهم مادبروا لنا مقاعد بدول العالم .. خطأ وراح يتم تلافيه بالمرحلة القادمه

الماجستير كل المراحل طالبين 3.75 .... ماعدا السادسة مشوا نااس 3.70 وجبروا الكسور لهم

بأي اساس تقولين انهم كل سنة يصعبون القبول ؟!!

اختي مره ثانيه كلام ثاني مدري من وين جبتيه ... ياعالم الشروط راح تعلن بشهر 9 هجري القادم

تحياتي ..... وياليت تقرين كلامي كووويس ^^
لأني ما احب الكلام بدون درايه او مصدر او اطلاع
اخوك زياد محمد

الإخوة الكرام،،

قرأوا أخواتنا و قرأنا قبل فترة ما أصدرته صحيفة الوطن وغيرها من الصحف نقلاً عن وزير التعليم العالي ، وهذا اقتباس من الخبر:

"وأوضح أن القبول في المرحلة الثامنة من برنامج خادم الحرمين الشريفين للابتعاث الخارجي مرهون بتجاوز اللغة الإنجليزية في المملكة، مشيراً إلى أن الفكرة جاءت بعد الاستماع لبعض المسؤولين في جامعات دول الابتعاث، حيث أكدوا أن من المناسب حصول الطالب السعودي على درجة معينة من اللغة الإنجليزية قبل الابتعاث تؤهله لاجتياز دراسة اللغة، والحصول على القبول الأكاديمي في وقت سريع."

رأيي الشخصي :أتوقع ان المرحلة القادمة ستقيم دورات اجبارية لتحقيق نسبة معينة في اللغة كشرط للابتعاث.

وهذا رابط الخبر

http://www.alwatan.com.sa/local/News_Detail.aspx?ArticleID=69014&CategoryID=5

واذا كانت اخبار الصحف غير صحيحة
فالصحف أولى بأن تُأنب..

^^^
أخي زيكو!
من ردك لريرو!!
فهمت انه ممكن التحويل لأمتداد التخصص إذا توفر القبول من الجامعة!!!
فهل يعني ذلك إذا كان تخصصي إنجليزي ومرشح على التسويق أقدر ادرس ماستر إنجليزي إذا وفرت قبول جامعي ببلد الإبتعاث!!!!
مع ملاحظة أنه كما تعلم ليس من من ضمن التخصصات المتاحة بالمرحلة السابعة من البرنامج!!!!! هل يمكنك تأكيد ذلك من تجربة أحد المبتعثين بالمراحل السابقة من خلال سماعك أو إطلاعك!!!!!!
وفقك الله علما وعملا،، تحياتي وفائق تقديري.

ملاحظك تقولين هذا حلمك ومدري ايش ...


والاهل صارو يتثاقلون اولادهم !!


عمر الاهل مايتثاقلون اولادهم مهما صار ويتمنون لهم الخير دايماً


اذا انتي تقولين هذا حلمك !

مدري وش قصدك بالحلم هل هو السفر للخارج

ولا اكمال مسيرتك العلميه !


على العموم اذا كان طموحك تاخذين الماستر " من الخارج ومن جامعه قويه "

اجلسي مع اهلك ووضحي لهم كل شي

واذا شافوا اصرارك مستحيل يوقفون بطريقك !



اما اذا كان هدفك بس يالله بعثه للخارج وخلاص فـ قبول الماستر المضمون افضل لك

عصفور باليد خير من عشره على الشجره



عموما عليك بالاستخاره ثلث الليل .. والدعاء الخالص مع الايقان بالاجابه


بالتوفيق